تعبانه وربي مليت من العنصرية والتميييييز :(

[بدورة القمورة]

سلام عليكم..​

آآآآآآآآآه مقهوره دموعي تنزل وانا اكتب :eh_s(11):​

بنات انا ادرس بره الكويت..​

و الحمدالله ربي موفقني حيل بدراستي.. ​

بسسسس..​

ظلموووونيييييي انا كله امتياز :eh_s(11):​

انا ناجحه و عندي امتياز !!​

يقولي الدكتور ماراح انجحج الا اذا تسوين الامتحان مره ثانيه!!​

ماابي اعطيج نسبتج الا اذا اتاكد 100 في 100 % ​

انج صج تستاهلين هالنسبه @@ ​

انا في مده طالعه 2 اعلي نسبه..​

شنو هالحقد مايبون يعطوني نسبتي علشان اني متحجبه :eh_s(11):​

قلت له بشتكي عليك..!!​

قالي اشتكي ماتقدرين تسوين شي بتضرين نفسج بس..​

بنات هذا الدكتور مزاجي قاهرني لان ظلمني حيل :eh_s(11): ​

بنات دقت علي امي امس ..​

والله و قعدت ابجي ابجي..​

اقولها يماااا والله انا ناحجه و عندي امتياز ليش اعيد الامتحان.. ​

امي انقهرت علي وااايد:eh_s(11):​

قولولي شسوي؟؟ ​

اعيد الامتحان مره ثانيه؟؟​

ولا اشتكي عليه؟؟​

بنات ورب الكعبه ادري معاند معاي لاني متحجبه:eh_s(11):​

ادعولي الله يخليكم.. يارب توفقنـــــــي ​

 

[بدورة القمورة]

...

 

[G!RLooNa]

حقير

الله ينصرج عاللي ظلموج يارب و اذا تدرين انج ماراح تستفيدين اذا اشتكيتي عليه عيديه و امرج لله و بتييبين درجه احلى انشالله

بس لازم تظمنين حقج عشان مايرد يطلعلج عذروب يديد

ما تقدرين تكلمين رئيس قسم ولا اي احد

بس صدقيني الله ماراح يضيع حقج

 

[نونا 3000]

حبوبه دام واثقه من نفسح عيديه
الله يعينج

 

[بدورة القمورة]

وربي انا ضاااااااايعه...

 

[ســتارز]

عيديه وبطي عينه

الله يوفقج وتتخرجين

 

[جننها السعودي ]]

خيييييير ان ششاء الله !! ع اي اساس تعيدينه يعني ؟؟؟
ششوفي اانا اقولك كلمي الادارة عندهم بأي قانون يعني انتي بالذات تعيدينه !!
خبريهم كل شيء ..
واذا شفتي مافيه تجاوب عيد الامتحان وتوكلي ع الله حاولي تذاكرين وتجيبين نتيجة احلا من اللي قبلها

الله يوفقك طمنينا

اممم الا انتي بأي دولة ؟؟

 

[لؤلؤية]

تحسبي عليه دايما
قولي
حسبي الله لا اله الا هو عليه توكلت وهو رب العرش العظيم
و...شتسوين يا حبيبتي عيدي الامتحان

عسى ربي ينصرج عليه..ويرد كيده في نحره
وتطلع نتيجتج اعلى من قبل...وتنكسر عينه

ولا تشتكين عليه...اخاف يحط عليج...ويوصلها لدكاترة ثانين

 

[PINKIA_STYLE]

واااي شي يقهر صج

بس حاولي بشتى الطرق عندج الاداره ورئيس القسم

مااااقدرتي عيدي الامتحان ومثل ما سويتي زين بالاول ان شاء الله راح تسوين زين بالثااني

والله يوفقج ان شاء الله ووكلي امرج لله

 

[بدورة القمورة]

بنات للحين محتاااره..

