تعبت نفسيا " مملجه "

[/كلي تعب/]

مرحبا

/

بنات انا مشكله عندي من الازل
وانا عضوه معاكم بس هذا اليوزر الثاني


انا اعرف واحد وحدودنا بس بالنت وعلاقتنا دامت 5 سنين وحيل مع بعض واعرف اهله من بعيييييد واهوو يدري بهالشي

قبل جم شهر كان عرسه
رحتله وحضرته
وعقب عرسه بجم شهر انا ملجت
بس المصيبه اللحين تطورت علاقتنا وصارت فون واهونه ولا عمره شافني الا اللهم صور واللحين يحن يبي يشوفني
وكل ما اواجهه واذكره بزوحته يقول انا مابيها وانا مغصووووووب واصلا انا مو متزوج من يقول انا متزوج
مرات اشك بعقليته ..
ويا بنات اخته رفيجتي واهوه يدري عن كل شييييييييييييي

بنات انا تعبت وربي تعبت نفسيا ادري حرام اللي اسوي تكفون مابي زف ابي نصيحه
وللعلم انا بس عشان بسكته قلت بعد ماترد من السفر تشوفني واهوه بيسافر باجر !!

بنااااااااات تكفون شالحل
واهوه مستحيل يستسلم اذا قتله بخليك :eh_s(2):

 

[بنت الاحلام]

البدايه غلط والنهايه غلط


وانتي تعرفين الحل شنو ما يحتاج نصيحه احد يا قلبي الغلط غلط

 

[ماني من الناس]

الحين يوم انتي ملجتي احلويتي بعينه


انا اقول ان الشيطان يلعب براسه

وشنو هذا المتزوج ومو متزوج يعني مو عارف راسه من كرياسه

وانتي شلج بعوار الراس


اتركيه

 

[احساس شفه]

انا مع اختي (بنت الاحلام )

السالفه من اولهــا اكبر غلط وليـن نهايتها

مآدري شقولج


الله يهديج ان شاء الله ويصلح بالج يارب

 

[ماني من الناس]

واذا مو ناوي يستسلم شبيسوي يعني


بيفضحج ؟؟

اذا فضحج بيفصح روحه لانه

متزوج

 

[طبعي كذه]

القرار انتي تعرفينه وهو انك تقطعين علاقتك نهائي معه ومع اهلها وذلك تقدير لذاتك واحترام لنفسك والي انتي على ذمته وهو واحد كذاااااااااب

 

[/كلي تعب/]

مشكورين ..

حبيبتي مو عن فضيحه
اهوه اصلاااا عارف انا منوو واهوه منووو ..

انااا مااااااابي اتمادا معاه استلم لرغبته لما قال بشوفج
انا مابي هالشي يصير
وانا الف مليون مره اتركه وانا اللي اردله مثل الجاهل

ابي حل تكفووووون

 

[ماني من الناس]

مشكورين ..

حبيبتي مو عن فضيحه
اهوه اصلاااا عارف انا منوو واهوه منووو ..

انااا مااااااابي اتمادا معاه استلم لرغبته لما قال بشوفج
انا مابي هالشي يصير
وانا الف مليون مره اتركه وانا اللي اردله مثل الجاهل

ابي حل تكفووووون

يعني انتي الغلط منج ,,,,,,,,,,,

تدرين يا حبيبتي ان احنا مو ناقصين ذنوب بحياتنا
وتدرين ان كل مره تكلمين معاه يتسجل لج ذنوب قد شعر راسج

اذا بتعدين ال 5 سنين وبتضربينهم بعدد المرات اللي تكلمتي فيها


الحسابه تحسب عدد الذنوب

وبما ان احنه محد ضامن عمره

تشوفين حوالينج الشباب يموتون قبل الشياب ,,,

يعني كلش ما يسوى عليج هالعلاقه الوهميه

ومحد بينفعج بقبرج ولا اهو بيجي يتوسط لج ,,,,كل من نفسي نفسي

انا انصجج انج تتوبين

وكل يوم تستغفرين الله مئه مره ,,,,,

هذا الشيطان يلعب بقلوبكم ويعميكم مو كافي عمى 5 سنين لي متى الواحد بيعيش حياته اعمى خلاص

وصدقيني اذا لجأتي حق الله ,,,,,,,,,,وتبتي توبه نصوحه

الله بيهدي بالج

 

