تعبت منه ومنقرفه بموووووووت خلاص

[ندي العين]

السلام عليكم ورحمه الله وبركاته

يمكن قله منكم يعرفني من قسم تاخير الحمل وانا للان متزوجه لي 11 شهر واللهم لك الحمد خليت هالموضوع بيد الله الواحد الاحد
مو هنا المشكله المشكله بزوجي
صدته اكثر من 4 مرات وهو يكلم ويرسل لبنات وكل مااوجهه يبكي ويحلف اخر مره وانا اسامح واصدق خوف اهدم بيتي او اخرب حياتي
اخر مره كانت قبل 3 شهور لقيته هو مع بنات كل وحده علي حده يسولف ويضحك معهن وليته كذا الا يرسلون لبعض صور لانفسهم ومرات خليعه جيته بالحيله قلت ابي اسير علي اهلي ورحت لهم ويوم وصلت لبيت اهلي

كلمت زوجي وقلته انا كذا وكذا وانا تحملتك مافيه الكفايه وانت راعي بنات هو قلب السالفه ليش تفتشين الجوال وكللللل ذا بدون اهلي مايدرون كون اهلي البنت ماترجع زعلانه وعليها تصبر

بعد السالفه بيومين جا لبيتنا الفجر خذاني ورجعنا بيتنا وقعد يصيح ويبكي ويحلف بالمصحف انها اخر مره وانا سامحته

فات علي هالسالفه 3 شهور ووضعنا عادي احياننا هواش واحياننا حب بس قلت عادي مو خلافات ضخمه

لي اسبوع حاسه بانه حاسه بشي وقلبي ينقزني بس تجاهلت الا ذاك اليوم جت الساعه 11 الليل موعد نومه طلع من الغرفه يحوووس بالبيت علي بوكه قال ااااااه بالسياره بنزل اجيبه ونزل لمده 5 دقايق ورجع مبتسم ومبسووووط ويضحك معي هنا حسيت ان الكلب عمره مايتغير <<< تكرمون بس حره فيني

قبل يومين كنت طالعه وجواله مفصول قال جيبي معك بطاقه شحن قلت اوكي اول مارجعت عطيته علي طول شحنها قال يوووو نسيت اركن السياره وانا ماانتبهت يوم ادخل البيت وين السياره نزل لمده 7 دقايق

ثاني يوم كانت معزرمه وقبل اطلع تهاوش معي ولعن وماخلا كلمه ماقالها بس مشيت له اعرفه معصب من الدوام يوم رجعت من العزيمه كان نايم وكنت زهقانه قلت اطقطق علي اللاب واول مافتحته

هن المصيبه ناسي التويتر فاتح علي اللاب رحت اشيك علي الرسايل الخاصه لقيته طايح حب مع وحده وكلام العشق والحب والغرام لها وانا الهواش والطق والتلعن لي
تخيلو يغار عليها ويحلفها تاكل وماتطلع مع السواق لحالها ، وانا ان بغيت اسير علي اختي اللي بيتها عن بيتي دقيقتين يسوي سالفه

وليته كذا البطاقه ذاك اليوم خلصها علي صوتها وانا اللي جبتها وعطيته بيده <<<< ياانها توووووووجع
وانا اقر محادثاتهم يوميااااا وانا ابكي واطق نفسي ولارحع البيت مااقدر اواجهه لان مدري ليه احسسه بانه متغير يقول لا
اقول له الحرمه اللي لقت زورجها يخون مالها قعده عنده ابيه يفهم وعمك اصمخ

اكتب لكم وانا بمووووووووووت صياح وبكا وهو بالتويتر يكلمها ويقولها احبك وانتي دنيتي وانتي صرتي كلي وهلي وهي بنت ابليس ترد له كلام حب وانا اللي يهاوش علي وصراخ

وش الحل فدوني مو بيدي شي ماسويته يمكن عندكم حل يمكن في حل انا غافله عته

 

[كنوشة 2009]

الله يعينج واصعب شي في الزواج هي الخيانة
وانا ابي افهم زوجج ليش متزوج اذا من اول شي يخون
ومن ناحيتي اقول انا الخيانة لا يمكن السكوت عليها
ولازم الزوجة تحط لها حد من البداية حتى لا يتمادى الزوج

 

[زين ودلال]

لا حول ولا قوة الا بالله

الله يهديه ويسخره

مادري شقول الوضع مو عاادي

 

[ندي العين]

قولوا لي وش اسوي من جد تعبت اليوم بغيت افتح حساب لي بالتويتر واقولها كلمه وحده بس
ومرات اقول ادخل علي حسابه وارسلها وهو يطالع ولا يهمني شي
مدررررررري والله لي اكثر من يومين ابكي وعيوني تنفخت

