تعبت والله تعبت

[amnoor]

السلام عليكم ورحمة الله وبركاته
ماأدري من وين ابدأ بس جد محتاجتكم بعد الله
محتاجه كلمة تطفي النار الي بيوفي*
يابنااااااات ماابي اخوض بمشاكل أغلبنا يعاني منها
ولا اصور لكم زوج لا يطاااق
ابي اشكي لكم نفس تعبت واهتزت من داخل*
ادري اغلبهم بهالزمن خونه ..... وصدمتي مثل كل وحده كانت تتصور شريك حياتها*
فارس أحلام ومخلص .... ادري الخيانه درجااات هو يتكلم بس ويرجع *يتوب*
كيفه خلاص تعبت منه*
انا ابي انساه ابي اتجاهل انه ممكن يخون بعد
اني راح انجرح من جديد صار فيني مرض نفسي
ارجع اثق يوم وراها اتعب حيييل واقول عفيه قلبه شلون جذي شلون قدر يكلم وحده ويجرح قلب صاينه ويحبه شلون هنت عليه وشلون يستانس بأن يكلم بنت ... ما عندها مبادئ*
ليش صار اللعب والضحك هو الأهم من الأخلاق ،.. ليش وليش وليش وأعيش بدوامه انا بغني عنها وارجع اتصيد واتجسس واتعب ذاتي قبل لا اتعب جسمي ...
كيفه في رب يحاسبه انا يابنات تعبت وتعبت عيالي بعد ... مع انه تعدل وقاعد نوعا ما يتحسن ... لس انا عايشه بدوامه مع حالي ما تخلص
ابي انهي هالنار الي فيني والله ماكانت جذي ولو يرجع *يتعدل ارجع اهدى*
بس وصلت لقناعه اني ابي اعيش مع نفسي بسلام*
*
ساعدوني تعبت من نفس تحاتي وتفكر*
وربي يسعد كل وحده ترد علي

 

[بتبوتااا]

 

[*آسوومه*]

اسم الله عليج من التعب :*
فديتج انتي ذكيه وتبين تشترين راحتج و الدليل فكرتي شلون ترتاحين
يا حبيبتي الريايل مهما خربطوا و سوو و افعلوا مردهم لحريمهم و هالشي لازم تعرفه كل بنت متزوجه و عندها عيال
و الريال كل ما كبر يخربط عشان يبين حق نفسه ان لين احين شباب و يجذب الجنس الثاني < طبعا لما يكون الوازع الديني عنده معدوم ..
هو ضيع ثقتج و صدمج و رديتي وثقتي و خايفه يخونج او تتسألين يخون ولا و تنصدمين مره ثانيه انه يخون
ف اريح لج لا تفكرين فيه ولا ف خيانته
و الاهم لا تعطين من قلبج عشان ما تقعدين تحسفين
قومي بواجباتج و خلاص
لا تدلعينه
لا تعطينه ريج حلو ولا شي
لان ما يستاهل
انتي ارضي ربج و خلاص
خلج قويه
و فيه مثل بالانجليزي يقول
What doesn't kill you makes you stronger
معناها " الي ما يقتلك , يخليك اقوى "
يعني كل صدمه تقويج
و تخلي عندج مناعه
و الريايل يتمللون بسرعه
و مرده يمل من هالسوالف
و يرجع لج
و الاهم فديتج تدعين له و تقربين من ربج
و تقولين " يا رب عطني الصبر و قوه التحمل يا رب اهدي زوجي "
و حبي شوفي
دام الخيانه حدها تلفون و بس خليه يولي
مرده يطخ
اهم شي تذكرينه بالله و خليه يلتزم بصلاته


و الله يعينج و يوفقج و يمسح على قلبج و يهدي زوجج و يرده لج رداً جميلآ ..

