تعبت من الرجيم .. والسبب ؟؟؟؟؟

[روح شقيانه]

يابنات انا جديدة على المنتدى عجبني جدا وحبيت اقدم تجربتي في موضوع متعبني

ملاحظة البنت لما تكون متينة الكل يستصغرها واحيانا توصل للمعاملة السيئة حتى من اقرب اقربائها .. يستهزأون في جسمها يظلون يحطبونها ويكرهونها بعمرها ودايم يذكرونها بسمنتها المقرفه .. يحسسوونها انها كآئن فضائي دخيل عليهم .. خصوصا البنات :eh_s(16):

لـــــــــــــكن !!

أول ماتبدي بالرجيم وتحاول تضعف وتصير عندها ارادة زي الحديد وتبدى علامات التغير على جسمها .. تكثرالاحباطات !!!!! الي تقول لي متى بتظلين عالرجيم بااسلوب اقرب للشفقة .. او اذا تتكلمين على طموحاتج وتمنياتج بخصوص الرجيم تقابلج بنفسية خايسة ماكانها من قبل تقولج روحي سوي رجيم حالتج حالة !!

بنات لاتقولون ابالغ والله العظيم ان هالشي حصل لي من اقرب قريباتي ومن لحمي ودمي يسوون فيني جذي .. تعبت منهم وساعات اقول راح ابطل ريجيم لان ماحصل تشجيع على الي اسويه واتحبط بطريقة بشششششعه جدا .. اسفة طولت عليكم قلت قصة حياتي هههههه ادري موضوعي كله هذره .. بس ودي بتشجيع يقويني :eh_s(7):

وابي اسأل قط مرت عليكم مثل هالحالة ؟؟؟؟ ولا بس انا

 

[ماسة]

تبين تنحفين ؟ ابعدي عن الناس
واهتمي بتشجيعك لنفسك انتي اولا وماعليكي من الناس
الاستصغار مريت فيه واحساس اني شي من الدرجة الثانية ! خاصة بجمعات البنات

احيانا التحبيط مجرد استهبال ونذالة او غيرة لا تصيرين حساسة واستقبلي الامر عادي
على حسب الناس ونياتهم وانتي ادرى
بكل الاحوال عطي طااااف وكملي مشوارك لنفسك مو لكلامهم
انا اخوي كان دايما يتريق يابطة ويا يايا
ولما اسوي ريجيم يقول لي مافي اامل لا تحاولين
بس عادي طناش
يوم نحفت فوق ال10 كيلو جا قال لي صغراااااااانة ,
نيته موب سيئة بس غشمرة اولاد بايخة

بالمقابل رفيجة عمري يوم اني قلت لها بسوي ريجيم ووو > وهي دبدوبة مثلي
جان تقول لا تحاولي هنا وهنا وهنا مستحيل ينحف لو تذببحين عمرج هذه علامة للسمينيين اللي نحفوا
يعني قمة الاحباط مع اننا المفروض نشجع بعض , وحتى لو هذا صحيح ماتقوله بنفسية خايسة !

فانتي ماعليك ابد وعيشي لنفسك
ولا تهتمين للكلام اللي يقول لك متعبة نفسك بالريجيم قولي بالعكس عمري ماحسيت نفسي مرتاحة مثل الحين
ولو تقدري ماتقولين لاحد افضل مب لازم حد يدري انج تسوين اي شي

اهم شي طــــــــاف

 

[جـــواهر]

انتي تبين تضعفين عشان الناس ؟
ولا عشان نفسج عشان صحتج وتتفادين امراض السمنه ؟

باين انج تتاثرين من الجو المحيط والرجيم يبيلهارااده قويه

لاااتقولين لاحد انج تسوين رجيم عشان تفتكين من الحجي اللي لايودي ولا يجيب

وحطي فبالج انج تبين تضعفين عشان صحتج ولـ ثقتج بنفسج

ومثل مااقالت اختي ماسه اككككككككبببببر طاااااااااااااف

 

[قطوووة]

