شوفي حبيبتي لاتتصورين متن وشحوم من سنين بتتخلصين منها بشهر أو حتي شهرين لا الموضوع يحتاج صبر وطولت بال ,,
حطي فى بالج شغله مهمه أن أحنا ناكل عشان نعيش موعايشين عشان ناكل !!! يعنى الأكل عشان يساعد الجسم يستمد طاقته وحاجته من الغذاء فقط يعنى موواناسه وبلع طول اليوم ,,,
كلمه رجيم شيليها من مخج نهائي واستبدليها بنظام صحي مفيد ,,,
انصحج بالأتي
1- كثري من شرب الماي 8 اكواب ماي باليوم
2- الأكل ببطئ
3- لاتفكرين بالأكل وتتشهينه واذا طرت على بالج اكله زفي عمرج :d مثلا شهالشفاحه بدال لا اشغل تفكيري بشي مفيد افكر بالأكل ! <<<أنا أسوي جذى
4- قللي كميه أكلج يعنى الريوق بيضه مفيوحه مع شويه جبن او مربي مسحه خفيفه على توسته محمشه وحليب خالى الدسم
الغدي من أكل البيت مومشكله بس الكميه قلليها بدال لاتاكلين 20 لقمه خليها 10 وابدي قللي مع الأيام وقللي بالمظغ بين الغدي والريوق اما قهوه او تفاحه او عصير برتقال العصر مثلا اشتهيتي حلو او تمر اكلى بس قللي يعنى كتكات واحد او 5 تمرات العشي صحن سلطه شوي كبير بس انتبهي من السوس الجاهز خلطي خل وشويه ليمون وقفشه صغيره زيت زيتون وبس
5- بعطيج وصفه تهبل قاعده استخدمها قبل الوجبه بعشر دقايق ماي مغلى حطي معاه قفشه كمون ونص قفشه زنجبيل وربع قفشه دارسين مع شريحتين ليمون ونطري لين يدفى وشربيه بعدها بعشرين دقيقه اكل غداج او ريوقج حيل حلوه للحرق
6- شربي جاي ابيض مره باليوم انا اشربه مع زنجبيل طري واحط قشر رمان معاه شويه
وقاعد ينزل وزنى بطي ولكن قياساتى قامت تقل اليوم ناس شافوني يقولولي ضعفااااااااااااانه حيل استانست
أنتى دايما حطي فى بالج هذا نظام حياتي انا مو أفه ومخلوقه للأكل بس ؟
واذا اشتهيتي أكله دسمه مثل قولي لنفسج ان كليتها بمتن وان ماكليتها ماراح أموت
والله يضعفج وييضعفنا كلنا بصحه وعافيه يارب
