تعبت من الانتظار

[nadia_1st]

انا صارلي 4 سنين ماحملت ولا مرة وكل شي سويت يعني رحت حق كذا دكتور وخذيت ابر وسويت اشعة الصبغة وعملية منظار حق فتح قناة فالوب ورحت حق دهانات ومافي فايده بأي شي ومادري شنو اسوي ونفسيتي تعبت والي تقدر تفيدني ياريت ماتقصر

 

[Hello_kitty]

الله يفرج همج ويعوض صبرج بأحلى توام يااااااااااااااارب

اختي احنا في القسم هذا نشابهج في وضعج


اخذنا بكافة الأسباب والرزق من الله


جربتي تسوين تلقيح صناعي؟؟؟


جربتي طريقة الرقية الشرعية وايد بنات حملوا بعد ما طبقوها

 

[foozia_87]

غلطه مطبعيه

حبيبت قلبي قولي حق نفسج انج بعد سنه من اليوم راح تحملين باذن الله تعالى الرازق الرحمان الرحيم
دايم يا حبيبتي قولي يا رحمان ارحمني برحمتك واغفر لي
توددي لربك بهذي الكلمات واهوى ما راح يخذلج ولا يردج وخلي عندج يقين في ذلك
وربي يرحمنا برحمته ويرزقنا بالذريه الصالحه قولي آمين

 

[الفنانه79]

حبيبتي جربي اداومين على سورة مريم والبقره والله انا بعيالي تميت عليها بنفس الشهر حملت

والمره الثانيه نفس الشي وبنفس الشهر بعد حملت بس الله موكاتب ان يكمل الحمل بطني الحمدلله

وكثري من الاستغفااااااااااار

 

[Cacawa]

ليش ماتسوين تلقيح صناعي ولاطفل انابيب

والله يرزق الجميع كلنا ننطر رحمة رب العالمين ويرزقنا الذرية الصالحة

 

[كندوش]

حبيبتي لا تيأسين من رحمة الله انا بكمل الحين 11 وماعندي عيال وكله اقول انشالله بحمل وما الومج بس حاولي تشغلين نفسج بشي انتي اتحبينه وشيلي من بالج وادعي واقري سورة البقره وال عمران واستغفري وخلي ثقتج بالله وتيقني ان الله بيرزقج الذريه انشالله ويرزق كل محروم

 

[$غــ(ز)ــل$]

البنات ماقصروا بردودهم
الله يرزقج الذريه الصالحه ويرزقنا عاجلا غير آجل

 

[بمبرة]

:klhfl:حياتي نادية
نصيحة من اخت شيلي فكرة الحمال من بالج وتركي العلاج على الاقل 3 شهور
وعليك كل يوم بقراءة سورة البقرة وسورة مريم مع الدعاء في كل وقت والاستغفار
وان شاء الله ما تمر هالسنة الا وانت حامل بإذن واحد احد

 

[مبدعة]

لجأتي للدكاترة و شفتي ان ما في فايدة الحين لجأي لرب العالمين و خليج متيقنة ان رب العالمين ما راح يرد دعاءج لان لو شكيتي واحد بالمية ان الله احتمال يستجيب و احتمال ما يستجيب ما راح تستفيدين من دعائج

الله سبحانه و تعالى قال ادعوني استجب لكم .. ما في دعاء الا و ربي يستجيبه ان ما كان الحين تلقينه باجر يستجيبه او بالوقت اللي يأذن فيه ربج

لا تقنطين من رحمة الله و دايما توكلي على الله و صدقيني و لا دكتور و لا عيادة بتفيدج بشي دام انج بعيدة عن الدعاء و التوكل على الله

و الدكاترة ما في يدهم شي اذا ربي ما امر بهالشي انج تحملين ..

و حطي في بالج بعد ان الله سبحانه و تعالى ما يسوي شي الا و له حكمة يعني دايما فكري و قولي اي انا ما تاخرت الا لحكمة من ربي يمكن يبيني اتقرب اكثر منه يمكن انا سويت شي غلط بحياتي لازم الانسان يحاسب نفسه

لا تزعلين من كلامي بس هذا واقع احنا دايما ننساه نركض ورى الدكاترة وننسى رب الارباب اللي اهوا اقوى منهم و اقدر منهم ان يرزقج الطفل

انا قعدت ست سنين و لا مرة حملت وكل ما رحت عيادة قالوا ما فيج شي و كنت اقول ربي سبحانه ما راح ينساني كانوا الناس يحنون فوق راسي و كل من يتكلم بصوب و كل ما رديت عليهم ربي ما كتب اني احمل والله يضحكون علي !!

يقولون و تنطرين لما ربج يكتب وما تروحين الطبيب ! يعني شوفي عقليات الناس كنت اتعب من كلامهم بس اتكالي كان كله لله سبحانه ان ربي ما راح ينساني لو ما كتب لي هالسنة راح يكتب لي السنة اللي وراها

والحمدلله وماشاء الله تبارك الله ... ربي كتب لي اول هالسنة اني احمل وعسى ربي يتمم لي على خير يارب و لا يخسر التعب و يبلغني بجنيني ويحفظه يارب

اسفة طولت عليج بس حبيت يكون لج هذا دافع و تعيدين التفكير بالموضوع و ما تقنطين من رحمة رب العالمين و تقولين تعبت من الانتظار

خلي تفكيرج ايجابي

 

[كويتيه مذهله 87]

قولي الحمدالله لا تقولين تعبت

داومي علي الاستغفار سوي تلقيح صناعي اذا مافيكم شي
والله يرزقج انشالله هالشهر ودوره هالسنه بيدج احلى توأم

 

[زنوبة الحلوة]

انزين ريلج ما سوا تحليل ؟؟

اذا ريلج سليم ومافي اي شي

علللليجججج بالدعاء

يااااااااااااااارب الله يرزقج انشالله





انا بعد صارلي اربع سنوات وليم الحين ما حملت والله ابصر بعباده

الله يجبر بخاطرنا