تعبت والله تعبت

[ام خدود ورديه]

الله يعينج ويهدي لج
انا عندي حل ان شاء الله يفيدج
لهي عمرج دشي نادي استانسي دشي دورات تطوير الذات اشتري كتب تستفيدين منها شيليه شويه من بالج

اولا اهوا راح يفقدج
ثانيا انتي مجابله عمرج
ثالثا راح ترتاحين شوي من التفكير
رابعا راح تصيرين شخصيه يديده

 

[كريستال]

ماقصروا البنات

الله يفرج همج ويسخره لج

 

[Mjnont '3lay]

صلي عالنبي حبيبتي < اللهم صل وسلم عليه

اول شي ياقلبي ادري انه شعور الخيانه متعب ويعور ويجرح ومحد يحس فيه الا اللي عاشه وشافه من اقرب الناس له وفعلا شي يعور ويجرح يعني انسان يعاشرج بليل وثاني يوم يخونج عفيه قلب معدوووم مايحس ولا يهتز من الداخل
بس انا ايقنت شي واحد يالغاليه الرجال حجر مايهزه شي والله العظيم وبالاخير صحتي او شكيتي او تعبتي مرح يهمه غير وناسته ومرح يسوي الا اللي براسه so ليش يالغاليه تتعبين نفسج؟؟؟ طيب مو هو يكلم ومستانس وولا على باله انتي وكلش ما حط لج لا احترام ولا قيمه يوم فكر يكلم وحده غيرج وانتي اللي مو مقصره فيه بشي / خلآآآص عامليه بالمثل ياقلبي سوي واجباتج الزوجيه على اكمل وجه ولا تقصرين بشي وطنشي موضوع الخيانه وحطي في بالج انج من اليوم ورايح اللي مايهتم لج لا تهتمين له اهتمي بنفسج فقط عطي الاهتمام لنفسج لذاتج وحبي نفسج ودلعيها رح ترتاحين وتحسين انه شعور التعب واليأس انزاح عن صدرج تدرين ليش لانج مو قاعده تعذبين نفسج والله مايرضى بعذاب النفس حرااام والله حرااام تقتلين نفسج بالتفكير والارق والتعب والوسواس عشان شنو وعشان منو عشان انسان خانج !!! تعرفين شنو يعني خانج يعني مااااحط لج ذرة احترام ولا خاف الله فيج
وانتي بنفسج تدرين شنو عقاب الخيانه خاصتن انه هو محصن ليش يخون مااااله اي عذر للخيانه عند ربج خليه وتيقني انه ربج مرح ينسى انه بيوم خانج صدقيييييييييني حقج عند ربج والله والله مايضيع وكل يوم قولي اللهم اني استودعك زوجي من المنكر والمعاصي والفحشاء يامن لا تضيع ودائعه يارب احفظه لي من بنات الحرام واعمي بصره عنهم وغض بصرهم عنه ..
كل يوم كل يوم قوووولي هالدعاء صدقييييييييييييييييييييييييييييييني رح يضيق صدره من يلتفت لبنت عن تجربببه والله
وبعدين يالغاليه انتي عشان ما تتعبين نفسج لا تركضين وراه وتنبشين من وراه خليه يولي عيشي لنفسج لذاتج ولعيالج ولا تقصرين بزوجج صدقيني شوي شوي رح تحسين انه يلجأ لج ويجيج ويترك خرابيطه صدقيييني بس انتي كل يوم استغفري بنية انه الله يحمي زوجج من بنات الحرام ويهديه لج وكل يوم صلي عالنبي اول ماتقومين وقبل لا تنامين فديتج والتهي بعيالج حبيهم وحرصي عليهم والعبي معاهم ودرسيهم ومارسي هواياتج اللي تحبينها ولا تقصرين بزوجج اهم شي وانسي هالموضوع او بالاحرى تناسيه عشان تعيشين بسلام فديتج واتمنى كلامي يكون خفيف على قلبج يالغلا احبج في الله ..

 

[انثى عاشقة]

انتي طنشي وادعي قولي يارب
ارزقني الصبر واللامبالاة
وطبعا اهدي زوجي ورده لي ردا جميلا ​

 

[ام_ركون و دندون]

الله يهديه ويصلحه لج

 

[Tom ♥ Jerry]

.


