تعبت من التمثيل.....

[فيفي الحلوة]

مشكلتي اهي اني تعبت من التمثيل يمكن تستغربون او ما فهمتوا قصدي....القصد انه طبعي كتومة جدا في مشاعري السلبية يعني اذا كنت متضايقة او مكتئبة ادوس على نفسي جدام التاس اكون مبتسمة ومفرفشة وفي احسن حالاتي لكن من داخلي نيران تغلي في صدري..... وتعودت على جذي ،،،، او ساعات اكون متهاوشة في البيت او في السيارة وادخل عقبها مباشرة عند حمولتي او اهلي والابتسامة شكبرها والوضع تمام والحالة مفرفشة ....علشان جذي الكل حاسدني و يظن اني في سعادة وهنا ما يخلص في حياتي بس ما حد يدري بالنيران في قلبي ...يمكن في البيت اطلع حرتي واصيح بس ساعات اتعب اقول خاطري اكون على طبيعتي يعني اذا متضايقة على الاقل اكون ساكتة مو شرط امشي واتهاوش مع خلق الله مثل غيري .....هالشي قاعد يأثر وايد علي لاني الحين قاعدة اطلع حرتي في الاكل ووزني قاعد يزيد بسبب اني مو متعودة اطلع اللي بخاطري من ضيق لانه دائما اقول الناس مالها ذنب انكد عليها مثل ما اشوف غيري يسوي اذا حتى وجع راس تنكد على الكل ...قعدي في بيتكم وفكينا
كلامي يمكن مخربط بس احس نفسيتي زفت

 

[Tom ♥ Jerry]

.


بالعكس !

في ناس و بنآت انا آعرفهم ودهم يصيرون مثلج : ) !
و انا وحده تقريبا نفسج ! بس مع زوجي لا طبعا اذا متضايقه يعرفني من عيوني
و اذا مستانسه هم يعرفني من عيوني : **

ترا هالطبع حلو وآيد لا تغيرينه

 

[sweet december]

رد : تعبت من التمثيل.....

Be your self

هذا باختصار كوني نفسج او كوني الشي الي انتي تحبينه ولا يهمج الناس لان الناس مهما سويتي ماراح ترضين احد وليش تكابرين وتمثلين

لو متضايقه من احد قوليله وقطي بالويه لا تخلين بقلبج ترااااااااااااااا بيصير فيج امراض من هالطبععع

وطنشي ترا صج صج صج ماكو احد مرتااااااااااااااااااااااااح

 

[** باربي **]

انتي نفسي بالضبط

دمعة مني وابتسامة مني

تقولين فيني انفصام بالشخصية مو صاحية

بس شنسوي ولا حجي الناس

ويقولج يا خلي لا تشكي همك لكل مخلوق
في من يفرح لي شافك مهتم ..!!

يعني الشكوى لله بس

والي اثق فيهم من رفيجاتي

اما الباجي ضروري نجاملهم لو كل واحد بيقابل الناس بنفسيتة كل الدنيا مكشرة
بس مرات ما اقدر تصير صج نفسيتي خايسة ولو يحوشني اي احد اتناجر معاه واطالع الناس من فوق لي تحت :eh_s(14)::rgewrg: واتأفف
اطلع حرتي بنضراتي:eh_s(2):

 

[ftana]

رد : تعبت من التمثيل.....

مثل ما قالت سويت

اذا قمتي بنفسج وكودتي شي على شي بييج يوم تنهارين .. وتنفجرين واي شي لو بسيط ينرفزج .. بالعكس حلوو انج تكتمين اشياء وفي اشياء اذا متضايقه شاركي الناس فيها ... شوفي منو عندج قريب وفضفضي .. امج اختج الناس الي يوقفون معاج وعمرهم مايقلبون ضدج .. زوجج بعد ...

فضفضي حق ناس وكتمي عن ناس ...

حلو التوازن بكل الامور

 

[حلوه ولمآحه]

بالعكس انا اشووف هالوضع ماره حلوووو
بس انتي سوي لج نظام غذائي وامشي عليه
واذا تبين تطلعين حرتج خليها بالسووائل حليب عصير كووفي من هالحجي ،،

 

[فوفو22]

رد : تعبت من التمثيل.....