[/كلي تعب/]

والله كلامج عين العقل حبيتي
وصاجه
وكل يوم الوم نفسي واحس اني ولا شي

/

بس ابي شي اقوله اياه ويسكته ويخليه ينطم ومايتكلم
لان اعررف بيحن وبيجي وبيسوي منااحه

طبعه اقشر

 

[DooLy88]

ابينج وبينه غير نت وفون؟؟

الا شكلها علاقة حب

الاثنين متزوجين ويخونون ويلعبون بالحرام

صج ترا الحل عندج عندج موعندنا

الله يهديكم ويصحيكم

 

[ماني من الناس]

وصدقيني صدقيني الله اذا التجأتي له بيحفظح,,,,,,,,

الكل يريدك لنفسه الا الله يريدك لنفسك

اهو الشيطان لاعب بمخه وعامي قلبه

لا تصيرين مثله

كوني احسن منه

لو يعرف يحب صح ولو حبج صح

جان ما دخل الشيطاان بينكم وجان ما استرخصج من البدايه

ذيك زوجته راح لها من الباب وانتي قاص عليج بالسر بأسم الحب

الحب مو جذيه يا حياتي

الحب كرامتي

الله كرم الانسان

نقوم احنه نذل نفسنا

وكل التعب اللي فيح لأنج ظلمتي نفسج


خلي نفسج فوق كل شي

عزه النفس تسوى الدنيا وما فيها

 

[ماني من الناس]

قوليله اني تبت الى الله

وان الله بيحفظ كرامتي والله معززني وبعيش طول عمري عزيزه نفس شبعنا ذل

عزتي تغنيني

وهذا اخر كلام واقطعي كل شي الى الابد

 

[@ام يوسف@]

انتي الغلطانه لازم تتركينه انتي جذيه خاينه زوجج واكثري من الاستغفار علشان الله يغفر ذنوبج

 

[Tulips]

اللحين ماحليتي بعينه الا يوم ملجتي !!

وينه عنج من ٥ سنين جان تقدم لج

والله حبيبتي طنشي خليه يتكلم بروحه واصلا لاتردين على مكالماته انتي وحده متزوجه حطي ريلج بين عيونج وتعوذي من ابليس

 

[/كلي تعب/]

وربي يابنات انا عارفه اني كلي غلط ..
واصلا انا ماقلت لكم عالتفاصيل بيني وبينه
اهوه تقدم واهلي ارفضوووووه

بس مانقدر


ووكلامك خرعني

بتوب باذن توبة نصوحه
والاستغفار بيكون دايم على الساني
جزاكم ربي كل خير
وعسى ربي يحفظكم ويستر عليكم

 

[ابدا يالغالي مانساك]

شلللون صايرره
وانج تحضررين عرسه
اانج نسيتيه
وتملجتي
وزين الشيطان هالا فكاار ببالكم ثنينكم \

 

[/كلي تعب/]

بنات ترا والله هو شعور صعب ومب يوم وليله يتغير كل شي

تكفون ادعووولي

 

[سمر^_^]

شنو اهوا يقول اهلي غاصبيني ع الزواج

يا ماما البنت ماتنغصب ع الزواج هالايام شلون الرجال

لايبا روحي مع خطيبج عسى الله يهنيج

هذا واحد فاضي خلف الله على مرته بس

 

[tmtmt]

ما فهمت شنو النصيحه الي تبينها يعني
تعرفين كل شي

حرام والله مايرضى بهالشي
وانتي على ذمة ريال واهوا بذمته مره !!!

هاذي النصيحه يعني

كل شي انتي عارفته

الحل لما يدق لا تشيلينه وخلصنا
انهي العلاقه وبس
مو لازم يقتنع اقتنع ولا قعد

واذا شافج شيصير يعني !!!

بتتطلقين ويطلق وتتزوجون ؟؟
تتوقعين جذي راح يصير

الله يهديكم ويستر عليج وعلى بناتنا

ترا نظرته لج لا تتوقعينها نظيفه
دامه متزوج ورضيتي تكلمينه وتكملين معاه
ودامج تزوجتي وتكلمينه

لا تتوقعين النظره نظيفه
اكيد بداخله يقول شكلها سهله
والحين صارلي اسهل اني اشوفها
والله يستر لا يطلب اكثر

 

[/كلي تعب/]

ياليته خطيبي بس

انا متزوجه