تعبت من كثرررررر الهواش

[شنو ذنبي]

شخباركم بناااااات:eh_s(7):




ماكو جديد بموضوعي
http://www.q8yat.com/t1012724.html
انتم ماقصرتو نصحتوووو يزاكم الله خيرررر
وخذيت بنصااايحكم لكن بنهبل ابد اطنشه يطنشني واهو غلطان
،،،،،
موقف بااايخ ..امس من قرااادتي ابي اسولف معه
وكنت تعبانه من الحمال قال جيبيلي شغله من المطبخ قلت اوكي
وانا تعبت لاني ماتحمل الحمل اذا وقفت احس بطلوووق كذا من زمان وعندي اجهاض سابق
المهم بين بشكلي اني تعبانه قال فيج شي
قلت ايه
وبديت ارتاح ابي افضفض لان متعبني هالامر
وعاد قلت له الاحظ اذا وقفت يعورني ضهري حتى انا امنيتي انظف المواعين<~ مجرد كلمه
قال ماقلت لج ماتلمسين شي
ضحكت قلت مجرد فضفضه انت تعرفني ماقدر اوووقف
حتى وانا جايه قبل شوي من الطبخ تعبت
قال انتي مدلعه ومافيج شي اصلا بس علشاني طلبت منج تجيبين لي شغله من المطبخ بديتي تتعبين



بنات واللله كل ساعه اطلبه تبي شي حبيبي
يقول لا بالعكس تعبه راحه
هوووو يرفض واذا سولفت معه قال انتي مافيج شي انتي مدلعه انتي فيج حاله نفسيه
طيب اذا انا مافيني شي ليه ماتخليني اشتغل
لانه اهو يدري ان الدكتوره مانعتني من الشغل
بسبب النزييييييف المتكرر
بنات يهاوووووشني حتئ اذا تلحفت عدل يقول انتي ماتفهمين لاشلتي البطانيه بيطيح الولد الي ببطنج




لاتقولون يحبك
لو يحبني يقول باسلووووووب حلوووووو
يتكلم بهدووووو

مو بصراخ ويهجرني ايام



امس نام برا الغرفه علشاني شكيته من الالم



ولاتكلمت ويوم صحيت ارسلت له رساله ولارد علي


وش تنصحوووني*

 

[شنو ذنبي]

بنات مالقيت حل بالعكس زااااااد الامر سوووء


صارت مشكله عن غسل الموعين يقول ليه قلتي لي كنت بغسل الموعين<<هالجمله ماتزعل


قلت خلاص ماغسلتها بس لاتزعل

وزعل وهجرني


ويوم هجرني ثلاث ايام سويت نفسي زعلانه لانه قهرني جنه ياااهل


قلت له ليه تهجرني

وربي ضميته وسويت كل شي بادب الحوار


وقال انتي السبب لانج قلتي بغسل الموعين وبعدين قهرني قلت بالله احد يزعل من هالكلمه

وبدا يتكلم ويرتفع الصوت


لين تهاوشنا

وسبني وسب اهلي وقال كلام ماينقال يامومتربيه

وانج جذاابه واهلج ماسلمو منج

وش اسوي اعلم احد من اهلي يتدخل ؟؟؟؟؟؟

لان فعلا قل ادبه

وبغا يضربني مسك سلك الكهرب وهددني
وقال عندج صور شباب باللاب توب وهو جذاب

وقال انتي وسخه وبينج وسخ<<<وربي نظيفه بس هو يرفض انضف دايم يقول مابينا رسميات وخلي الشغاله تنظف كل اسبوع<<يعني يوسخ البيت بس هو وسخخ وعلشان كذا قلبها علي


ليه تمنعني دامك تعايرني بالوساخه

ويعايرني بخواااااااااااااااااتي لان وحده مطلقه يقول انتم جذي يعني تكرهون الزوج

ودايم يفتش الواتس اب وينتقد فلانه وعلانه

وشااف سوالفي انا وخواتي وعلق عليهم وجرح فيني من السوالف الي بينا

ويعايرني اني جيت اراضيه

 