اسمي شخصيتج والشخصيات المشابهه لها

كالشمعه التي تحترق

تنوًر للغير وتحرق نفسها

كنت مثلج وقدرت اتغيًر

افضل شي للتخلص من المشاعر السليية

هي التعبير عنها لفظي

سواء بالنت او بالموبايل او لصديقه

بمعنى الفضفضه

جزء كبير من الحل

فوفو

 

[ام زاكي]

البنات كفو ووفو

بس بقولج شغله وحده بس الكتمان سبب الامراض الي انتي بغنى عنها نفسي لو شويه
ترا الكل بيفتح قلبه لج

 

[سارة ة]

ااب

 

[ام حزينة 2]

رأي من رأي الاخت الفاضلة فوفو

 

[mysterious sea]

رد : تعبت من التمثيل.....

مو زين الكتمان فضفضي عندج هني بالنت وعندج لرفيجتج المقربه منج حيل
او لخواتج الكبار او امج ترا مو زين الكتمان والتحمل لأن في وحده بعيد الشر عنج من كثر ما تكتم وسااكته على كثر القهر اللي فيها انفجر عندها عرج داخلي وصار فيها نزييف حااد وطاحت بغيبووبه وهذي قصة معروفه ومنتشره هني بالنت وهذا رابطها الله يسلمج

http://www.bdr130.net/vb/t924345.html

 

[جيرمني كيك]

رد : تعبت من التمثيل.....

شوفي حبيبتي بقولج شي انتي لاتحطين فبالج بس شيقولون عنج الناس وشنو الي ايريحهم لان راح تتعبين زياده
اهم شي انتي الي تحسين فيه طلعيه يعني ان عصبتي طلعي عصبيتج وان كنتي مستانسه بيني وناستج لان اذا تميتي بهالحاله راااح تتعبين واكثر

 

[احلى من القمر]

والله اللي عندج ميزه موشي سلبي

 

[دلوعة الحلوين]

نفس طبعي اصلا ما عرف اقول الي يضايقني بس كله طالع على بشرتي يعني من تشوفيني مستانسه تشوفين بشرتي مثل الياهل بس من تتعب نفسيتي تلقين ويهي 100 بقعة ولون وقشور وحبوب يعني انتي مو بروحج شكثر ناس جذي انا حتى البجي ما عرف ابجي جدام احد مع انه دمعتي مو عزيزة انا على طريف من اتضايق ادش الحمام واموت من البجي وبعدين اطلع يقولي زوجي شفيج اقول سلامتك ماكو الا العافية

 

[فيفي الحلوة]

رد : تعبت من التمثيل.....

مشكورين وما قصرتوا على الردود
بس ملاحظة ترى انا حرتي وضيقي اطلعهم ساعات بس تكون على زوجي مسكين الله يعينه

 

[Tutti-Frutti]

رد : تعبت من التمثيل.....



مثلج بالضبط
وتعبت وانا احاول اغيره بس مستحيل يتغير

خلاص طبعي وانا تعودت عليه

معني عندي رفيجات قراب مني وواثقه منهم
بس ما اتحجى كلش ملش

ولو شنو اسوي ما يبين علي اني متضايقه حتى لو كنت بنفجر
اقدر اتحكم بملامحي واعصابي واصير طبيعيه بالكلام

وصح هالشغله قامت تضايقني لانه ساعات ودي اشتكي او اقول حق اللي ضايقني ترى سويت كذا وكذا او قلت هالشغله وضايقتني !

بس ماااقدر

فـ خلاص قمت ما احاول اتغير

 

[عيون القرناس]

رد : تعبت من التمثيل.....

انا بعد كتووومه حييل ولا ابين لحد عن اللي فيني بس تعودت على هالطبع بس اقعد بروحي وابجي لين ارتاح وبعدها خلاص انسى

 

[مكاييل]

^
^
^
انا نفسك ماعرف اسكت اطقها بالوجه ماعندي باحد

 

[الشيخة@]

رد : تعبت من التمثيل.....

رفع لعيونش

 

[ماني من الناس]

الابتسامه في وجه اخيك المسلم صدقه,,,,,,,,,,,,,,,,