تعبت الصراحة

[نوفو البطة]

سلام بنات شلونكم

ادري بعضكم راح يقول عني سخيفة

بس هل موضوع بقلبي وقلت يمكن تساعدوني

انا ب 10 ثانوية

وطلبت من اهلي تليفون بس مو راضين يشترون لي

معنه كل البنات الي بعمري عندهم

حتى بنت عمي وخالتي

واناا احتاج الفون لانه بعض المرات اروح معهد يا اطلع امبجر او اكمل اخذ حصص زيادة

و قتلهم بس قالولي لمن تحتاجنه نشتريلج

بعض المرات احس اني منبوذة وغير عن البنات

و المشكلة مو مشكلة فلوس او شي بس اهما للحين مخهم جذي حسبالهم الزمن ماتطور :eh_s(11):

ساعدوني شلون اقنعهم ؟؟

 

[قيروان الزمان]

السلام عليكم ورحمة الله وبركاته
أول شي يالغالية ما نقول عنك سخيفة أبد ولج الحرية تعبرين عن اللي بخاطرج
بالنسبة لموضوعج أنا أشوف دام إن أهلج رافضين لا تضغطين عليهم وطيعيهم
ومردهم بيخلونج تشترين تلفون ان شاء الله

واكيد هذا من حبهم لج وخوفهم عليج وخلج واثقة من هالشي
ركزي على دراستج الحين والله يوفقج ويسعدج دنيا وآخرة

 

[ضــمــاد]

حاولي تعرفين ليش اهلج رافضين

- هل سبب رفضهم عشان ما تنشغلين فيه ويأسر على دراستج

- هل اهلج عندهم مبدأ ممنوع البنت بهالعمر تأخذ موبايل

انتي عرفي السبب ، تالي اخذيهم بالسياسة ، قوليلهم اشترولي فون وعطونياه لما اكون بالمعهد

وبالويكند ، وأيام المدرسه بخليه عند امي ، وأخذه لما أروح المعهد واذا رديت ارده لها

رشدي حيلج عشان مايقولون عطيناها الفون وأثر على دراستها

 

[ملكه الحطب]

أتوقع والله العالم ما يعطونج من البلاوي اللي يشوفنها ويسمعون ها من الناس يعني خائفين عليج

أنا ما صار عندي تلفون الا لما تخرجت من المعهد بس بزمنا الواحد من الابتدائي تلفون ولازم تكلمينهم عن هالشي واجهيهم لانه به الأيام ضروري التلفون

 

[ملكه الحطب]

أتوقع والله العالم ما يعطونج من البلاوي اللي يشوفنها ويسمعون ها من الناس يعني خائفين عليج

أنا ما صار عندي تلفون الا لما تخرجت من المعهد بس بزمنا الواحد من الابتدائي تلفون ولازم تكلمينهم عن هالشي واجهيهم لانه به الأيام ضروري التلفون

 

[dalo0oa121]

حاولي تقنعينهم انه بحالة الطوارىء تستخدمينه واذا انتي بالبيت تعطينهم.

 

[نوفو البطة]

مشكورين بنات وااايد انشالله راح اقعد معاهم واشوف :eh_s(7):

 

[ياهم لدي رب]

اطلبي منهم فون عادي منوكيا للاتصالات ومع الوقت اذا حسوا انج ثقه وقد الثقه وما استخدمتيه بشيء خطأ مثل المكالمات المحرمه
اطلبي منهم فون مطور وماراح يرفضون ان شاء الله بس اهم شيء واقبي الله ونفسج وحافظي عالثقه وهذي الطريقه يبيلها طولة بال منج على مايجربونج ويثقون فيج

 

[لهفه لقاء]

مايعطوونك لانهم خايفين عليك
بس انتي تفاهمي معاهم ب اسلوووب
وقوليلهم بس ابيه ب ايام الاجازات
و ان شاء الله مايرفضوون