 

[amnoor]

اسوووومه
عمري فديتج وفديت كلامج العسل
ربي يريح بالج مثل ما ريحتي بالي ويجعل لج بكل خطوه سلامه
فديتج والله

 

[*آسوومه*]

اسوووومه
عمري فديتج وفديت كلامج العسل
ربي يريح بالج مثل ما ريحتي بالي ويجعل لج بكل خطوه سلامه
فديتج والله

يا بعد قلبي :*
عســآآج دوم مـرتـآحه يا رب
الله يوفقج ويسعدج حبيبتي

 

[(*ام عهــــد *)]

ماقصرت أسومه
وبسم الله عليج من التعب
خلي كل التجاارب اللي مريتي فيها نفس الكرت مسحتي واخذتي اللي فيه وقطيتيه
خلاص هذي تجارب اخذتي منها الزين والشين وتعلمتي خلاص انسي
لاتلتفتين ورا ودام عندج عيال فكري فيهم نفسيتج تأثر عليهم خليج قويه وحولي كل الطاقه السلبيه اللي فيج الى ايجابيه
سوي كل شي تحبينه قراءه ولازيارات وزودي الشغل في البيت لاتعطين نفسج وقت تفكرين بالشغلات اللي تضاايقج
ودايم كرري اللهم ابعد عني كل مايضرني انت عضدي وانت نصيري بك اصول وبك اجول
اللهم اسألك الصبر واعطني القوه ياقوي ياجبار فأنا لاحول ولاقوة لي الا بك ​

 

[للعيون همس]

الله يعين لازم تعيشي وتنسي احنا بوقت صعب والحافظ رب العالمين ما لك إلا التطنيش وتعيشي حياتكوتحاولي تشغلي نفسك لا حول ولا قوه إلا بالله وخلي مبدأك في الحياه لا يفل الحديد إلا الحديد انتبهي على نفسك وشياكتك وعيالك وبيتك واودعي امرك لله الذي لا تخيب ودائعه

 

[بيلسسان]

الله يسخركم لبعض وبهديه ان شاء الله

 

[نوانيات]

لا تدوري وراه

واستغفري قد ماتقدري كل يوم

وصدقيني بتتحول حياتك الى رحمة وجنة

الله يسععدك ويوفقك دنيا واخره

 

[ام احلى خلودى]

الله يهديه لج يارب ويريح بالج

 

[عسل سل]

اسم الله عليج من التعب :*
فديتج انتي ذكيه وتبين تشترين راحتج و الدليل فكرتي شلون ترتاحين
يا حبيبتي الريايل مهما خربطوا و سوو و افعلوا مردهم لحريمهم و هالشي لازم تعرفه كل بنت متزوجه و عندها عيال
و الريال كل ما كبر يخربط عشان يبين حق نفسه ان لين احين شباب و يجذب الجنس الثاني < طبعا لما يكون الوازع الديني عنده معدوم ..
هو ضيع ثقتج و صدمج و رديتي وثقتي و خايفه يخونج او تتسألين يخون ولا و تنصدمين مره ثانيه انه يخون
ف اريح لج لا تفكرين فيه ولا ف خيانته
و الاهم لا تعطين من قلبج عشان ما تقعدين تحسفين
قومي بواجباتج و خلاص
لا تدلعينه
لا تعطينه ريج حلو ولا شي
لان ما يستاهل
انتي ارضي ربج و خلاص
خلج قويه
و فيه مثل بالانجليزي يقول
What doesn't kill you makes you stronger
معناها " الي ما يقتلك , يخليك اقوى "
يعني كل صدمه تقويج
و تخلي عندج مناعه
و الريايل يتمللون بسرعه
و مرده يمل من هالسوالف
و يرجع لج
و الاهم فديتج تدعين له و تقربين من ربج
و تقولين " يا رب عطني الصبر و قوه التحمل يا رب اهدي زوجي "
و حبي شوفي
دام الخيانه حدها تلفون و بس خليه يولي
مرده يطخ
اهم شي تذكرينه بالله و خليه يلتزم بصلاته


و الله يعينج و يوفقج و يمسح على قلبج و يهدي زوجج و يرده لج رداً جميلآ ..

كلااااامهااا كله صح وحلو
بس في جمله انا ما مومعاها لما قاالت لاتعطينه ريج حلو! مو لهدرجه تعطيييه اوكي وتكشخ له لكن مو لدرجة كلش تكونين ناشفه بالمعاامله
وترى كل رجااال لابد يخوون الحين او بعيد<الاغلبييييه واذا انعدم الدين على قولت الاخت :eh_s(17):
وطنشيييي كل الحريم مثلج وعايششيين ومستانسين بعد كافي ان اخر الليل ينام يمج :eh_s(8):ومارده لج
ياما حريم مثلج واردى من حالتج وعايشين حياتهم طبيعيه وانتي تاكلين بنفسسج وتوسوسين لي متى
ترى والله محد يحس فيج بضيقتج ولاشي غير الله سبحانه وانتي متعبه نفسج وحالتج حاله ليش