اقسم بالله ياانا صبرت عليه وتحملته ولا انا من اللي مهمله نفسها وشكلها والله والله يشهد ماعمره اشتكا من ريحه ولا من شكل ولا من بيت ولا من اهمالي معه بالعكس لبس وريحه واسولف معه والبيت مرتب
بس وش اللي يصير وش اللي صار

 

[M!SS.LOBY]

لا حول ولا قوة الا بالله

 

[أأأميرة الورد]

الله يهديه لج ويسخره

 

[qoot]

الله يكون بعونج والله شيء يقهر

مادري شقولج اذا قلت لج افتحي حساب وردي عليها مراح تستفيدين ولا راح تغيرين شيء من طبعه

وهم اذا قلت لج ردي عليها من حسابه راح يقلب عليج

يابعد عمري انتي ابخص بريلج يوم رحتي لاهلج ش حسيتي فيه حسيتي انه ناوي يتغير عشانج؟؟ ولا ماهمه وجودج مثل عدمج؟؟

صارحيه وطلعي كل اللي بقلبج واذا قال ليش تنبشين من وراي قولي لاتلومني انت خليتني اشك فيك

وارسلي له مقاطع تخوف عن الموت وعذاب القبر ولاتنسين ترسلين مقطع لنبيل العوضي عن تغريدات من ماتوا ،،

وافرشي سجادتج وادعي ربج انه الله يهديه ويتغير ويحنن قلبه عليج

وعسى الله يفرج همج

 

[om_ibrahim]

أختي هالشي ما يبيله تصبرين لانه اهو قاعد يتمادى وايد يوم انج شفتي هالشي جان صورتي الصفحة بتلفونج وخليتي دليل بيدج ورديتي على البنت يمكن أنها ما تدري انه متزوج وأهو مأخذ عقلها بكلمتين شوفي يا أختي أنا ما أبي خراب بيتج بس الي بقوله إذا كنتي مقتنعه بكلامي براحتج وإذا مو مقتنعه هم براحتج اول شئ تسوينه تراقبينه وان قدرتي توصلين حق شئ مثلا رقم تلفون أو أي شئ يوصلج حق البنات الي عنده خليهم دليل تواجهينه فيهم وردي على البنات وكلميهم ولا تخافين خلج قويه لانج أن ضعفتي بيتج بيخترب وريلج بعد انتي الحين صار لج ١١ شهر متزوجة والزواج دائماً اول جم سنه لازم هواش ونجره لانه للحين محد فاهم طبع الثاني ولا عارف طبيعة حياة الثاني فلازم وقت علشان الواحد يتعلم وتخف المشاكل إذا صار في تفاهم
فأنتي واجهي ريلج وإذا بجى والحلف بالقران وووو ...الخ لا تضعفين وتسامحين على طول حطي شروط قوليله اثبت لي انك خلاص ما راح تعيدها وقعدي كلميه شوفي الشي الي ناقصج وأهو يشوفه عند هالبنات ومو موجود عندج ولا تصكرين الموضوع إلا وانت مطمنه تماماً انه ما راح يصير هالشي وإذا تكرر وقتها مالج غير انه تصبرين إذا كنتي تبينه وإذا عايفته وما تقدرين تتحملين بعد لا حول ولا قوه وإذا كلش كلش خلي أبوج يكلمه وأهو يتصرف معاه

 

[زهره الجوري]

لاحول وألقوة إلا با الله هذا هم حسبي الله عليهم قبل كم يوم صدته يغازل ويقول لها انتبهي لنفسك

 

[الأميرة جوري]

الله يهديه صبري عليه شوي شوي ليمن يخليهم بس ذكريه بالحساب والعقاب والقبر كرادع له علشان يتوب

 

[عسل حدي]

اب اب ابر

 

[Pink_Roses]

اعتقد هالنوعية ماراح تتوب ولا راح ينصلح حالها وراح تعيشين طولج عمرج بعذاب

الافضل تكلمين اهلج بالموضوع ومدام مافي يهال الافضل تنفصلين عنه

 

[M!SS.LOBY]

الله يسخره لج

 

[simply unique]

اختي أقدر أقولج ادعي الله يهديه واقري سورة البقرة واصبري ..
بس كل هالاشيا نفسية وتأثر على صحتج انتي في المقام الأول..

أول مواجهة ما فادت وشفتيه رد على سوالفه حسباله انتي ما تعرفين شي

أنا لو كنت مكانج بتبع واحد من هالحلين

إذا كنت احبه وابغي منه عيال
بستمر بالدعاء وبصلي وبقرى سورة البقرة كل ليلة
وفهالشهر الفضيل بإذن الله ربي بيستجيب لكل دعواتج
وفي نفس الوقت بشغل نفسي بأشيا غيره ما بحسسه انه محور حياتي
بحاول قد ما اقدر يكون قربي من ربي أهم شي
والله ان الاهتمام الزايد احيانا عند بعض الرياييل يخليهم ما يهتمون بالمرة لان يدرون ان لو شنو سوى انتي بترجعين ترضين عليه
وادعي في صلاتج دايما بالذرية الصالحة
ترى العيال يغيرون الريال ..

