تعبت يابنات تعبت سمنتي

[عذاريـــــ]

مساء الخير
تعبت يابنات وودي افضفض لكم
تعبت من المتن تعبت من عمري الي يضيع مني وانا مو قادره اسوي اي شي
وزني وصل 114:eh_s(2):
اول مررره اوصل هالرقم المخيف
وعمري 23 سنه بس
تعبت من الريجيمات بمجرد ما اهدها ارجع كل الكيلوات الي قطيتها
صار جسمي عنده مناعه صار ينزل بصعوبه
دكاتره التغذيه معظمهم زرتهم
واخر واحد زفني وطردني:eh_s(4):
انا مليت من جسمي وكرهته اخر مره قبل اسبوعين في عرس اختي صرت طنازه لكل الناس وفصلت بدله سوداء وكلهم قاموا يضحكون علي ويقولوان جنج فيل ااااه بس
احب الشوكليت والحلو اتعبت نفسيا واتضايق اذا هديته ولو بديت دايت شوفوا الغلفه ومنفسه وحالتي حاله وودي اضعف احس مشواري طويل وانا لو بلشت دايت اسبوع ومابينت النتايج اهده
وارجع اكل اكثر من قبل
محتاره وش اسوي بعمري
ودي بتكميم او تحوير امي رافضه لي سنه احاول اقنعها كلش معنده وقلت لها بس باخذ موعد عند الدكتور وتيين وياي اصلا صكت النقاش في هالموضوع يارب
احس اني ضايعه مخربطه وكلامي كله مخربط مادري شلون ابلش
تعبت

 

[د.أحمدالكريباني]

السلام عليكم اختي الكريمه
ربما اللي عندج هي اعراض نفسيه لانج تاكلين الكاكاو وترتاحين ولما تسوين الدايت تتنرفزين وتتضايقين اسبوع وترديت للاكل
اختي في موضوع كتبته عن السمنه والرجيم الأمن طبقيه وشوفي النتائج بيعجبج لأن مافيه دايت
الموضوع اسمه الرجيم الصيني المنزلي
بتستفيدين من حيل وبتشوفين النتائج الموضيه بأذن الله
اتبعي الخطوات كامله وشوفي اسألة البنات وردودي حتي تثبت الطريقه
اتبعيها وكل ماداومتي كليها بتشوفين النزول استمري أسال الله ان تنالي بغيتك
وشكرا

 

[دلوعة الكويت90]

عادي اقنعيها حني عليها وبسألج انتي متزوجه ولا لا ؟ لان اذا مو متزوجه والله بس تضعفين بيهلون الخطاب .. انا زاد وزني مره 5 كيلو وطلعلتلي كرشه علاطول تلاحقت نفسي وصكيت حلجي قزرتها تفاح اخضر لبن شوره خيار والله نسيت الوجبات السريعه نهاااااااائيااا والبيبسي كرهته لان بس البس بدي ضيج واشوف نفسي بالمنضره استانس واقول ماتسوى اونس نفسي بالاكل .. واخر عرس رحته من الوناسه لبست ضييييييييييج لان كرشتي راحت والله ماقعدت من الوناسه بس ارقص اوري الناس جسمي .. وبقولج مثالين بالبيت عندنا .. خواتي الثنتين كانوا بطااااااااات حيل حيل وحده راحت حق هذا ولد العنزي سويت عمليه وصارت اضعف مني مقاسها الحين ميديم واقل وقبل كان اكساااااااااات لارج واختي الثانيه ماحبت العمليه راحت حق اخصائيه تغذيه وقطت 3 ارباعها قامت تلبس من ملابسي والله اختفت كل الشحوم وقاموا بالهبل يسألون عنها بالعروس ويخطبونها من بعد ماكان محد يوطوط خلي عندج اراده والله تتغير حياتج شنو يعني اكل !!!!! اهم شي الجسم الرشيق الانيق وحطي ميزان بغرفتج وقيسي كل يوم الصبح قبل الاكل وشدي حيلج وترى عادتا بالرجيم الوزن ماينزل الا بعد اسبوع علا مايستوعب الجسم انج قاعد تسوين رجيم خخخخخ بعد اسبوع تبدى النتايج

 

[الضوء الخافت]

حبيبتي لاتهتمين بحكي الناس لانه دايمن يضر ماينفع والله انا كل الي زدتهم كيلوين الناس قامو يقولو متنانة وعقدوني بس انت خلي عندك ارادة وبدي بلتخفيف وكل ما هميتي علاكل تذكري انك تبين تضعفين عشانك انت مو عشان احد ثاني واذا نفسيك بكاكاو كلي بس الكاكاو المر والله يوفقك

 

[q8rashaqa]

السلام عليكم أختي

ممكن اقدر اساعدك بس حابه اعرف الطول والعادات الغذائية اليومية وشكرا

 

[كويت الاناقه]

اب اب اب


ان شالله الكل مايقصر وياج

 

[متجر جنات عدن]

للررررررررررفع

 

[حلوة بس دبدوبة]

اولذخطوة لازم تسوينها ( لازم تحبين جسمج وتحافظين عليه ) حطي ببالج ان الرشاقةوالضعف راح تحققينها لرضا نفسج مو للناس
انتي اذا شفتي نفسج بالمرايه شتقولين ؟؟؟ عاجبج جسمج ؟؟؟
سوي دايت اللي ضعفوا مو احسن منج تقدرين تصيرين مثلهم واضعف بعدددد
واذا على الكاكاو عادي كلي كل يومين صبع كتكات حدده خفيف ومايخرب على النظام
وشوي شوي بتحسين نفسج بتكرهينه وتكرهين الشغلات اللي تخرب جسمج وتهدم صحتج


معليش ادري اني قاسية بس هذا الصج لاتزعلين حبوبة

 

[ḟẩἡṫảṤῩ ῶỗṝḽḑ]

انا شراتج ومن باجر ببدا أسوي نظام وبحط ع المنتدى

 

[رنيم الروح]

الله يعينك حبيبتي بس رجيم عشان يضبط معاك لازم رياضه اقل شي انه تمشين
وان شاءالله يفيدونك البنااات

 

[قطعة حلا2]

يارب تضعفين بصحه وعافيه قلبووو

 

[أمي قرة عيني]

ماعليج من الناس والا قلة ذوق خير مو من حق احد يقول عنج جذي لو شنو انتي !
وبعدين سجلي بقروبات هني أحسهم يحمسون والله عني مثلج وزني صار ينززل ببطيء من كثر الرجيمات لين ركبت بالون والحمد لله نحفت الله ينحفج من غير شر ويقر عينج بجسسسسمج يارب

 

[أمي قرة عيني]

والا = والله
من الحماس ضيعت