تعبانه

[عتاب الاحبه]

صباح الخير
بنات حدي مضايقته من حملت وانا متنانه حيل غير سواد الأرقبه والأماكن الحساسة صارت فيني عقده اروح للناس او ازوارات كل من شفاني قال اشفيج متنتي جذي فوق ثقل الحمل وتعبه كلام الناس نفسيتي زيرو حتى ريلي كرهت يشوفني بهالمنظر لانه حسوني. صر ت بشعه حيل شتنصحوني فيه وهل هذا طبيعي للحامل بشهر الثامن :yaaaaaarb:

 

[كاروهات#]

عادي حبيبتي صار لي نفسج بس انتي متني انا حيل ضعفت صرت جلد علي عظم غير السواد والوجه يصير تعبااااان وووووو بس بعد الولاده ان شاء الله كل شي يهون

 

[ام فواازي]

دامج بالثامن يعني البيبي تكون وكمل فعليج انج تخففين اكلج وتبتعدين عن الحلويات والسكريات واكلج يكون صحي مو دسم و تاكلين 3 وجبات باليوم مو تخربطين بينهم عشان تضعفين بصحه وافيدلج حزة الولاده البيبي مايكون كبير
اما احساسج قدام زوجج انسيه لان زوجج عاذرج حامل مو معقوله يكون متوقع انج بتضلين رشيقه وانتي حامل
حاليا الحمال عذرج عالوزن الزايد بس من تولدين بالسلامه شدي حيلج بعد الاربعين بالريجيم والرياضه عشان تردين مثل قبل

 

[sosowaty]

هههههههههه تعوذي من ابليس فتره و تعدي

انا نفسج بس ما وصلت لهلمرحله

خليج واثقه من نفسج

في ناس حيل تمتن و في ناس حيل تضعف

انا صرت درام

وويهي كله حبووب

بس دايم احاول اطلع باحلي صوورة

 

[الفرايد]

عادي ياقلبي انا كذذا بحملي كل الحريم يصير فيهم كذا
اهم شي انتبهي لصحتك وللبيبي ولاحقه ع الضعف

 

[توفـــا]

الله يهون عليج وتولدين مابقي شي الله يسهل عليج يارب

 

[ملاك ^ الحب]

اذا على المتن عادي بس تولدين تضعفين

والسواد حبيبتي هم عادي وشي طبيعي بالحمال بس انصحج اذا ما اهتميتي بجسمج من الحين راح تعانين

انتي بالثامن والله يهون عليج

اخذي من الجمعيه اسكينول حق الويه والرقبه وحطي بقطنه ومسحي ويهج ورقبتج باليوم ثلاث مرات او اكثر ترى عادي

انا هم جذي سواد رقبتي مو طبيعي والله وشريته مع اني ما استغنى عنه بس من حملت مالي خلق شي وخذيته واول الايام استعملته وايد يعني باليوم عادي توصل 6 مرات امسح رقبتي ويطلع وصخ مو طبيعي

بس الحين الحمد الله نسبه السواد في رقبتي 2 % بس يعني اشد حيلي هاليومين وانشالله كله يروح
وحق جسمج اخذي خلطه انجل كات موجوده بالمنتدى

تينن والله عجيييييييييييييييبه احس ماراح استغنى عنها وايد صفت جسمي

4 عصير ليمون
علبه جليسوليد كامله الحجم الوسط مو الكبير
فوار فيتامين سي تحصلينه بالجمعيه وبالصيدليه تاخذين حبتين منه
زيت اللوز المر فنجان واحد


تحطين الفوار على الليمون وبعدين تحطين الزيت وتحطين الكريم وتخلطينهم عدل مدل لمن يصير قوام كريم

وتحطينهم بالعلبه وبالثلاجه وكل يوم حطي منه على جسمج ومكان السواد فركيه عدل

راح يتشربه جسمج بسرعه وما يدبق

وبعد جم ساعه تقدرين تغسلينه او تحطينه بالليل وتغسلينه الصبح

للامانه ما اغسل كل جسمي يعني اغسل ايدي ورقبتي بس

وانشالله راح تستفيدين

 

[غـلآوي ّ ~]

يمكن فيجّ زلآل وهُو اللي نآفخجّ لي ولدتيّ يروح لآتحآتين

 

[اشلون يعني &]

احمدي ربج
اول ماقريت الموضوع علبالي انج عندج مشاكل بالحمل والولاده جايده وخطيره

بسيطه المتن والسواد اغلب الحريم بالحمل مسودات وأمتان. كلها وقت ويعدي
مالج شغل بالحريم عطيهم طااااااااف

 

[q8helwa]

عادي حبيبتي المتن بيخف بعد الولاده

والسواد همن بيروح وعندج سنفرات وحمام
مغربي

وانتي بعد اهتمي بنفسج اكثر بعد الولاده

 

[شقاوة هداوي]

ياختي اهم شي ان ربي يرزقك بطفل مؤ شرط السمار معليك منه شوفيني انا كنت أعاني فترة الخطوبه وووووسمرا ومادري كيف لو يخيروني الان سمار ولاحمل اقول حمل سليم متعافي مافيه إجهاض ولاتعب كامل صح انو النظافة زينه لأكن لاتعبين روحك دوعتكم

 

[احلى ديما]

حبيبتي عندي وعندج خير انا الحين بالثامن وكل من شافني قال اووووف شمتنج صايره وانا صج متنانه حيل بس ماوصلت الشكل البشع مادري شفيهم الناس !!!!!
عاد بروحها اخر الاشهر ثقيييييله ومتعبه والحريم الله يهداهم مايقصرون بالتحبيط

 

[أم عزيـز]

عادي حبيبتي انتي بالثامن اكيد بتمتنين
والسواد هم شي عدي وايد حوامل صوب الارداف والاباط والمكان الحساس والرقبه سواااد
يخف بعد الولاده اطري ا شي يضايق بس شنسوي هذا كاه اثار الحمل لازم
المهم السلامه حبيبتي

 

[عتاب الاحبه]

ما قصرتوااا حبيباتي عالردود والله يهون علينا

 

[عتاب الاحبه]

حبيبتي عندي وعندج خير انا الحين بالثامن وكل من شافني قال اووووف شمتنج صايره وانا صج متنانه حيل بس ماوصلت الشكل البشع مادري شفيهم الناس !!!!!
عاد بروحها اخر الاشهر ثقيييييله ومتعبه والحريم الله يهداهم مايقصرون بالتحبيط

أحلى ديما أنا ما وصلت أني أصير بشعه بس كلام الحريم حسوني بجذي الله كريم

 

[عتاب الاحبه]

ياختي اهم شي ان ربي يرزقك بطفل مؤ شرط السمار معليك منه شوفيني انا كنت أعاني فترة الخطوبه وووووسمرا ومادري كيف لو يخيروني الان سمار ولاحمل اقول حمل سليم متعافي مافيه إجهاض ولاتعب كامل صح انو النظافة زينه لأكن لاتعبين روحك دوعتكم

الله يرزقج حبيبتي تدرين للمشكله بنات خالتي ثنتين حميل معاي وله وحده تغير فيها شي بس بطن وبالعكس صارت بشر اتهم أتينن الحمل زينهم