[شنو ذنبي]

بنات تكففون ردو بضمير يسوى اعلم اهلي

 

[iLLuMinaTion]

الله يعينج

 

[You FOR Me Only]

مادري شقول لج هالوضع ماينسكت عليه هاي وانتي حامل ماخاف لاسمح الله يصير فيج شي الانفعال مو زين للحامل
غير هاي يغلط باهلج من رايي قولي الموضوع لامج او اختج الكبيره وشوفي حد يوقفه عند حده خل يعرف ان وراج رجاجيل
لو انتي مو عاجبته حضرته ليش طق بابكم وخطبج

الله يعينج عليه ان شاء الله يعتدل

 

[ام ساره 4]

ما أقول إلا الله يعينج زوجج مافي إسلوب بالمره ولسانه فالت شكو يتكلم عن أهلج وخواتج المفروض توقفينه عند حده مو تلمينه وحبيبي وحبيبي شوفي أنا ما أشيشج بس لازم لا تعطينه وجه يعتي داريه وقومي بواجبج ولا تشكين وايد عنده يعني تحملي بعد شتسوين وقومي بشغلج وحقريه لغاية مايعدل إسلوبه معاج هذي مو حاله كلما صار خلاف بينج وبينه جاب طاري أهلج وخواتج واتهمج بأشياء مو زينه لازم تخلينه يتغير بطريقتج غيري من نفسج واسلوبج معاه عشان يتعدل وما اقول الا عسى الله يهديه ويسخره لج إن شاء الله

 

[كليـ دلعـ]

زوجج مريض نفسي

يتزعل جنه مرره

عسا ماقلتي كلمه لواا بووزه

وزعل

وشال قشه وونام برووحه

ويييييييييييييييييييع

من اشباه الرجال. ويييييييع

ش خلا للمرره هذا؟

قططع

والعله منج انتي

طايحتله تلقلق

وتلزززق

ويادهيته لاتنكتين

وعوووو. ع شنوو

ع الخاطر الوسيع!؟

ع الحبااابه!؟

ع خفه الطينه!!

يباا لي زعل عطيه طااااااااااااف

وحقريه

وشيني نفسج

ومثل مااحقرروجفااا

خلج نفسه ولاتهتزين

يوم

شهرر

سنه

لين يطخ ويعرف ان الله حق

مووشغال تزعل

وانتي شغاله تلزززق

وييع

موجذي السنع

السنع مع الريال الكفووو

اما النااقص

اعاامله بمعاملته لييين يكرره شي اسمه زعل

وسالفه انتي جذابه انتي جذابه

واهلج ماسلمو منج!!

ًشلي اييب هالكلام

ليش يقوله!؟

اكيدبسبب

يمكن انتي صج تجذبين عليه

ومن جذي لاعت جبده!!!

مادري

لان سالفه
انتي جذابه

اهلج ماسلمو

اكيدماايت من فرااغ اكييد بسبه

رااجعي اموورج

وهالغيفه اللي مسميته ريل ((زوجج))

دخلي اخد كبير يقوله

اذا تبيهاا عاملهاا بمايرضي الله

ماتبيهااا عطهاا ورقتهاا

هذي موعيشه

لييش بغييييتي تتلحفين

ليييش بغيتي تغسلين مواعين

ليييش بغيتي تجذبين

ليش

وليش

وليشش

هذاا كلله كلامه

وهذا غلط

وماراح يستمررر

فيااا يعدل حاله

او خليه يولي

وانتي

الله الله بالثقل


لاتراضينه لوكنتي غلطااانه

عشناا وشفناا الحريمم ترجاا الريااييل ترضاا

وتلززززق فيهم

اقصد الريااييل اللي موووكفوو

وانا عن نفسي عمري مارااضيت ولا افكرر

اللي يراضي الريال

موالمرره

واشوف عاد لما راضيتي وتوسلتي لااان وصار خوش واحد

وبين فيه!!!

للاسف كل فعولج راحت هبااءا منثوورااا!!!

