تعبتني بشرتي :"((((((

[مآمآتي]

السلام عليكم



بنات انا بشرتي مختلطه

وتطلع لي حبوب بالجبهه و صوب الحلج وشوي بالخدود


جربت كلنيك ما نفع معاي كلش كلش مع انه نفع مع امي و خواتي


ابي غسول و مرطب وحمايه من الشمس و حق السواد الي تحت العين



بالمختصر ابي شي كاااامل

مو مهم السعر


بس ابي ويهي يصير زبده :eh_s(2):و لونه واحد




بليييز لا تبخلوووون علـيييي

 

[BLack doll]

الله يعينج ,, يمكن تستشيرين طبيبة جلدية احسن وأضمن بدال لاتقلين فلوس على كريمات ماتدرين بتفيدج ولا لأ

لأن على قولتج من بشرة لي بشرة يختلف ,, يمكن هالكريم ينفع معاي وما ينفع معاج والعكس

خل اقولج تجربتي انا بعد بشرتي كانت حيــــــــــــــــــل مختلطه دهنية على جافه وفي اماكن غامجه اماكن شوي فاتحه (لون بشرتي ما كان موحد)

غيرت طريقة اكلي

كذا بنت بالدوام يسألوني شسويت بويهي و اي كريم قمت استخدم !!

وبهالفتره بالذات اللي عدلت فيها تغذيتي قطعت فيها كل الكريمات حتى حمايه ما قمت احط

قطعي المقليات والشبس والككاو واي شي في دهون

وكثري فواكه وخضار وشربي ماي عادي + ماي ورد وشوفي شلون ويهج بيتغير وحطي حيلج بالرقي وعصير البرتقال
انا احذف وحده من وجباتي وآكل فيها رقي بكميه مفتوحه الرقي كله ماااااااااااي وحيل غير بشرتي

والله يوفقـــــــــــــــــــــــــــج

 

[مآمآتي]

حبيبتي الكاكاو صعبه اقطعه

الصرااحه


ماقصرتيي

يعطيج االعافيه :*

 

[سكرً زيآدهـً]

شوفي أنتي نفسي بالضبط أنا ماخرب بشرتي غير الصابون
قطعت الصبون عن ويهي راحت الحبوب كلش
اغسل ويهي بماي عدل وامسحه عن طريق الطبطبة بالكلينكس
واحط منقوع المرة كل مافضيت يعني بأي وقت عادي
الحمدلله الحبوب خفت وماقامت تطلع لي الا حبة الدورة

 

[aseman]

حبيبتي روحي حق عيادة وايد احسن ومثل ما قالولج كثري ماي وفواكهة

 

[منار البربرية]

شوفي الخاص حبوبه ،،،

 

[ايسكريم بالتونه]

انا بشرتي مثلك مختلطه ومتعبتتتني وجرب كل الصابونات ماستفدت شئ

الا صابونة البابايا 5x1 خيااال هي الوحييده اللي ناسبتني وتونيك نيفيا للبشره المختلطه حلوووه

وكرييم اولاي حلوو وقناع حلووووو الي اهو كمووون وماء حااار خليه لين يبرد وحطيه لمدة نص ساعه

 

[منار البربرية]

بنات انا ماعمري استخدمت صابون للوجه ،،،


غسول هذا زين
وسوو سيرج عنه بقوقل وطبعا بعده تحطين كريم من نفس الماركه حق يطفي الحبوب ،،





،،،


كريم الحماية غارنيه للبشره العاديه والمختلطه متوفر بالجمعيات ورخيص ،،،


موفقين​

 

[سمراء كويتية]

انا بشرتي كانت نفسج و فوق هذا الجفاف ذابحني




اول شي قطعي كل انواع الصابون

]

هذا الغسول واايد زين





وهذي الماركه بعد جربتهااا فرقت معاي بشرتي

شوفي الي يناسب بشرتج منها ااا وان شالله تتحسن و مات شوفين شر

 

[freakiya]

نصيييييييييييييييييييييييييييييييييييييييييييييحه استخدمي صابونه Do5 من التاجره ام عزيز 90001612