تعبت من طبعه

[Kaida]

السلام عليكم

شلونكم بدش بالموضوع على طول
بنات الله يجزاكم خير ابي حل
زوجي الله يهديه ويهدي لكم ازواجكم دايم اذا بروح مكان مايوديني الا اخر شي مثلا بروح اسير على اختي يقول على المغرب طيب اوك البس ولبس بنتي واسوي اغراضي ويذن المغرب ويخلص وادق عليه يقولي انا بالحلاق ولا انا بالسوق اخذ لي شغله ولا انا مع خويي 6 سنين هو جذي مايودي الا بالمنه تعبت زهقت طيب بروح مع السايق ممنوع شسوي ابي حل الحين انا ناويه اطلع من المغرب والاخ بالحلاق شسوي اكنسل الروحه ولالا لاعت جبدي زهقت دايم انا اخر شي مايدق ولا يقول بروح لمكان الفلاني وبيت اختي قريب من منطقتي مومعقوله شي ينزفز شيرو علي ابي شي يوقفه عن طبعه السخيف وحركاته الي تحسسني بضغط ونكد وعصبيه

ولا اله الا الله وحده لاشريك له
وان محمد عبده ورسوله

 

[نزغه]

عليك بدعاءوصلي الليل وأدعي ربك يسخره ويتغيرطبعه وربك كريم والعبديكون اقرب لربه بسجوداكثري الدعاءياقلبي

 

[أمورته]

ربي يسخركم لبعض ياليت تتناقشين وياه بهدوء

 

[سمراء كويتية]

والله اهو فعلا شي يحر بسسس ان شالله بصرف ذكي منج ينحل الموضوع

 

[# غنوجة بيبي #]

الله يخليكم لبعض و ان شاء الله بطريقتج تغيرينه

تصارحينه مع الالحاح بيحس فيج

 

[shak!shoka]

اذا يمعت اختج او اهلج ورا المغرب انتي قوليله يمعتهم العصر ،، ومن الظهر موجودين !


انا كنت اعاني من هالسالفه بس كنت احرررقه اتصالات و ازعل لانه فعلا حركه ترفع الضغط و تجلط ،، اصلا الطلعه مالها اي طعم وتتضايقين اكثر من الوناسه


جربي بجري الوقت المعتاد وامرج لله

الله يعينج بس لا اطوفينها وايد ترا يتعود يسحب عليج

 

[shak!shoka]

اذا يمعت اختج او اهلج ورا المغرب انتي قوليله يمعتهم العصر ،، ومن الظهر موجودين !


انا كنت اعاني من هالسالفه بس كنت احرررقه اتصالات و ازعل لانه فعلا حركه ترفع الضغط و تجلط ،، اصلا الطلعه مالها اي طعم وتتضايقين اكثر من الوناسه


جربي بجري الوقت المعتاد وامرج لله

الله يعينج بس لا اطوفينها وايد ترا يتعود يسحب عليج

 

[انسام الكويت]

وي اغلب الرياييل جذي ماتطلع اشغالهم الا بوقت اللي نبيه يودينا سوق او زواره ...

سوي مثل ماقالت الاخت اللي فوق بجري بوقت روحه او اذا تبين سوق او عندج زواره بلغيه

قبلها بيوم وعلميه وقبل روحه ذكريه باتصال وان شاء الله يتعدل بس بعض رياييل جذي مايتقيدون بالوقت اللي متفقين عليه

اييون على راحتهم*ومزاجهم

 

[فوفو22]

عطي مواعيد غلط

اذا بتطلعين عقب المغرب قولي له ٤


وهكذا

ان كيدهن عظيم

ومن له حيله فليحتال

فوفو

 

[Patcholli]

مثل ماقالو البنات غيري الوقت وحني عليه واصري عليه وزعلي شوي ليما يلتزم معاج بالمواعيد او خلي احد من اهلج يمرج وريحي راسج منه

 

[نبض قلبي M]

نفس الحاله


الله يعين

 

[Om_Sanad]

انا منج اعامله بالمثل

مثلا قال جهزي لي الشغله الفلانيه
بدال ما احهزها اروح اتسبح واهو يقعد يدورج وينج ووين الي طلب منح

وان سال ليش ماجهزتيه قولي كنت اسبح وان زعل
قولي ست سنين اطلب منك شي وتروح تسوي شي ثاني وانت مره طلبت مني وانا رحت سويت شي ثاني

شفت الحين ماصبرت علي وانا صابره اش كثر حسيت فيني

 

[Om_Sanad]

انا منج اعامله بالمثل

مثلا قال جهزي لي الشغله الفلانيه
بدال ما احهزها اروح اتسبح واهو يقعد يدورج وينج ووين الي طلب منح

وان سال ليش ماجهزتيه قولي كنت اسبح وان زعل
قولي ست سنين اطلب منك شي وتروح تسوي شي ثاني وانت مره طلبت مني وانا رحت سويت شي ثاني

شفت الحين ماصبرت علي وانا صابره اش كثر حسيت فيني