تعبت ساعدوني

[شجون قصيمية]

بنات لحقوني

احس اني بنجلط ومولاقية حل تعبت والله:gr4uu:

بقولكم السالفة طيب

انا اكلم شخص لي سنة تقريبا وطلبني لزواج وكان صادق بكلامة خلاخواتة يدقون ع امي وخطبوني منها وامي ماتدري اني

اكلمة او لي علاقة معاة حتى يابنات خلاني اكلم امة هو اصغر مني بخمس سنين وقالي بسكنك عند اهلي بغرفة بس وسكت

ورضيت بس عشان افتك من العيشة اللي فبيتنا لان عمري الحين 26وهو مو من نفس الديرة اللي انا فيها بس هذا مايمنع انة

يجي او يلقى فرصة بااقرب وقت


ورب البيت تعبت يابنات لة سنة يقولي بجي اشوفك شوفة شرعية ولايجي مرة يقول ابوي تعبان واختي مدري شفيهاومرة

ماعندي سيارة اصبري لمين اشتري واجي وقلت يالله يابنت ماعلية اصبري لمين تشوفين اخرتها

بس صدق عطيتة وجهة وقلت لة قبل كم يوم بغير رقم جوالي عشان يحس قالي كيف بكلمك قلت لة هذا اكبر همك انك تسمع

صوتي قلت لة انت قدرت تروح لاامريكاتدرس هناك 3 شهور ورجعت يعني موقادر تجي تشوفني وكل شوي يطلع اعذار

تعبت يابنات حتى اخوي يقولي انتظرة يجي يشوفك ولاجاء لانة هو يكلم اخوي

تخيلو كل مايكلمني يقولي عن الزواج وكم عددكم انتم عشان نختار القاعة وكم المهر وكل شئ تمنيت اني اذبحة كيف يحدد

وهو ماشافني احس انة نصاب انا من متى انتظرة يجي وكل شوي يقولي كلمت امي واختي عن موضوعناقهرني وشو تكلمهم

فيهم مابعد تحدد شئ ولاانت شايفني عشان تسولف عني انت وامك

بنات تكفوووووون انصحوني انتم خواتي حتى لو تزفوني ماعلية اهم شئ ابي حل:lkmnkl:

تعبت انا بلغي رقمي خلاص وبخلية بس هو يمكن يدق علي اليوم قولولي وش اقولة لااتصل

بنات هو بارد مايحس احس دمي يفور وهو عادي عندة ماياثر فية شئ ابد :23_asmilies-com:

وربي كرهني بشئ اسمة زواج

اانتظر ردودكم حبايب قلبي مالي الا الله ثم انتم

 

[MiSs SaLsA]

حياتي الله يوفقج و يسدد خطاج
و صدقيني كل شيء رح يصير بيد الله و اليرة في ما يختارة الله

و إن شاء الله البنات يفيدونج
الله يفرج همج يا رب

 

[!! الواصليّـــــة !!]

ئيش اللي يخليك ضامنه انهم خواته !
وما اكثر من اجهزة تغيير الاصوات بالدنيا
والله اللي كلامه كذا اوضح انه لعوب واعذريني لو قلت لك مافي شاب ابد يفكر ياخذ وحده تكلمه !
.
ارجعي لربك غلاي وغيري جوالك ولاتصدقين كلامه
اما ماعنده سياره والله انه لاقيك صج وعارف انك ع نياتك ..!
قولي تعالي بتاكسي !!
السياره صارت كارثه بعد ؟
..

حبيبتي
نصيحه لوجه الله غيري جوالك وداعي ربي يعوضك خيررر
يعوضك برجال ماعرفتيه بجوال !!!
.

كان الله في عونك ع نفسك .
.

 

[بتبوتااا]

عطيه قم ابوج وقوليله هذارقمه تبيني حياك الله ما تبيني قول لي اياها صراحه وبلا لف ودوران ,,

 

[مينوووونه]

والله يا قلبي
إذا إهو شاريج ويبيج
راح يطق باب بيتكم بأقرب وقت
عشان إتكونين حبيبته وزوجتة على سنة الله ورسوله
وأنا من رايي إنج تقطعين عنه نهائيا
حتى لو كنتي إتحبينه
بس راح تقدرين إتهدينه عشان نفسج
خليج عزيزة نفس والله يكتب لج اللي فيه الصالح يا رب

 

[شجون قصيمية]

اولا انا صدق كلمت خواتة حتى امي كلمتهم والرجال كلم اخوي بنفسة حتى اخوي قالي يعني مايكذب لابعد وابو الولد كلم اخوي وسال عنة

بالشغل وعرف انة يصلي ومايدخن يعني الولد تمام بس حنا مستغربين انة ليش ماجاء للحين هذااللي موتني

بعين ابوي متوفي الله يرحمة عشان كذا اخوي مسوؤل عني بعدين كثير بنات تزوجو عن حب ومبسوطيين دامة هالشئ بيوصل لزواج

بس هو قاهرني بنات لاتلوموني انا تعبت من كلام الناس هذي شفيها ماتزوجت للحين المشكلة اقرب الناس لي تتكلم عني واولهم اخواني من

ابوي كل مايجون يقولون وشفيها ماتزوجونها تعبت وربي قمت تنازلت عن كل شئ بس قلت اتزوج وافتك منهم ومن حكيهم

