تعبت مع مدرسة .. بنتي الإنجليزي .. بنتي كرهت الماده .. و الناظره خوش رد و الله ..؟؟

[basema]

في المرحلة المتوسطة ما في شيء فوضي إذا الطالبة غايبة مثلا لازم تقرير طبي و تأخذ جدول أو تبلغ بالآختبار و قبل يوم من أختبار المادة يذاع في الإذاعة المدرسية و يكون لجميع المراحل للمادة نفسها و الحصة الثانية دائما و بعدين إذا غابت المعلمة و كانت كثيرة الغياب توزع حصصها علي القسم و تدرس وهذا هو المعمول بنتج بأي مدرسة

 

[خشف المطران]

أه .. يا همي .. ..

هذي النظم و القوانين .. مو بمدرسة بنتي .. وصج أنا صارلي إسبوع أقرى . مراقبة التعليم الإبتدائي . هههههههههه

شكو ..بنتي 3 متوسط .. ... ههههههه .. دوختني .. هالأبله ..

وبالنسبه للمدرسه ما أبي أقول.. أخاف والله وحده من هالمدرسات هني .. وتصير سالفه ..

بعدوني عن الشر.. باجر الدوامات .. وإن غدا لناضره .. قريب ..

ياويلج .. مني ...

وفعلا بنتي جابت لها تقرير طبي .. والجدول .. حجي فاضي .. بنتي كانت بروحها اللي غابت .. بالمرحله كلها ... فحطوها بروحها .. وأبلتها هالدعله إهي اللي حطت الإمتحان...

يعني قصدج . كان من حقها .. تمتحن مع أولى و ثانيه وثالثه ورابعه .. وكله الغايبات بكل المراحل .. لمادة الإنجليزي هذا المفروض.. ؟؟

إيه نوروني عشان باجر يكون لي حجه ... ألعن خيرهم ..

جزاكم الله ألف خير...
والحصص ما تتوزع .. تبقى إحتياط .. محد .. مسكهم . لين ولدت .. وبلغتهم إنها والده .. جتهم المدرسه الأولى.. مصريه خوش أبله ..

بس شترقع ..؟؟ شتغبر. ..؟؟

 

[manarah]

شكوى بالوزاره على المدرسه وتبينيلهم حتى رد الناظره ويردلج حقج وحق بنتج

 

[برونزية رشيقة]

الحل تقرين هالدعاء : (( اللهم افتح لي فتوح العارفين ))
و هالدعاء (( اللهم ملكني قلب من أحوجتني إليه ))

إدشين عالناظرة بهدوء بدون صرااااااااااخ ولازم زوجج معاج غصبن عليه يتكلم لان الناظرات والوكيلات يخافون من الرياييل بروحج ماكو فايدة !!!

وتقولين لهم يستدعون البنت وتقول سوالف الأبلة جدام الناظرة ، وبكل هدوء تلتفتين عالناظرة وتقولين لها :

(( إذا ما نقلتوا بنتي هالكلام راح يوصل للمنطقة التعليمية ، انا 3 سنين احاول بالطيب فيكم ما تبون راح أضطر أشتكي وعندنا معارف بالتربية يودرون هالمدرسة تودر ))

أدعي الله يسخرها لج ويفتح قلبها وتلين وتساعدكم ... الله يفق بنتج واااااااااااي هالمدرسات عقدوا عيالنا مثل ما عقدونا أستغفر الله العظيم