بنات اكتب لكم الحين وانا واصله حدي واحس الدنيا صاكه فيني توني راده من طبيب الأسنان بغيت اتخانق معاه بس استحيت انه رجال ولا لو كان مره جان ذبحتها ضروسي متعبتني حيل حيل ولا توفقت بطبيب عدل رحت لعيادات ورحت للحكومه وحظي ما طيح الا بافشل دكتور وكل واحد يقولي كلام غير عن الثاني الله يخليكم ابي تدلوني على طبيب شاطر ويفهم بحالتي وبأسناني المتدهوره بس الله يرضى عليكم ما يكون مصري وحطو تحت هالعباره مليون خط لأني تعقدت من الاطبا المصاروه احسهم اي كلام مع احترامي انا جربت الطبيب الأردني والطبيب السوري علاجهم مضبوط بس هالفتره كل ماروح مكان اطيح بمصري الله يخليكم عطوني اسم عياده واسم طبيب معين اردني او سوري او كويتي او هندي بس يكون شاطر ومتمكن اخوي يمدح طبيب هشام بعيادة الدانه اللي بالفحيحل ومن مده يحن علي يبيني اروح له وفي ناس مدحولي دكتور علاء بتيجان الفحيحيل
للعلم ضروسي فيها اللي يبي خلع وفيها اللي يبي حشوه وواحد منهم يمكن محتاج عصب وبعدين بسوي تركيب لأني شالعه ضروس واجد يعني حالة اسناني جايده الله يعين وابيها بمكان واحد مالي خلق اسوي كل شغله بمكان وجزاكم ربي خير الجزاء :eh_s(2):