وحطي فبالج ان الوسواااس مايفيدج بشي يضرج ماينفعععععج ولا يغير من شي تعوذي من ابليس وعيشي حياتج طبيعي وكل رجال يخربط فتره ويطخ:eh_s(7):
وكل ماحسيتي ان حاشج شعور احباط او ضيقه من هالناحيه دشي واقري الردوود عشان تذكرين كلامنا
واستغفري راح ترتاحين اشتغفري بعد كل صلاه 200 مره والله مايبيلها شي
وجذي تكونين كل يوم مستغفره الف مره
(عالصلوات الخمس اقصد وراهم)

 

[توني انتبهت]

حبيبتي

عودي نفسج ع النسيان والتطنيش عشان تعيشين
بالبدايه راح تكون صعبه عليج
بس بعدين بتتعودين
والاتنسـين بكل سجده ادعي
اللهم لا تجعل همي في الدنيا زوجي واجعل همي الآخرة
بنفس الوقت اشغلي نفسح واهتمي بواجباتج كلهاا

والله يهديه لج ويسخرره ان شاءالله

 

[عسل سل]

واذا تبين شي دشي علي عالخااااص
:*

 

[بنت الاكابر]

ليش متضايقه بفهم .. هو المخطيء ام انتي......؟؟؟؟!!!


اشتغلي على نفسج.... ولاتعطين خباله اي اهتمام... تلقينه يصير خاتم باصبعج.... بس منو يفهم .. ومنو يصبر

 

[miss_uk]

لااله الا انت سبحانك اني كنت من الظالمين

كل ما تضيقت ارددهاوارتاااح طبعا مع الاستغفار

 

[لولو سيتي]

ربي يهديه ويسخره لج يا رب ولا يشوف غيرج
هذه نتيجة بعده عن رب العالمين الله يهديه ويفرج عليج *

 

[ELFAD3Ah]

تجاهليه ولا كانه موجود عيشي حق نفسج وطوري من حالج ومارسي هواياتج واستمتعي بحياتج ولحد يهمج

والله يهدي سرج

 

[انونا]

انا مع حلوه( عسل)

والله يهدي بالج ويعطيج على قد نيتج يارب
ودايم ادعي ان ربي يحفظه حقكم ويهديه
اللهم استودعتك زوجي وبصره وفرجه فاحفظه لي انك خير الحافظين
والله يصبر قلبج حبيبتي

 

[نونه المنكوشه]

شوفي انا مرت خالي حلوه واخلاق وربة بيت وسنعه بالمختصر كامله والكامل الله وخالي عسر وناشف وتزوج عليها وبعدين طلق الثانيه ورجع وكان ملتزم شوي وطاحت عليه عنده افلام وصور ويغازل ع خفيف ومع هذا تضحك وقايمه بواجباتها طبعا انا كنت اشوف خالي الزوج المثالي بس صج الناس مالنا اله الظاهر ولما قامت اتقول رحمتها صج حبيبتي اتعاني لكن ربي ماسح ع قلبها سالتها قتلها مشاءالله شلون انتي جذي عادي قالت انا مريت بحاله نفسيه مايعلم فيها اله الله لكن اتقول قلت حق نفسي اذا مرضت وله انجلطة بينفعني اكيد لااتقول وانا بصحتي ومافيني شي تزوج بس عناد بربعه شلون لوصار فيني شي بيقطني ويدور غيري فاتقول قمت اصلي بالليل وادعي بظمير انه ربي يبرد ع قلبي ويشرح صدري وتقول قمت استغفر واقره قران اتحلف تغيرت 180 درجه وماقام يهمني ولايهزني وقمت افكر بنفسي وعيالي اتقول مات قام كله يقولها ليش ماصرت اهمج ماتحبيني صار مثل اليهال وكله يفكر فيها اتقول من صار همي رضي ربي والجنه تغير حيل فانتي فكري بنفسج حبيبتي وادعي ربج بالثلث الاخير والله انا متاكده باذن الله بتغيرين للاحسن وبترتاحين الحاله اللي فيها انتي الحين الشيطان قاعد يتعبج ويايسج من رحمت الله انتي تقربي من الله بترتاحين حتي لوماتغير وضعج بس بتحسين براحه عجيبه والله يشرح صدرج

 

[خلطات المذهله]

والله تعبنا مالومج لو تعقدتي بس طولي بالج وخليج دايما مع الله اكيد يعوضج خير ويريح بالج