أما الحل الثاني
لو شايفة الظيم وانتوا توكم يا دوب تكملون السنة
ومب قادرة تصبرين اكثر

ما بقعد معاه
وانا اهلي شوي فيهم من طبع اهلج ان عيب المرة تطلع زعلانة من بيت ريلها
بس بروح وبقولهم ان خلاص هالريال ما احترمني سكت مرة مرتين ثلاث بس اهو وعلاقاته وانا مو حاسة بانه يحترمني

وانتي بكيفج ..
اذا حاسة تقدرين تصلحينه فهاي نعمة
وان شاء الله ربي يسخره لج ويصبرج ويريحج 3>

 

[Q6RYA]

حبيبتي ريلج شكله يسوي كله هذا مو نقصا فيج بس واضح أنه يتسلى ومو محترمج ومحترم وضعه أنه متزوج وعباله عايش عزوبي. واجهيه وخلج حازمه وقوليله أنا مستحيل أعيش معاك على هالوضع عدل نفسك بعدين أفكر أرجعلك حاولي تحلين مشكلتج قبل مايصير بينكم يهال بعدين بتموتين قهر ومابتقدرين تكلمينه بهالطريقه وبتسوين الف حساب

ترا العلاقه الزوجيه موده ورحمه وفي خلافات بس مو جذي عاد ترا مافي شي يسوى تسكتين عنه وتصبرين عليه والله يهديه

 

[M!SS.LOBY]

الله يعينج

 

[lovemyself]

شوفى اختى هذى حياتج وانتى للى تقررين شنو تسوين فيها شوفى نفسج مستعدة تتحملين رجل لعوب ومستعدة طول عمرج تعيشين تحت رحمة نزواته ؟اذا شفتى انج ما تقدرين فانصحج بالتدخل السريع وحطي له حد يا اما يكمل لعبه ولا انتى اتركيه والله يعوضج باحسن منه نصيحة منى لج خليج حاسمه معاه ولا تضيعين حياتج علفاضى وتنطرين انه يتعدل واولا واخيرا انصحج استخيري فى كل شى واستشيرى امج او احد حكيم من اهلج

 

[sara.]

السلام عليكم ورحمة الله
أختي ندى الصبر والسلوان عزيزتي .. ولكل البنات اللي علقو أدعو لها الله يسخره لها
حبيت اذكر لج قضة امي وابوي لعلج تتعضينن .. ابو طيار واخذ امي 7 سنين ماجابت والحمدلله الله رزقها بنت اسمها ساره وكاني اكلمج .. ابوي اللي اشوفه ملاك قبل كان اقشر كان يسافر للفلبين واذا رد امي لمن تعدل أغراضه تلقى قمصان نوم وسليبات بو خيط على ايام قبل ماكان عندنا هالنوعيه من السليبات وله كان عندنا قمصان خليعه .. امي تزعل وترد لخوالي وهمن ترد لابوي وهذي حالها .. أصبرت عليه لين كبرتني وجابت اخواني .. كل شيء بإيد ربج والله قادر على كل شيء امي اجتهدت والتهت فيني وبخواني وأهملته .. ويوم تقاعد تدرين شصار .. صفى لها وجاء لأمي يعتذر وفوق ذا رضاها بيت وكل مازعلت اللحين يراضيها بقطعة ذهب صار يحب رجولها لو جدامنا. كل هذا لانه توه يصحى ويشوفها .. امي تجاهلت وهو رد لها .ندى حبيبتي اسمعي كلامي ادعي وصلي وكثري أستغفار ربج مايضرب الا بعصا سبحانه ومصير الجلب لقصابه. وتحايلي عليه واللبسي واكشخي وانسيه ولا تهملين روحج على حسابه ومعا العلم اهلج عندهم معتقد أنا فاهمته وعدل لانه نفسي عطيه سكب وطاف ومصيره بيرد لج اضحكي بوجهه واحقريه واهتمي بنفسج ومالج شغل فيه مصيره بيرد لج وانا واثقه لاني عارفه سلمكم والدليل قصتي اللي قلتها لج .. حبيبتي الدنيا متاع دايما ردديها وخليها بالج سوي كل شيء يخطر بالج ومتعي نفسج بس مو بشي يغضب ربنا فيه حبيبتئ .. والله يفتحها من أوسع أبوابه لج ويسخر زوجج ويبلغج بذرية الصالحية أمين

 

[M!SS.LOBY]

رب لا تذرني فردا وانت خير الوارثين

 

[M!SS.LOBY]

سبحان الله وبحمده