 

[أجمل إنسـآنـه ~]

ربي يعينج

حبيبتي موكل شي تقولونه لأهلكم هاذا بيتج يعني اسراارج..ولأتسوين مشاكل وتدخلين أهلج فيها وتدخلين بمشاكل مالها اول ولأتالي
..هدي الحين وخليه ع راحته بوقت كلميه قولي نبي حياتنا احلى واحسسن ..نبي حياتنا راحه بدون هواش..نبي حياتنا امنه مستقره عشان في بيبي بالطرييج وعشاني وعشانك ..
وانتي حامل والحامل نفسيه بعض المرات فهدي شوي ولأتناجرينه ع كل شي...وادري انتي ماتناجرينه بس تحااشي الشي الي يزعله ..ربي يوفقكم ان شاءالله ..!ّ

 

[عطاء أنثى]

No comment

 

[Gifts&Occaions]

الله يعينج

 

[شنو ذنبي]

مشكورات بنات والي تقول اني جذابه وماخذه موقف

وربي ع قولتج هذا فيه حاله نفسيه

وربي يتهمني بالجذب انا ماجذب

ولاحب الجذب


كيف اجذب ع شنوو احبه ومتزوجين عن حب كيف اجذب عليه؟؟؟؟؟؟؟


لوا انا جذبت عليه يحق لكم تهاوشوني بس وربي ماجذبت

 

[خيطانية]

زوجج ماكو شي يمشيه عالموس غير الحقران
قطيييييييييييييعه شهالريال
جنه انقلبت الادوار بينج و بينه صار اهو يتزعل و انتي تراضين
صدقيني نظام زوجج مار علينا شكثر بس حقريه ومالج الا اللي يطيب خاطرج روحي زعلي ابيت اهلج جم يوم
جربي انتي اللي تهجرين مو اهو خلج ثقيله شوي
ترى الريال لي شاف المرة خفيفه و قاطه روحها عليه بياخذها عاده وكل شوي ذالها
هالله هالله بالثقل ما اوصيج
موفقه حبوبة​

 

[شنو ذنبي]

مشكورين

بنات ماكان جذي يمكن عين لانا توجنا عن حب
ابد ماكان جذي وربي

او انه جذي بس ماكان يبين لي

 

[أم علاوي 14]

الرجال انواع

وفيه نوع من شدة الخوف والحب اللي بداخله ما يعرف يعبر الا بالصراخ وعلى ما شافه بين امه وابوه واللي حوله بعد

زوجج وااايد يحبج واااااايد يخاف عليج ، نحن الحريم مستعجلين ونبغي الرجل يظهر لنا عواطفه ، وعلى فكرة زوجج يظهر لج عواطفه بهالطريقة

عليج الصبر وتعود أسلوبه ، وشوفي شو اللي يبغي امشي على طريقته ترتاحين ،، وصدقيني مع الأيام راج اتغيرنه

اعطيج مثال عني زوجي ، يقول سلاح المرأة دموعها ... وانا يعني كنت اظن اذا بكيت زوجي براضيني ويدللني

شفته اذا بكيت يعصب ويقول بعصبية لا تبكين وما ابغي اشوف دموعج وكنت ازعل واتضايق بداخلي
،ـ
مع الأيام عرفت فعلا ان دموعي نقطة ضعفه ، وما يبغيني ازعل واصيح وهاللي يخليه يعصب ، يبغيني قوية وادافع عن نفسي

لا تنظرين من زوجج الحب بهدوء ، زوجج يحب بصوت عالي وبعصبية ، زوجج يحبج وااايد

.وزوجج ما يحب الكلام وايد ، وما يحب السوالف الطويلة وهذا طبع الرجال بصفة عامة ، لا تزيدين ، ولا تقولين له ليش عاملتني جذي ، وليش وانا وانا ، فكري بسعادتج وبراحة بالج

اصبري وخلي اوامره مطاعة ، وكوني له أمة يكن لك عبدا وشيكا

باجر بتشوفين زوجج يقول لج لبيه وتدللي يا بعد عمري

الله يسعدج مع زوجج ...