حطي في بالج ان الي تسؤينه هؤ حق نفسج ؤصحتج بالدرجة الاؤلى


صار معاي مؤاقف .. بس كنت دايم مقتنعه ان صحتي اهم

ؤع فكرة اذا نفسيتج مؤ تمام ماراح تضعفين النفسيه لها دؤر كبير


شاركي بتجمعات بالمنتدى انا حصلت تشجيع حلؤ من المنتدى ؤابدي اذكري يؤمياتج ؤماراح نقصر معاج


عقبال ماتؤصلين لهدفج بصحة ؤعافية

 

[ba6boo6ah]

حبيبتي اذا بتفتحين اذونج للناس وتسمعين كل شي يقولونة وتاخذين بخاطرج بتتعبين !! وماراح تحققين هدفج !
مالج شغل بأحد ابد خلي كلامهم داااافع انج تضعفين و تتغيرين وتصيرين احلى خليج
واااااثقة من نفسج حتى لو هالكلام اثر فيج من داخل لا تضعفييييييين استمرررررري
وانا اقولج عن تجربة مريت بأوقات مليت فيها وزهقت وكنت احس بالتعب هالشي طبيعي
بس ان شاءالله ربي يعطيناا قوة الأرادة ونستمر ونضعف بصحة وعاافية صدقيني لما تضعفين اول ٥ كيلوات بتصير ارادتج حديد
موووووفقة حبوبة 

 

[فجر_الكويت]

طنش تعش تنتعش

لا تسمعين لحد اذا ضعفتي بيحترون ويموتون من القهر

 

[روح شقيانه]

مشكورين كل الي ردو ماقصرتو فديتكم ^_^

الحمدلله ماتهورت ولازلت مواصلة

رغم انف الي مايرضى

 

[»βαzεя«]

حبيبتي انتي .. تبين صج صج تتشجعين !! حطي هدفج جدامج يعني صورة ممثله او اي وحده تبين جسم نفس جسمها والله بتتحسفين على اي خربوطة تاكلينها وتصير ارادتج اقوى .. المهم نرجع حق موضوع الاهل ,, انا كنت بوصل ال80 وحرمت روحي وشديت على نفسي ووصلت 65 و ثبت وزني لمدة سنه وقبل 4 اشهر من اللحين سويت رجيم خفيف وانا اللحين 57 (( ادري قرقت وايد سوري )) عموما اللي احب اقولج اياه ان طول هالفترة وانا اكل زف من امي وابوي وتحبيييييييييييييييط وساعات تعيب بس والله مايهزك ريح مالي شغل باحد .. انتي اذا واثقه من روحج وتدرين انج قادره تخسرين وارادتج قوية .. سكري اذنج وابدي

 

[عاشقة الوطن]

اختي قبل لا تقولين الناس والناس فكري ان كل هذا حق مصلحتج اهما ما لهم مصلحه ناس فاضين قاعدين حق الشماته
نصيحتي لج استمري على الرجيم وضعفي مالج شغل باي احد حتى لو ما ضعفتي بسرعه استمري لا تقولين مليت وحطي ابالج انج قطعتي شوط كبير والله بالنهايه انتي بترتاحين وبتكسرين عينهم

موفقه اختي وان شاء الله توصلين الوزن اللي تبينه

 

[' #sǎrǎh . . ']

انا ماقدرت اكمل كل اههلي ضضد الرجيم يقوولن ججسسسمك حححلو>3

وقسسسم ععععذاب سويت رجيم بغى يغما عععععليي موب متعوده اسسوي رجيم:44444

 

[كب كـيـگ]

البنات كفووو ووفوووو
استمري ولاتسمعين لاحد

 

[تواقه للجنه]

الصراحه يوم بديت اسوي ريجيم كله احباطات اولهم زوجي وبعدين الناس وكلامهم ياحرام وطول عمرج بتسوين ريجيم احباط باحباط وكان وزني 92 وصارلي 4 اشهر والحين 76 وناويه استمروشكلي تغير والتم الجسم وصار البس حلو وباقيلي انزل 16 كيلو

 

[إش آر]

اهم شي الاراده القويه ولا تهتمين بالحجي والرشاقه حلوه وصحتج اهم من حجي الناس

 

[zaina alotibi]

مالج شغل بأحد خلي ارادتج قوية وسوي ريجيم صحي هذا اهم شي...