تعبت نفسيا !!

[Rahaf Al-k]

قــوه بناات :eh_s(2):

انا عندي مشكله وياااليييت تساعدوني و الله تعبت نفسيا

بنات انا مشكلتي ان دمــي حاااار واااايد!!!!! من يوم كنت صغيره يعني الشعر بسرعه يطلع فيني !
و في بعض الناس قالوا لي تكبربين و تتغير هرموناتج!
و الحين صار عمري 18 يعني المفروض هرموناتي تكون منتظمه!
بس مـــاكو فايده :eh_s(2):
والله بنات تعبببتت حيل! تخيلوا! اروح الصالون احف اليوم
انطر لي بعد يومين بالضبط ! يبدي الشعر يطلع صغير !!
والله العظيم بدون لا ابالغ !!
تعبت واااااااايد تعبت! يعني انا مو فاضيه كل يوم والثاني مطيحه بالصالون
والمشكله ان ماااقدر اسوي ليزر حق حوااجبي يعني بغير الرسمه بين مده ومده ومو زين يقولون صوب العيون !
فـ مادري شسوي بنات ! ساااعدوني الله يخليكم :eh_s(2):

واللي ما تعرف شي يخص هالموضوع على الاقل بس ترفعه !
بليييزز بناات

 

[Kirsten storms]

حبيبتي الله يكون بعونج ان شاءالله يخف

اب اب

 

[سمو الاميرة 2]

شوفي انا مثلك
انا بقولك دهني زيت زيتون بجسمك بعد الحف يخف واااايد
والله على ما اقول شهيد !!

 

[Diana *]

أنا كنت مثلك بس خف الشعر لما صار عمري 25 !

سوي ليزر .. أحسن حل

 

[مزيونه وشقره]

حبوبه في كريم فيت لتقليل الشعر وايد بنات جربوه ويمدحونه استخدميه يوميا وعقب الشيره بساعه اخذي زين زيوت ودهني فيه مكان الشعر ونطريه يتشرب بعدين اخذي ليمون مع اشويه ماي ودهني فيه مكان الشعر يومين ورا بعض راح يخف ان شاءالله مع الاستمرار واستمري على مرطب تخفيف الشعر وان شاءالله تسفيدين يارب واذا تقدرين سوي ليزر افضل حل

 

[omsalooom@hotma]

انا نفسج سويت ليزر وارتحت

 

[يَ ربححه فيني]

آآب
إن شآء الله يفيدونج كويـتــيــآت

 

[Miss.madry]

نفس حالتي
بجرب زيت الزيتون وكريم فيت ان شاء الله يخف
وان شاء الله بعد انتي يخف
والله نفسج هالمشكله تعبتني حييل

 

[عاشقة هواك]

الله يعين نفس الحاله

 

[فدوووو]

حبيبتي بعد الحف استعملي زيت الزيتون الاصلي المسحوب عالبارد واستمري عليه كل ليله تدهني فيه بيخفف من الشعر

ويمدحون شي ثاني بس نسيته يخفف من شعر الجسم ويزيد من شعر الراس والله ناسيه اسمه بس هو بالعطار وتنقعينه وتاخذين مويته وتدهنين فيها كل يوم

ايوا الترمس هو اللي يمدحوونه حييل حتى في بنت كتبت موضوع عنه بهالمنتدى حيييل تمدحه

 

[Rahaf Al-k]

حبيباتي والله مشكوريييين وايد فديتكم انشاءالله بجرب زيت الزيتون واقولكم النتيجه

 

[batooly]

آخييه الله يعينج انا بعد مشعررة
الله يعينج

لوووول انا خبره بهل مواضيع بس ما استمر واايد

أشياء تقلل نمو الشعر :

1- زيت الزيتزن بعد الحف

2- زيت النمل من العطار ب 1.5 سامعة وحدة تخلطه مع زيت زيتون تمدحه < و أنا شخصيا استخدمته و صج يقلل

3-ليمون< بس يحححرق مجربته >.< و لا راح اسوي مرة ثانية :/

4- زنجبيل أخضر تقصينه بالنص طبعا و تفركين بس همن اعتقد يحرق

5نبااات السعد محطوون < و ترا صعب حيييل طحنه و له طرق وااايد
ممكن انج تفوحييينه حييل و تاخذين الماي و تدهنينه بعد الحف كل يوم او لمدة 5 أيام ة ناخذين الحثالة او طين السعد p: الباقي من الماي < مو عارفه اشرح و تخلطينه مع كريم
و ممكن تنقعيه ب زيت زيتون

6- كريم فيت تقليل نمو الشعر موووو ازالة < ايضا جربته و حلوو

7-منقوع الترمس < جربته حسس اشوييية بشرتي

هذا الي اعرفه ^_^{اخذي المقادير من جوجل و سوي سيرج}

و اذا الشيرة مأذيتج ليش ما تشترين مكينة ازالة الشعر مالت براون و هالسوالف , بس احتمال يطلع شعر تحت الجلد لاازم سنفرة

و في حفظ الله و رعايته خيتووو

 

[ولااء]

رفع

 

[مطر هتــآن]

البنات ما قصروا

انا مافهمت كلامج لما تقولين مو زين صوب العيون بس اذا قصدج تحفين حواجبج نصيحه لا تحفينها