تعبت والله تعبت!!!

[البندري الكويتية]

بنات صارلي 3 أيام بالضبط تعبانة من ريحة تكرمون غرفة نومي
أنا وزوجي لاحظنا الريحة
والمشكلة ما أدري من وين
زوجي يقول من الوحدة واناأقولة من وانتوا بكرامة الحمام وللعلم حمامي داخل غرفتي
والمشكلة اني يوميا أنظفه وأغسله بس بالديتول
واذا دخلناه حتى لو بنتسبح تطلع الريحة
ولا تقولون عيدوا ترميمه
تونا معدلينه ونفس الشي
بنات تكفوووووووووووووووون يرحمكم الله فيدوني بالطريقة العدلة لتنظيفه
ويجزاكم الله بألف خير

 

[بشه المنفشه]

يمكن صج الوحدة لأنها مرات اتطلع ريحة مو حلوة .. مثل الخمورة

هووا الغرفة وبطلوا الدرايش مع إنه غبار ! وشرعوا البيبان خصوصاً بالنهار .. حاولوا تغيرون الهوا خل يتجدد

 

[البندري الكويتية]

انا اللي ماخلاني افكر بالوحده
لأني اذا دخلت وانتوا بكرامة الحمام فيه ننفس الريحة
بنات اللي عندها خبرة ابي طريقة تنظيف الحمام عدل

 

[البندري الكويتية]

مو معقولة 14 مو عارفين الحل

 

[ملح بدويه]

يمكن من الحمام ؟؟؟؟

او عزكم الله من البالوعه

 

[طيرشلوا]

اول شئ حبوبة جيبو عامل صحى يشوف الحمام يمكن فية شئ مسدد
وغسلى الحمام بجف الابيض والديتول مال الحمام وبام كتيهم بكل مكان فى الحمام المغسلة
وعلى الحنفية ومن ورا المغسلة والبانيو والمرحاض العربى والافرنجى وتاكدى من الزوايا
وحواف المرحاض والشطاف صكرية ورشى علية الجف (الى اقصدة الجف البخاخ وهم الديتول والبام) وخلية عشر او15 دقيقة و بعدين افركى باسفنجة ثقيلة ويابسة وبعدين غسليها بخلطة الفيرى مع ماى
ولما تخلصين تكونين مجهزة فحمة حطى فيها كسرة مرة وسمى وحطيها بالحمام
ولما تخلص شيلى المرة وحطى كسرة جاونى وبس
وهم الوحدة لازم تنظف دايما يعنى تطلعين الشبك مالها وينغسل
وحبوبة الديتول البنى مطهر و الحمام الديتول بروحة مايسوى لة شئ لازم منظفات
وهم غرفة النوم حاولى انج تنظفينها وتخلطين الجف مع البام والكلوركس والديتول البنى
وفيرى الليمون مع ماى شوية وكتى بغرفتج وخلية عشر الى 15دقيقة وبعدين اشطفية

 

[طيرشلوا]

والفيرى يهبل للتنظيف لاتستغربين ان اذكرة فوق
ومرات اعصر وياة ليمونة او اخلطة مع ملح الليمون

طولت هذرة عليج حبوبة بس حبيت افيدج

وتقبلى مرورى

 

[عهود الحب]

يمكن في شي طايح تحت الاثاث ومتخمر ومنتشره ريحته وانتوا ماتدرون شنو اهو او وينه بالضبط
تحت السرير تحت قنفة
ورا الكبت

ترى في مرات جي شغلات تصير وتسبب ريحة واخر شي تكتشفون انه تفاحة معفنة قاطها جاهل تحت تحت
او موزة متعفنة او شغله خايسه ومنحذوفة تحت شي


اقلبي الغرفة فوق تحت الين تلاقين مصدر الريحة

والله يعينج



على هامش الموضوع < شكو ادري
طيرشلوى ياحلو قرقتج < اتغزل فيج

 

[البندري الكويتية]

صراحة ألف مليون شكر
طير شلوا
وعهود الحب
أفدتوني وأفدتوني وأفدتوني
آنا أقول لزوجي مايحلها الا كويتيات
آنا بجرب اللي قلتوه كله وبقولكم شيصير معاي

 

[البندري الكويتية]

مشكورة على الرد ملح بدوية

 

[بنتq8]

يمكن من البالوعه اشتري من الجمعيه شي منظف للبواليع مثل حبوب بيضه
مااذكر شسمه كبيه بالبالوعه وصبي فوقه ماء حار

والاحسن يبي عامل صحي يجيك علي البواليع لانه شكل الريحه ما تطلع الا بعد استخدام الحمام اذ جذي العله بالبواليع

 

[البندري الكويتية]

وهالراي أنا بصراحة اللي أفكر فيه بنت q8
ماكو الا أكلم زوجي يشوفله عامل صحي يشوف وانتوا بكرامة الحمام

 

[‏إنگِسَارْ آلشَـوْق ..!]

