اليوم قررت لاول مرة افتح قلبي واتكلم
بعد خمس سنوات مالقيت حد جدير بالشور غيركن خواتي
واللي شجعني مالمسته من ردودكن على المواضيع والحلول الايجابية اللي تقدمنها
ومابيخيب ظني فيكن ان شاء الله
قبل خمس سنوات تعرفت على شاب عمره من عمري 30 سنة
توقعت انه هذا العمر مناسب للارتباط والحب الناضج
واعتمدت على اني وياه من نفس الاماره وعايلتنا متكافأة معاهم من كل النواحي اذا صار نصيب
وفعلا حبيته على شرف والله العالم انه علاقتنا طول هالسنين ماتعدت الفون واشوفه في الاماكن العامة من بعيد وغير جيه ماصار شي يخليني اندم او يجرح عائلتي
قبل سنه ونص فاتح اهله في موضوع الزواج واهله وافقوا لكن امه رفضت والسبب تشابه اسم عايلتي مع عايله بينهم خلاف قديم والسبب الثاني لانه ولدها هو اللي اختار مش هيه
وماكلفت خاطرها تسال وتتاكد انه عايلتنا مالها علاقه مجرد تشابه اسماءوحاولوا معاها بس هيه رافضه والحين ماتكلم ولدهامن شهرين
من ناحيه ثانيه انا جامعيه وطول هالسنين شجعته يكمل دراسته ووصلت بي للواسطات عشان ينجح في الصف العاشر والحادي عشر وياخذ الثانوية ويدش الجامعة والحين هو سنة اولى جامعه ولازلت واجباته وبرجكتاته انجزهم له
خواتي انا الحين في دوامه لمست ضعف شخصيته جدام امه المتسلطه وخواته حاولن معاها وايد بس هيه رافضه هذا الزواج
وانا ثنتين من خواتي يعرفن بموضوعي ونصحني اتركه لاني ضيعت فرص مع شباب تقدمولي افضل منه بس انا ضحيت باسم الحب لاجله
وبعد لاحظت انهم عايله مفككه تحت سقف واحد وعادي يتقاطعون ومايتكلمون مع بعض عكسنا نحن على ايد وحده الحمدلله
من اسبوعين خطر ببالي انهي كل العذاب والمعاناة اللي انا عايشتها
قلت له واحد متقدم لي وخلاص ماصار عندي مجال للرفض او العلث اكثر من جيه
سكت والبارحه شديت معاه في الكلام وقام يغلط على امه وخواتي ويلعن :eh_s(14):
يغطي ضعفه وعجزه بالصراخ ...
شورن عليه خواتي بعد خمس سنوات من الانتظار والصبر تتصورون سنه ونص مب وايد على واحد يقنع اهله يزوجونه؟
بديت احسن بضعف شخصيته وضعف ايمانه وقت ما قام يدعي ويلعن اكثر من قبل
انا احبه وهو طيب وحنون معايه بس لين متى ؟؟
نفسيتي تعبانه وصرت مااقدر اركز لا في شغلي ولا حتى في السواقة
اصبر عليه ولا اخليه ؟ ؟ ؟
الموضوع بين ايدكن وانا حابه اسمع شوركن لاني متاكده بتكون لكن نظرة اشمل مني بعيد عن العواطف وآلام الحب
دعواتكن خواتي لانه نيتي الزواج والستر مش اكثر
