تعبت من كل شي كفاااايه الم

[فراشه بيضا]

بنات اانا صايره حساسه وايد وكلع اتخيل اشياء مو زينه بتصير لامي او اخواتي او خواتي او ابوي واقعد ابجججي ما اتحمل كلش
اي احد من اهلي يقولي كلمه حلوة تخيلوا اقعد ابجي ما اقدر
امي ذاك اليوم تقولي عساني ما انحرم منج قعدت ابجي ما اقددر
وخصوصا الحين صارلي ست ايام والده وكله خايفه بنتي يصير فيها شي واقعد ابجي خصوصا انه زوجي قاطني عنند اهلي من الشهر الرابع للحمل ولايدري عني
بنات اتذكره وايد ودي المه والله دمعتي نزلت الحين مو قادره انساه مع انه حيل جرحني واهاني ولا سال عني كلش بس مادري احس محتاجته حيل
تدرون ولدت حتى مامر علي ماذز مسج حمدلله عالسلاممه
مابي اتليقف وانزل نفسي واكلمه انانا وودي اكلمه في نفس الوقت
مادري شسوي
احس الدنيا مو حلوة خصوصا انه ولادتي كانت صعبه وكنت راح اروح فيها لولا ستر الله
بنات شسوي قلبي يعورني حيل
تخيلوا ادزله صور بنته مايرد علي
ليش هذا كله ليش
يارب ساعدني احس اني بموت صج من كثر ما احس انه الدنيا مو حلوه

 

[لمى الهاجري]

طبيعي تصيرين حساسة بعد الولادة والنفسية اكس بسبب الهرمونان تغير اما ريلج نصيحة ثقلي عليه لا تدزين له مسج ولا تتصلين له خلج مع هلج وقعدي معاهم وهو بنفسه بيرجع لج واستغفري

 

[Combat]

اتوقع هذا اكتئاب مابعد الولادة
الله يفرج همك حبيبتي

 

[صعبه]

الله يفرج همج يااارب

ويحنن قلب زووجج ويهديه ويسخره لج ياااااااااااااارب

خليه براحته ولا تركضين وراه

افرشي سجادتج وناجيي رببج فالقيام ادعييه واكثري من الاستغفار

والله ضاق خلقي عليج

الله يهون عليج يارب

 

[نونه المنكوشه]

الله يحنن قلبه عليج ويسخره لج

 

[.. روحي تحبه ..]

..

الوحدة طبيعي بعد الولادة اتحس بضيقة اشوي اشلون إنتي ووضعج ..

ربي يفرج همج ويشرح صدرج ..

وعلى زوجج خلي ابوج أو أخوج يكلمه يقول له إما إمساك بمعروف أو تسريح بإحسان مايصير يخليج جذيه لايدق ولا يسال ..

وحاولي اتونسين نفسج اطردي هالافكار قد ماتقدرين استغفري واقري قرآن ومع الايام بتشوفين نفسج احسن ..

..

 

[نسمة بحر]

ياحياتي انتي ربي يفرجها عليج
ولاتحاتين انا عقب ولادتي جذي كنت اتخيل اشياء وابجي عليها وماكنت متحمله الاربعين كه ضايق خلقي وابجي بس ترى مو زين لج
وريلي عقب ماولدت ماخلى شي ماسوى بالاستقبال ومن عيون الناس طيروة تخيلي اسبوع من ولادتي كرهني وكره القعدة بالبيت سافر شهرين وانا بالاربعين ولا يدق ولا يسال واذا دقيت يقول شتبين ولدج لج وانا عشت ايام صعبه كافي اهله يسالون وينه والناس والوضع كان حيل صعب علي كنت بس ابجي ومافادني البجي بشي الا عيوني تورم وحالتي حاله
لمه قعدت معاي بنت خالتي وقالت لي اقري البقرة كل يوم بنيه صلاح زوجج وانه ربي يردة لج والله من قريتها باول اسبوع قام يدق ويسال ومع الايام تعدل عليج بسورة البقرة والله انها سحر انتي راح ترتاح نفسيتج حتى لو تقرينها بالتلفون اذا ماتقدرين تمسكين القران

 

[جذابه بنت ذيابه]

الله يسخره لج

عادي فتره وتعدي بس اللي عليج تسوينه تدعين بصلاتج و بقيام الليل و شغلي البقره و دايم ابتسمي
وغيري روتين حياتج .. و ان شاء الله ترد حياتج طبيعيه

 

[Patcholli]

ليش ما سال عنج ؟؟ شصاير ؟؟

 

[Cute mama]

يابعد عمري قطعتي قلبي والله
حبيبتي اول شي الحمد لله على سلامتج ومبروك ماياج
اللي فيج شكله اكتآب مابعد الولاده خاصة انه في مشاكل بينج وبين ريلج فزاد الوضع سوء
حاسة فيج ناقصج حنان ومصدومه من ريلج
حبيبتي لاتفكرين بافكار ووساوس اتعبج اكثر
استانسي وعيشي هاللحظه ترى النفسيه تأثر عالياهل بعد خاصة اذا ترضعين الحليب اللي بتعطينه حق بنتج بيضرها وبتلاحظين كله تبجي وغازات وكوابيس واتفز بالليل
ذكري ربج واخذي بنتج بحضنج ولاتقعدين بروحج خلج مع اهلج الله لايحرمج منهم
وادعي حق ريلج بالهدايه
عسى الله يحنن قلبه عليج وعلى بنتج امين​