تعتقدون رايي احسسن !!

[{بسكوتهــ~}]

السلام كويتيات
طبعا انا متزوجه صارلي 5شهور
ومو حامل وانشالله احمل:yaaaaaarb:
لاتوقولون عندي فواز الي بتوقيعي هذا ولد اختي
المهم اليوم كنت اسولف مع ريلي وانا يبت سيرة الحماال واليهال وهاذا وكنت مفكره اني احمل
جان اقول حبيبي تعال الطبيب معاي خل اسوي تحاليل اشوف انا ليش ماحملت
جان يقول خلي سالفة الحمال بعد سنه خلنا نرتاح وبعدين احملي جان اقول لاا ابي احمل
صج انا احب اليهال ولو اييب 100 ياهل ماهمني :eh_s(16): وهو مو مأيدني
تعتقدون هالوقت زين اني احمل فيه

 

[تآعِبنْ قَلْبِيْ]

أنآ أقول استانسي احسن لاحقه على الشقى والتعب

 

[ســيـsimaـــما]

5 شهور بدري يمديك على الحمل والتعب انا اشوف كملي السنه استانسي وشوفي عمري يمديك على الشقى مو مثلي حملت من اول شهر:eh_s(11):
والله يرزقك بالذريه الصالحه

 

[ناتشوو]

كلام زوجج صح
عيشي حياتج طبيعية لي كملتي سنة بدون حمال ابدي تحاليل
الله يرزقج الذرية الصالحة عاجلا غير اجل

 

[ام فواازي]

انا اول سنه ماحملت وصج وناسه سافرنا وخذينا راحتنا تالي حملت بولدي اذا الله كاتبلج العيال بيجون بعدين توج مألج الا خمش شهور نطري سنه واذا ماحملتي ذيج الساع راجعي

 

[pusy cat]

نصيحتي اهتمي بغذائج قبل لا تفكرين بالحمل

سوي تحليل دم وشوفي شنو العناصر اللي ناقصتج وعوضيها بالمكملات الغذائيه

لان اذا حملتي راح ينهد حيلج والبيبي راح يسحب كل شي من جسمج

اقولج هالكلام لاني حامل ومافيني صحه و حالتي حاله

وهم خلي وقت الحمال بفترة عطله خصوصا بالاشهر الثلاث الاولى لان خطر تمشين وتتحركين بأول الحمل

 

[بتبوتااا]

حياتي صبري شوي يمكن ريلج ماخذ احتياطه اليوم ولا باجر اذا الله اراد ان شاء الله بتحملين استانسي ياقلبي :> ..

 

[ترجمة احساس]

الله يرزقكم بالذرية الصالحه المعافى
وجميع المسلمين والمسلمات عاجلا غير آجلا يارب

 

[Tom ♥ Jerry]

.


خلاص ريلج يبيج تستانسين وياه !ّ
و اصلا انا بنت خالتي نفس حآلتج رآحت الطبيب من خآمس شهور زوآج
قالتله انا ليش مآ آحمل ؟ قالها جم صارلج متزوجه ؟
قالتله : خمس شهور ؟ قالها روحي و تعالي لمآ يصيرلج سنه زوآج
احنآ مآ نسوي فحص الا عقب سنه !
يعني مآ له دآعي تروحين الطبيب و تكشفين على نفسج
لانه طبيعي المره تقعد على الاقل سنه بدون حمل
بس اذا صار آكثر من سنه يمكن يكون هنآك مشكله أو خلل مآ > شفيها الدكتورة

و انتي دآم مآ تآكلين حبوب و لا شي .، يعني مخليتهآ على الله
خلاص قعدي مع ريلج و استانسي و آرتاحي و لأحقه على اليهال ..
و عندج ولد آختج " فوآز " حطي حيلج فيه بوقيه منهآ


موفقه حياتي و الله يرزقج الذريه الصالحه

 

[انا لحبيبي .]

البنات ماقصرو

الله يرزقك الذريه الصالحه بالوقت المناسب يارب

 

[zaina alotibi]

انصحج تنطرين لي سنة خصوصًا انه رغبة ريلج وموفقة خير حبيبتي

 

[أنفاسي دخون]

لاحقه على الويق والواق واللجه خخخخخخخخخ

استانسي مع زوجش هذي احلى ايامكم عسى الله يسعدكم ويهنيكم ويررزقش الذرية الصالحة يا رب

 

[كتكات احمر]

لاحقة على الشقاا استانسي مع زوجج مو سنة الا سنتين وثلاث لقيتي عاد الي تحب اليهال خخخخخخخخ

 

[ام كوشه منكووشه]

حبيبتي بالعكس عيشي حياتج واستانسي مع ريلج توكم معاريس روحوا سافروا طلعوا سهروا والله باجر بيي البيبي وبيقيدكم وبتقوالين ياليت وياليت ..

الله يوفقج ويرزقج وكل من تتمنى بالذريه الصالحه ياارب

 

[*peace*]

انا صراحه انصحج وبشددددددده صبري لاتستعجلين

استانسوا وسافروا وعيشوا الرومانسيه لول والله صج

وباذن الله لاحقين عالعيال ان شاء الله

 

[قــل مـا تـشـاء]

سوي الفحوصات بعد السنه ,,
انا الفحوصات سويتها بعد السنه تقريبا خذيت سنه وشهرين وتالي سويت الفحوصات
الله يرزقج ويرزقني الذرية الصالحة

 

[كليـ دلعـ]

ههههههههههههه
ذكرتني باللي كاتبه قصتها قبل جم يوم اللي تقول انا عروس صارلي 3اسابيع وماااااحملت!
لحقوووني ابحمل!!!!!!!!!!!!1
هههههههههههههههههههههه

 

[مولاي الفرج]

شوفي اللي اعرفه الفحص عقب سنتين تعتبرين متأخرة عالحمال وتروحون تجيكون

بس انتي توج 5 شهوور

لاتستعيلين بس ادعي الله يرزقج ان شاءالله

 

[حظ من عنده انا]

استانسي مع زوجج هالسنه بدون مسؤوليه

وبعد السنه يرزقكم الله من خيره

 

[*ريما*]

استانسي بعد سنة جيبي
والله يرزقك يارب