 

[جمالي خلاب]

الله يسعدج ام علاوي

طيب الحين مخاصمني وزعلان شنو اسوي؟؟؟؟؟؟؟


ابيه يرجع مثل اول

اهو يكبر الامور وانا ودي نكون مسالمين مع بعض


دلني

 

[نشيج الروح]

حبيبتي اقولج شي شطبي كللل موضوعج واوقفي عند متزوجين عن حببببب
تتوقعين الزواج عن حب شنو وراه ان كان طبعا في مكالمات قبل الزواج أكيد بيشك فيج وبياخذ موبايلج ويشوف السوالف ويحاسبج ....
المهم انتي الحين بالواقع ولازم تتكيفين وتصلحين الامور تدرين شلون؟؟؟؟؟!!!!!!
أنا ما راح اقولج ذلي نفسج ولا راح اقولج عفسي ويهج....
كل الي عليج توازنين بالأمور مثلا اذا سالفة تافهة مثل المواعين قولي له شكرًا وابتسمي
ان غلط بامور تافهة قولي له يعطيك العافية وابتسامة عريضة مو استهزاء بس ابتسامة حلوة
في امور ان تدخل باهلج هني لازم يوقف عن حده وهو طبعا ما راح ييب طاريهم الا بعد أخذ وعطا منج
بس ان ياب وقفيه عند حده قولي له بكل جدية وصوت هادي وموزون المشكلة مشكلتنا مو مشكلة اهلي
وعطيه نظرة قوية ابلغ من الكلام كله
يعني احس ريلج سهل تشكلينه لانه مشاعره وايد تتحكم فيه لا بغيتي تخلينه يضحك راح يضحك وان بغيتي يبجي بتبجينه
واللعبة بايدج انتي شكليه مثل الطينة
نفترض سويتي كل هذا وزعل
لا تقطين روحج عليه بس قولي له أنا بكون اقوى من الشيطان لان الشيطان هو مستانس عالهواش وما راح ازعل منك انت صير قوي وتغلب عليه >>> مثل اليهال يعني
بس لاااااا تذلين نفسج
راضيه باتزان وحكمة ولوجه الله

 

[شنو ذنبي]

^
^
جزاج الله خير


بس انا وياه ماتزوجنا عن حب مكالمات وجذي استغفر الله\\

لا زواج تقليدي بس كان يبيني وماشافني بس حب عفوي ويحبني من حب اهلي بس لاغير

 

[أغلى من العقد]

شكل زوجج وايد يحبج ويخاف عليك بس مايعرف يعبر عن خوفه عليك إلا بالصراخ مثل بابا ههههه
بس إنت خليك قويه ومرحه وريحي نفسك ع الآااااااااااااخر

 

[قطررة ندى]

فديت قلبج صبري ياقلبي عندنا وعندج خير

 

[Patcholli]

حبيبتي واضح ان زوجج فيه حساسيه زايده وكافي ان اهله يوم اخطبوج كانو واضحين جدا بهالموضوع
الحل مو انج تغيررينه لان زوجج صعب يتغير اهو خلقته جذي وتركبيته جذي وطبيعته جذي مستحيل تغيرين طبيعة انسان خاصه اذا مو حاس بروحه انه كثير الزعل ومو حاس ان اهو سبب المشاكل
الحل انج انتي تغيرين طريقة تعاملج معاه
خلاص اذا على كل كلمه بيزعل لاتكثرين حجي
اذا على كل موقف بيغلط على اهلج لاتجابلينه وايد
اذا تراضينه ويغلط على اهلج لاتراضينه وبالاساس اهو الغلطان
خلج سطحيه معاه ولاتعطينه اكثر من حقوقه الواجبه لاتسوينه يادهينه واذا هجرج لاتبينيله انها فرقت معاج لانج بالاساس ماغلطتي لو كنتي غلطانه جان قتلج قومي وبوسي راسه وايده بس انتي مو غلطانه ليش تحضنينه ومادري شنو اهو المفروض يبادر بالاعتذار لاتعودينه ان تطيحين حظج بس عشان رضاه وقربه