تعبت من الوحده شسوي ؟؟!!

[Queen_seham]

بنات هادي اول مره اكتب فيها بمنتدى اتمنى انكم تتفاعلون وياي وتفيدوني بحلول
انا متزوجه صارلي سنه تقريبا كنت ادوام قبل الزواج بس زوجي طلب اني استقيل قبل العرس، انا كنت مأيده الفكره، قلت احسن ارتاح واجابل ريلي و بيتي وماني ندمانه ابد الحمد الله مو مقصر وياي بشي ..زوجي ضابط بالداخليه خفاره و حجز على طول ايام الاسبوع يداوم اكتر من 12ساعه باليوم سواء ليل او نهار وباجي اليوم يرد البيت ينام ويقوم ساعه ساعتين قبل الدوام ياكل شي ويطلع هادا روتين حياته من يوم تزوجنا كل ما يطيح الحجز يومين اقول الحمد الله يرد مره تانيه و انا طول اليوم لوحدي :eh_s(16):ما عندي رفيجات كانت عندي رفيجه وحده عادتها متل اختي من يوم درت اني ملجت حقدت ووخرت عني،اهلي بالامارات اروح لهم مره بشهرين استانس وياهم واغير جو وارد مره تانيه لوضعي ،تعبت اطلع لوحدي و اتسوق لوحدي تعبت نفسيتي حتى النادي بطلت اروح ...
بناات بليز عطوني اقتراحات شسوي بيومي وشلون اكسب رفيجات لا تبخلون علي بردودكم تكفوون

 

[امـ خــزامـى]

الله يعينك ان شاءالله تحملين ويلهيك الطفل ويشاركك

بس بسأل وين حمولتك ؟
جيرانك ؟

ارجعي للنادي

 

[شادن33]

ردي شغلج اذا ريلج رضى

دوريلج نادي اشتركي فيه

والله يرزقج بالعيال اول ما أيون مابتحصلين وقت فراغ

 

[Queen_seham]

حبيبتي الله يسمع منج ومشكوره على الرد
خالتي مره كبيره واخت زوجي اهي العوده بضعف عمري ما تواطني بعيشه الله متزوجه وعندها عيال وقاعده مع خالتي بالبيت كون انها البنت الوحيده وباجي اخوانه ولا واحد منهم متزوج
بالنسبه للجيران ما اعرف احد كل واحد بحاله

 

[توتة UAE]

فديتج وحده من أهلي ريلها طول الأسبوع يداوم ومب عندها ينزل الويكند
يعني يوم الخميس يطلع عاد لين ما يوصل البيت ويوم السبت يرد الدوام
عاد هي كيف حياتها بعد بس أشوفهم مرات يطلعون يعني متفاهمين
ف هالموضوع عشان الريال ما يكون مقصر ف حقها . .
انتي كلمي ريلج لا تلاسنينه ارمسي خليه يعرف وضعج وكيف تحسين . .

ردي النادي كلمي البنات اللي تشوفينهم انتي بادري وسلمي عليهم
عشان تكونين علاقات . . جي يعني . . وكوني علاقة ويا ييرانج . .
سوي أكلة طرشيها بيتهم عشان تبدين تكسرين الحواجز . . حبيبتي
سوي شي . .

لما تيبين بيبي بتنشغلين وياه وبتين تقولين بنات مب محصلة وقت p:

بالتوفيييق

 

[مشتاقه لعيونه ~]

ردي شغلج
او اشتركي بنادي قراءة وجذي ،

او دشي معهد استفيدي ، ترى الانسان يمرض من الفراغ !

يصير ولا شي !



ديري بالج

 

[الأميرة جوري]

ردي لشغلج او شوفي النادي بنحصلين رفايج

 

[جوري الصالح]

ردي لشــغـــلك تســـلية ومستــفيدة بنـــفس الــــــــوقت

 

[merrynice]

ردي لشغلك اذا في مجال والله يرزقج بالذرية الطيبة

 

[المبدعة]

دشي دورات
كوني صدقات عن طريق الانستغرام
او التويتر
واله ييسر امرج

 

[نوفآ]

ردي لشغلج وكوني صداقات
دشي دورات حفظ قران
دشي حملات هني بالمنتدى

 

[ناتشوو]

لفت نظري
صديقتج الوحيدة حقدت عليج فجأة
لا مو فجأة بس تزوجتي!
واخت زوجج ماتواطنج
عيدي النظر في علاقاتج بالناس

 

[ظبية بوظبي]

كملي دراستج
لو عن بعد
ونااسه

 

[Pinky -cat]

في امور وايد قالوها البنات وشي مهم بعد حاولي تسوين شي يديد بالبيت او بنفسج عشان يجذب ريلج لج ، وعليج
بالامور للي ذكروها البنات .

 

[M!SS.LOBY]

لاحول ولا قوة الا بالله

 

[نـعـومـه]

قنعي زوجج تردين شغلج الشغل بياخذ وقتج وتكسبين صداقاات

والله يرزقج بالذريه هم راح تشغلج

 

[الغضى]

الله يعينج فراق الأهل صعععبه
وهذا اللي مأثر عليج ومخليج وحيدة
بس بالبداية وان شاء أمورج تتحسن

 

[Queen_seham]

تسلمون حبيباتي ع الردود ما انحرم منكم
بس ابي اوضح شغله للاخت نانشوو ،حبيبتي انا علاقاتي زينه مع كل اللي كانو يداومون وياي وللحين في منهم اللي دايم يسالون عني وننبادل اخبارنا من فتره للتانيه بس علاقتنا سطحيه مو لدرجة رفيجات ..
ورفيجتي ما وخرت فجأه الا من حرتها على توالي الايام بعد ما سوت لي سوالف ما تنقال وما هقيتها منها
بالنسبه لاخت زوجي كانت وياي اوك اول شهرين بعدين زعلت على اخوها ليش ان ماعاد عنده الوقت يروح لهم مع انهم يدرون شنو طبيعة دوامه وعليها صرت انا الملامه بالموضوع .
خلاصه الكلام انا ما كتبت اللي بخاطري وطلبت اقتراحات البنات لاني ابي تقييم لشخصيتي ولله الحمد انا راضيه عن نفسي جوهرا و قالبا بس حبيت تشاركوني من واقع تجاربكم في الحياة يمكن انا الوضع تغير علي و لما الحين ما تعودت عليه او ان اشياقي لاهلي اهو اللي خلاني بهالحاله !
اسال الله ان يديم علينا الصحه والعافيه والامن والامان و يملي ايامنا حب و يبلغنا رمضان لا مفقودين ولا فاقدين ..كل عام وانتو بخير مسبقا ومشكورين مره تانيه ???

 

[زوجة عزيز]

قعدي معا اهل زوجج زوريهم زوري جيرانج او ردي حق وظيفتج