عليج بالدعاء و الاستغفار داومي عليهم
و الله ما يخيب ظن عبيده :*:eh_s(17):

 

[amnoor]

فديتكم بناااااااااات.....
ماااقصرتوا ربي يسعدكم ويوفقكم
وعسااااااكم ما تشوفون ضيقة دنياااا واخرررره
ويحرم ايديكم من النااااااار وقلوبكم الي تأثرت ودعت لي
جزاكم الله ألف خيرررر

 

[قنــــــــــوت]

اسم الله عليج من التعب :*
فديتج انتي ذكيه وتبين تشترين راحتج و الدليل فكرتي شلون ترتاحين
يا حبيبتي الريايل مهما خربطوا و سوو و افعلوا مردهم لحريمهم و هالشي لازم تعرفه كل بنت متزوجه و عندها عيال
و الريال كل ما كبر يخربط عشان يبين حق نفسه ان لين احين شباب و يجذب الجنس الثاني < طبعا لما يكون الوازع الديني عنده معدوم ..
هو ضيع ثقتج و صدمج و رديتي وثقتي و خايفه يخونج او تتسألين يخون ولا و تنصدمين مره ثانيه انه يخون
ف اريح لج لا تفكرين فيه ولا ف خيانته
و الاهم لا تعطين من قلبج عشان ما تقعدين تحسفين
قومي بواجباتج و خلاص
لا تدلعينه
لا تعطينه ريج حلو ولا شي
لان ما يستاهل
انتي ارضي ربج و خلاص
خلج قويه
و فيه مثل بالانجليزي يقول
What doesn't kill you makes you stronger
معناها " الي ما يقتلك , يخليك اقوى "
يعني كل صدمه تقويج
و تخلي عندج مناعه
و الريايل يتمللون بسرعه
و مرده يمل من هالسوالف
و يرجع لج
و الاهم فديتج تدعين له و تقربين من ربج
و تقولين " يا رب عطني الصبر و قوه التحمل يا رب اهدي زوجي "
و حبي شوفي
دام الخيانه حدها تلفون و بس خليه يولي
مرده يطخ
اهم شي تذكرينه بالله و خليه يلتزم بصلاته


و الله يعينج و يوفقج و يمسح على قلبج و يهدي زوجج و يرده لج رداً جميلآ ..

قلتي كل اللي بقلبي .....:eh_s(15): :eh_s(17)::eh_s(17)::eh_s(17):

عسى الله يهديه لج ويبعد عنه بنات الحرام

 

[أبله شقحه]

ويييييييييييييييييييي والي يعافيج ترا كلهم جذي احنا بس نتغافل ونطنش

 

[أكذب عليك]

الله يهديه

ذاك اليوم اسمع دكتوره تقول اللي تفتش ورا زوجها يا تموت من الحرا يا تطلق
اصعب شي بالدنيا الخيانه يعني ماشالله ع البنات اللي يصبرون ويتحملون الله يااااااااااااااجرهم يارب

شوفي يالغلا الدنيا تمشي تمشي فيه بلياااه بتمشي
ليش ادورين وراه وانتي متاكده انه بتحصلين شغلات تغثج

شوفي الرجال يحب الغموض لا تصارحينه بشي ويعتذر ويعيدد نفس المواضيع
تعرفين عديه ولاشي

حطي اولويااتج بحياتج انتي ومن ثم عيالج اذا عندج وبعدين اهلج وبعدين رفيجاتج وبعدين دوامج واهوو خليه باخر اللسته
لاتفضفضين له بشي ولا تعطينه شي مو من حقه احترميه وسوي واجباتج بس اهملي وجوده بحياتج
اهتمي بنفسج بحياتج بطلعاتج برفيجاتج صيري غاااااااااااااااامضه معاااه لابعد الحدود وخلج مبتسمه دايماااا
ولادورين وراه شي لانه بتتعبين

وكل ماعطيتي نفسج حقهااا ولراحتهااا كل ما عشتي حياتج بدون ارق ومغثه


تعبتي وبجيتي وتضايقتي وانهرتي وكرهتي الرياجيل وبعدين شراح يصير
اذا بجيتي بيتعدل (لا)
اذا انقهرتي بيتوب )لا)
اذا تحطمتي وذبلتي بيرجعلج (لا)

يعني معناته ممكن تخسرين حياتج ولا استفدتي منه شي

شلاقي مع اللي يخونج غير شغله وحده اهووو يلحقهاا واهي ماتعطيه من وقتها الا ساعه او ساعتين
وباقي وقتهااا حق عمرهااا واهي متاكده ان رجال ومتزوج بس ماتعده شي بحياتهااا ومو بس هو يقزرها عليهاا
اهي تقزرها عليه لانه اعرفي هالنوعيه الرياجيل يحبون يعيشون معاها بس مستحيل يفكرون يتزوجونهم