اشتكي عليه؟؟

ولا اعيد؟؟

 

[جمالي (مستحيل)]

عيدي الامتحان شتسوين بعد احنا عايشين بزمن قذر والناس الغرب والعرب صارووووووووو عنصرين.
وصدقيني ربج ماراح يضيع حقج

 

[ALBAROUNA.FAJER]

اذا بتشتكين عليه بيحطج تحت المجهر واهو بيده كل درجاتج
لاتفتحين باب انتي بغنى عنه
اهما فطره بنفوسهم مايحبون المسلمين "ومذكور هالشي بالقرآن"
فـ الاحسن انج توكلين على الله وتعيدين الامتحان بس درسيـه عدل عشان تحرقين اعصابه
وتذكري ان الله معاج لانج انتي مظلومه


ولاتغثين امج حرام لاتشكيلها هالامور لانها بتتضايق اكثر منج قوليلها امور ي ماشيه
والله يوفقج ان شاءالله وينصرج عليه

 

[بدورة القمورة]

اذا بتشتكين عليه بيحطج تحت المجهر واهو بيده كل درجاتج
لاتفتحين باب انتي بغنى عنه
اهما فطره بنفوسهم مايحبون المسلمين "ومذكور هالشي بالقرآن"
فـ الاحسن انج توكلين على الله وتعيدين الامتحان بس درسيـه عدل عشان تحرقين اعصابه
وتذكري ان الله معاج لانج انتي مظلومه


ولاتغثين امج حرام لاتشكيلها هالامور لانها بتتضايق اكثر منج قوليلها امور ي ماشيه
والله يوفقج ان شاءالله وينصرج عليه

ادري والله قاعده اضايق امي بس شسوي هذا امي مالي غيرها مافي احن من قلب الام على عيالها

 

[FeShinGoOo]

حسبي الله عليه الله ينتقم منه يااااااااارب وانشالله اذا لج حق بتاخذينه غصباً عليه الحقير

 

[الليدي ديانا]

حتى اخو نفس حالتج .. يسقطونه لانه مسلم

الله ينتقم منهم

موفقه

 

[brettey]

حسبي الله ونعم الوكيل فيه
اتكلي على الله حبوبه
الله ينصرج

 

[LuLiTa]

انزين ما عندج نسخه من درجات الامتحان الاولي ؟ ,, اذا عندج كلمي مرشدج الاكاديمي و علميه بالسالفة و عطيه نسخه و خل يشوف السالفة يمكن يفيدج ,,, و قبل ما تسوين اي شغله عطي مرشدج خبر عشان لا يتبلى عليج هذااك ,,,

 

[برينسيس ديانا]

انا من رايي انج تعيدينة ولا انه يحط عليج خصوصا انتي براا
وجذي ماراح يقولج شئ ولا تشتكين ولا شئ واذا ع قولتج عنصرية اشدراج بعد اهما ماراح يصيرون عنصريين مثله
الصراحة لا تشتكين احسن واعيدي الامتحان وودرسي عدل وييبي امتياز صدقيني ماراح يلقى عذر بس لو قالج عيديه مره ثالثة او اظلمج ذيج الساع اشتكي
مادري هذا رايي وانتي كيفج يلا ربي يوفقج ^_^

 

[ترانيم القصيم]

هلا و غلاااااا بدووورة القمووورة , لي عودة بإذن الله للتعليق على موضوعك ,

بس قبل ودي أعلق على هالمشاركة :

زمن قذر

أهلين يا عسل ^^

وشلونتس يا بعدي ,, عساااااااااااااتس طيبة ,, :eh_s(17):

حاولت أرسل لك رسالة خاصة بس الظاهر إنك ما تستقبليـن ,, ^^

بخصوص عبارة ( الزمن قذر ) ترى ما تجوز حبيبتي لأنها تُعتبر سب للدهر ,

أعرف إنك ما تقصدين و لا تدريـن عشان كذا قلت اقول لك :

عن أبي هريرة رضي الله عنه قال : قال رسول الله - صلى الله عليه وسلم - :


( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .


تخريج الحديث : الحديث أخرجه البخاري و مسلم ,

 

[the white heart]

عسى الله يفك ضيقج الظلم مررررررررررررررر نصيحتي عيديه وبطي عينه