بنات مومجاملة لنفسي بس انا كل من شافني قال غريبة ماتزوجتي موناقصك شئ ماشاء الله طول وبياض بس وش اسوي انا كثير ناس تقدمولي

واهلي يرفضون يعني وش اسوي اقول لناس اهلي يرفضون مايصير

وربي يابنات وصلت فيني حالتي اني انتحرانجنيت من كلام الناس وش اسوي انا اذبح عمري عشان يرتاحون وينسوني

 

[شوشو الشقيه]

بصراحه ما ادري
تسلمين يا قمر
وربي يسر اموك دنيا واخره
ويسر امور اهلي ويطول بعمر ابوي واهلي
قولي امين يا رب
من اختج شوشو الشقيه

 

[منورة الكويتية]

انزين انتي الحين قاعده تقولين شبتسوين راح تغيرين رقمج
خلج قوية وغيريه وقطعي علاقتج فيه
ان بغاج يدل طريجج ويعرف اخوج
وبيني وبينج ياهل 21؟ من صجج

 

[!! الواصليّـــــة !!]

اهاا شجون
اذا كذا والرجال صادق ف صدق شي يحير ليه مايصير الامر رسمي وخلاص !

.

شوفي غلاي دامه صادق اكيد اكيد رح يتقدم لك بشكل رسمي انتي بس اقطعي علاقتك فيه بالجوال ولاعاد تكلمينه .


وبإذن الله يبدى يفكر جديا في انه يتمم الزواج ..
..

الله يفرج همك ويسعدك قريب .}

 

[الباسمه]

حبيبتي اصحي
اولا هذا لعاب وغيريييييييي رقمج عشان تبين نواياه
ثانيا اذا احد تقدم لج وحسيتي ان فيه خير كلمي اقرب واحد من اهلج وقولي انا موافقه على هالشخص ومو من حقهم يرفضون
وبعدين انا مستغربه ليش اهلج ينطرونه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وانتي تقولين ان فيه ناس تخطبج
يعني شمعنى هاذا اللي ينتظرونه
فكري عدل بس من مواريه احس انه لعاب
واسفه اذا ردي ضايقج
موفقه

 

[شجون قصيمية]

اشكر كل وحدة ردت علي

ويالباسمة انا كلمت الولد اليوم الصباح وهاوشتة وقلت لة كل شئ بس بحدود وقالي بدال ماتقولين لي كلام حلو تهاوشين وزعل علي وماعلي

منة خلة يزعل بكيفة وقلت لة مايكفي بعد انك بتسكني بغرفة عند اهلك قالي انا معلمك قبل مااقدر اخلي امي قلت لة ماقلت لك تخليها بس

موتسكنها بنفس البيت يعني يكون لي قسم خاص فيني قالي هذي ظروفي وانا معلمك وقالي الله يوفقك

بعدين قلت لة بلغي رقمي وانجن وانا خلاص قررت الغية خلال اليومين هذي وماعلي منة واصلا بيني وبينكم انا ماابية ولاحبيتة لانة اصغر

مني واحس انة راح يتعبني كثير هو واهلة وقالي اصلا لو بجي اشوفك الحين ماعندي نية اتزوجك حاليا وهذا اللي موتني اكثر

وياحبيبتي يالباسمة بالعكس ردك ماضايقني ولاشئ تسلمين لي يارب وانتي صادقة بكل كلمة قلتيها

وانا قررت اتركة وربي بيعوضني انشاء الله بواحد احسن منة ويعرف قيمتي

 

[tmtmt]

حبيبتي صارلج شكثر تكلمينه ومن ورى اهلج وبعدين تقولين اصلا انا ما احبه !!!

عيل ليش جذي الله يستر الحيين ما يسويلج فضيحه عند اخوج ديري بالج منه
والله يسهل امرج يارب

 

[شجون قصيمية]

صار لي اكلمة اكثر من سنة بس جلست فترة 3 شهور ماسمعت صوتة كان يدق كل شوي واطنشة واحيانا اجلس بالاسابيع مااسمع صوتة

عشان يجي يخطبني من اهلي ويشوفني بس

مافي امل يتعدل ويصير زي الناس كل شوي يقول ظروفي وظروفي وانا مااحبة بس هو يحبني ويموت فيني

وانا مااحس بناحيتة باي شئ يعني


لو يتركني ماراح ياثر فيني لانة يابنات يقهر احس انة مراهق وصغير حتى ماعندة سوالف بالجوال غير احبك واحبك مايعرف يسولف زي

الناس كيف تبوني احبة وهو موقد كلامة لاجاء ولاشافني وكلة كلام بكلام

انا قلت الحب يجي بعد الزواج بس بيني وبينكم كرهتة ولاقدرت احبة من تصرفاتة

 

[tmtmt]

الصراااحه بطيتي جبدي

اول شي كنت معاج

بس بعد ردج الاخير لا والله

اكلمه عشان يمكن احبه .. اسوي شي غلط عشان يمكن .. ما فكرتي باخوج شنو راح يكون موقفه لو يدري
ما تخيلتي شكله واهوا منزل راسه فقير ماله وي يطالع الناس

مو زواج اهوا عشان تقولين ايي الحب بعدين