الزوجه لازم تكون شي ثانيه .. وانتي تقدرين تصير نفس وضع هالبنات (حشاج عنهم ) بس لا صرتي ماتعطينه من وقتج ولا شي
هني بيموووت ويحاول يردج واهو اصلا مرده لج ولحياتج

اتبعي سياسة انج اقوى وانا انصحج رياجيل هالوقت ماينفع تصارحينهم وتبجين لانه باخر النقاش بتصيرين انتي المنكسره المنهاره
واهوو الرجال الطيب اللي بيعتذر

 

[عتآق الخيل]

البنات ماقصروا
الله يعينك ويصلحه .~

 

[كويتيه مذهله 87]

والله نصهم جذي لا اتعبين نفسج ولا شي اهتمي بصحتج اهم شي ولا هو طز فيه

 

[شلة بنات وبس]

الله يبرد نارج ويعوضج خير بالدنيا والآخره مع الأسف غالبية الرياييل صارو خونه بدرجة إمتياز ودى اقولج صبري بس أخاف أستاثم فيج اختى لا باجر نقل لج عدوى جنسيه أو مرض جايد مثل الإيدز اللى منتشر لاسمح الله وفعلا اللى ماعنده وازع دينى شنو تترجين منه غير حشاكم الرذيله والإنحطاط صعبه الخيانه مايحس فيها ولا بجحيمها ونارها غير اللى ذاقها وصعب التآقلم مع زوج كنت أحبه وأحسبه لى بروحي وخانى والله العالم شنو صار بهالخيانه هل اوصلت لفراش او سطحيات لاكن كلهم بنظري واحد الخيانه وحده ومره وصعبه جدآ الصبر طيب على بعض الأمور لاكن من وجهة نظري الخيانه مثل الجمره المشتعله شلون ايودها بيدي واقص على نفسي واقول راح استحمل وبالآخر انا اللى قاعده آكل بعمري وأحرق بروحى وأتلف صحتى وأأذي حتى عيالى معاى لان نفسية امهم منتلفه ​

 

[تبيني آرضى عليك]

الله يهديه ويسخره لج ويسعدج
البناااات مقصرواااا

 

[قموووره]

حبيبتي ثلالث ارباع الرياييل خونه لا تعورين راسج وتدققين على كل شي عطيه طاف وعيشي لنفسج وعيالج ولا تثقين احسن عشان ما تتعبين الريال تتوقعين منه كل شي ماله امان بس استعيني برب العالمين
اغلبنا مر بالي مريتي فيه وماكو فايده انك لا تهدي من احببت ولكن الله يهدي من يشاء
استعيني بالله وارضي ربج علشان يرضيج والله انا كل ما ازعل مع ريلي ولا يصير شي اقول معقوله انا ذنوبي هالكثر الي الله يبليني بكل هالمصايب وورى بعض ؟؟ بس مو شرط الله يحبنا ويبي يخفف عنا عذاب الاخره
الحمدلله على كل حال اشتري اخرتج اهي الباقيه ولا تعورين قلبج على شي زايل وهو له رب بيحاسبه​

 

[ديانا سبنسر]

الله يهديه لج ويسخره ويمسح على قلبج

 

[miss swan]

ادري صعبه اطنشين بس شغلي نفسج بشي مفيد ولا الرياييل ما وراهم غير الهم والكدر

الله يصبر قلوبنا​

 

[غدووور الكويت]

الله يهديه ويفرج همج

 

[Beyoncee]

الله يهديه ويسخره لج ولعيالج
تبين ترتاحين لا تخلين الزوج اكبر همومج ومحور حياتج اهتمي بنفسج بشخصيتج
بتربية عيالج ودوام الحال من المحال
الخيانه صعيه وتصدم وتهز كيانج وتكسرج اذا ما عطيتي نفسج الثقه ان النقص فيه مو فيج
وان الغلط منه مو منج ازمه وتعدي حبيبتي
وبعد سنين راح تكتشفين ان هالتجارب المره والالم يقويج وعلمج التوازن بالمشاعر
نصيحه من اخت التطرف بالحب والمشاعر يزيد من التعب ومن الجرح
خلج متوازنه بعلاقتج مع الزوج او الصديقه او اي انسان كان
وكوني على ثقه ان كل امورنا بيد الله سبحانه وتصريفها عليه سبحانه وكله خيره من ربج
بيآجرج فيه على صبرج ومحافظتج على بيتج وعيالج وصاينه نفسج
الصبر الصبر
وعسى ربج يمسح على قلبج ويريح بالج