الله يعنيج
اتمنى البنات فاادوج

 

[شكليطه]

حبيبتي الديتول بروحه مو كافي للتنظيف

اول شي خل نمسك شغله شغله

بالنسبه للغرفه......الدرايش لازم كل يوم تفتحينها وخصوصا الصبح عشان تجديد الهوا ضرووووووووووووووووري ضرووووري
وخصوصا ان الحمام داخل الغرفه

ثاني شي الوحدة علقي عليها من هالمعطرات اللي تنباع بالجمعيات وبين فتره والثانيه غيريها
لان احنا الصراحه البيت كله سنترال بس لما سوينا صاله اضافيه اضطرينا نحط وحدات لكن للامانه يهبلوووووون ولا فيهم ريحه

ثالث شي مثل ما قالت الاخت عهود وانا فكرت فيه على طول.....دوري بالغرفه يمكن في اكل مخمر وانتوا مو ملاحظينه او حتى لو ملابس او فوطه تكون رطبه ومانشفت عدل.....هذا الشي يسبب ريحه عفن

رابع شي طريقه تنظيف الحمام بالنسبه لي ومرتاحه منها الحمدلله
ارش صابون هدوم(حتى لو نوع رخيص مايضر) بكميات بسيطه على كللللللللل شي بالحمام
الحنفيه البانيو الارضيه البديه تكرمون
وارد احط شويه من جل العملاق الاخضر.....وارش نتتفه ماي....وابدي افرك بالاسفنجه والبروش.....كل مكان له شغلته

وبعدين اشطف كل هالماي والصابون......واخر شي احط لي تب فيه ماي وديتول او ماي وداك او ماي ومعطر سيراميك.....وارشه على الاماكن اللي غسلتها,,,,,,,,وبعدين ارد امسحه بخرجه ناشفه

والله الحمام يظل يومين ثلاث نظيف ومايحتاج تنظيف......لكن احنا الوسواس ذابحنا ولازم التنظيف اليومي


وطبعا قبل لا تطلعين من الحمام بخي شوي معطر جو



وان شاءالله اكون ساعدتج باللي اقدر عليه

 

[البندري الكويتية]

يعطيكم العافية بنات
والله بصراحة ساعدتوني وأثر بعد

 

[وسامي]

حبيبتي بعض المرات تطلع الريحة اذا طولنا مااستخدمنا الحمام فانتي بين فترة والثانية خلي الماي مفتوح بالمرحاض وتمي شوي وسكريه وكرري هالحركة بتشوفين الفرق لان البالوعة تكون ناشفة من الماي واطلع ريحة وهم شيكوا على البواليع يمكن مسدودة .

 

[حصووونه]

حبيبتي اساس الحمام النظافه والغسيل اليومي خصصي لج غوري وليفه خاصه بحمامج ويوميا اترسي الغوري ماي دافي وشوي كلوركس وشوي صابون هدومكم العادي وشوي ديتول وفركي فيه الحمام كله من اللى وعقب شطفيه بماي لين ينظف اللحين نجي للتعطير والريحه الحلوه اشتري هاربيك البرتقالي للحمام وصبيه بالمرحاض مرتين باليوم مكتوب عليه الطريقه وعطره يدوم بالبواليع وصبيه ببالوعه البانيو والمغسله بعد وحطي بالسيفون داخل الكور الزرق المعطره والمعقمه كل ماسحبتي السيفون يطلع ماي ازرق بريحه حلوه وتعقيم يروح للبواليع وحطي لج بخاخ كبير من بواميه حطي فيه بياله ديتول واترسيه ماي وكل ماستخدمتي الحمام قومي وارفعي القاعده مالت المرحاض ورشي من هالبخاخ بوديتول والله تنقطع الريحه وقولي حصه قالت..