تعرفون أحد تشافى من الكولسترول

[هاديهـ&مطيعهـ]

السلام عليكم ورحمة الله وبركاته


بنات تعرفون أحد كان عنده الكولسترول مرتفع وتشافى منه آنا سويت تحاليل أمس وطلع عندي الكولسترول الكلي : 5.46 ويعتبر مرتفع والكولسترول الضار اللي يترسب على القلب بعد مرتفع بنسبة 0.8 والطبيعي لازم يكون 0.4 المشكلة ألحين وايد أختنق وقلبي يدق بسرعه وساعات ما أقدر أتحمل الستيان يخنقني آنا وزني زايد عن المثالي 10 كيلوات تهقون اذا نزلتهم راح يروح بروحه مابي آخذ أدوية طول عمري اليوم بروح أشترك بنادي وبغير عاداتي بالأكل بس طمنوني في أمل انه يروح

 

[مغيب الشمس]

ما تشوفين شر حبيبتي حاولي تخففين من الاكل الدسم راح ترتاحين انا كنت نفسج وخففت واكلت حبوب اوميغا3 والدكتور عبدالله المطوع يقول انه ينخر الكولسترول نخر عندج فوق مثبت الموضوع اقري والحمد لله ارتحت ما عدت احس بالدوخة والالم اللي بالقلب وضيق التنفس

 

[هاديهـ&مطيعهـ]

ما تشوفين شر حبيبتي حاولي تخففين من الاكل الدسم راح ترتاحين انا كنت نفسج وخففت واكلت حبوب اوميغا3 والدكتور عبدالله المطوع يقول انه ينخر الكولسترول نخر عندج فوق مثبت الموضوع اقري والحمد لله ارتحت ما عدت احس بالدوخة والالم اللي بالقلب وضيق التنفس

مشكوووووووووووره حبيبتي الله يريحج دنيا وآخره فكرت آخذ حبوب أوميغا 3 بس سمعت انها تمتن وتفتح الشهيه صج

 

[fato_kw]

حبيبتي لا تخافين ولا تحاتين ولا اي شي

وان شاءالله بتتشافين منه من غير اي دوااا

انا امي قبل سنه كان عندها كلسترول وكان وايد قوي وكان سكري عندها بعد بس ماخذت دوا ولا شي راجعت التغذيه وعطوها نظام وظلت تتابعهم ولي الحين كل اسبوعين تروح التغذيه والحمدلله باقل من 3 شهور راح منها السكر والكلسترول

مع العلم انها مو متينه بس انزلت 10 كيلو وبسنه كامله بعد نزلتهم يعني الحركه كلها لعب بالاكل بنوعيه الدهون والكلري الموجود بالاكل وان يكون خالي دسم

امي بدلت نظام بيتنا كلنا بدال التوست الابيض والخبز الابيض حولي على الاسمر او المخلوط
اللبنه والاجبان والحليب كل هالسوالف خالي دسم

حاولي تمشين لو نص ساعه باليوم ان شاءالله بالغرفه تحوسين وان شاءالله خير

نصيحتي روحي التغذيه راجعيهم
امي خذت حبوب قلوكوفاج هذي حبوب تعادل السكر بالدم مو حق سكر ولا حق ضغط ولا شي بس تنظم السكر بالدم وهالشي ريحها بعد لان يقلل الكلسترول بالدم


وطمنينا عنج

 

[Q 8 Y A t]

سلاااااااااااااااامتج

يا حياتي اسئلي عن التلبية النبوية

موجودة بالجمعيات


يقولون زينة


بس عن نفسي ما جربتها

وخاطري اجربها بس ماعندي وقت اروح اشتري

 

[هاديهـ&مطيعهـ]

حبيبتي لا تخافين ولا تحاتين ولا اي شي

وان شاءالله بتتشافين منه من غير اي دوااا

انا امي قبل سنه كان عندها كلسترول وكان وايد قوي وكان سكري عندها بعد بس ماخذت دوا ولا شي راجعت التغذيه وعطوها نظام وظلت تتابعهم ولي الحين كل اسبوعين تروح التغذيه والحمدلله باقل من 3 شهور راح منها السكر والكلسترول

مع العلم انها مو متينه بس انزلت 10 كيلو وبسنه كامله بعد نزلتهم يعني الحركه كلها لعب بالاكل بنوعيه الدهون والكلري الموجود بالاكل وان يكون خالي دسم

امي بدلت نظام بيتنا كلنا بدال التوست الابيض والخبز الابيض حولي على الاسمر او المخلوط
اللبنه والاجبان والحليب كل هالسوالف خالي دسم

حاولي تمشين لو نص ساعه باليوم ان شاءالله بالغرفه تحوسين وان شاءالله خير

نصيحتي روحي التغذيه راجعيهم
امي خذت حبوب قلوكوفاج هذي حبوب تعادل السكر بالدم مو حق سكر ولا حق ضغط ولا شي بس تنظم السكر بالدم وهالشي ريحها بعد لان يقلل الكلسترول بالدم


وطمنينا عنج

يابعد قلبي مشكووووووووووووورة ما قصرتي الله يطمن قلبج

 

[هاديهـ&مطيعهـ]

سلاااااااااااااااامتج

يا حياتي اسئلي عن التلبية النبوية

موجودة بالجمعيات


يقولون زينة


بس عن نفسي ما جربتها

وخاطري اجربها بس ماعندي وقت اروح اشتري

التلبيه النبوية أول مره أسمع عنها بسألأ فيها مشكورة بعد عمري

 

[المهفة]

اختى اخذى حبوب ليبيتور تلقينها بالصيدليات متوفرة كل يوم حبة لمدة اسبوعين وعقب روحى سوى تحليل دم 0لاتحاتين ولاتخافين وعرضيها على الدكتور حتى تتطمنين ترى هالحبوب سحرية واعرف ناس وايد جربوها0وماتشوفين شر طمنينى عنج

 

[Tkanh]

حبيبتي اكلي بذرة الكتان وايد حلوه طحنيها واكليها ومنها يضعف ويوخر الكلسترول


وسلامات حياتي

 

[Tkanh]

حبيبتي اكلي بذرة الكتان وايد حلوه طحنيها واكليها ومنها يضعف ويوخر الكلسترول


وسلامات حياتي

 

[ريانية قطر]

الله يشفيج يا

 

[قاهره عذالي]

رد : تعرفون أحد تشافى من الكولسترول

اهم شي تبعدين عن المقليات والزبده والسمن وعليج فقط بزيت الزيتون

 

[om faisal]

أنا. بعد مثلج. وقالت لي الدكتوره الاوميغا ٣ زين. ووصفت لي الاوميغا ٣ن٦و٩ على ما اعتقد

 

[Lazord -q8]

لا ما انصحج بالليبيتور ابدي بالاشيا الطبيعيه احسن لانه فيه اعراض جانبيه ...

 

[هاديهـ&مطيعهـ]

مشورين حبايبي ما قصرتوا آنا صارلي تقريبا 4 أيام استخدم الأميغا3 وحيل ارتحت لهم جزاكم الله خير ما قصرتوا جميعا

 

[هدوووووء الصمت]

رد : تعرفون أحد تشافى من الكولسترول

ماتشووووفين شــــــــــــر

 

[غدووور الكويت]

ما تشوفين شر حبوبه
انا قبل سنتين ارتفع الكوليسترول وااايد قمت سويت ريجيم د دشتي لمدة شهر ما كليت خبز ولا عيش ولا المعكرونيه وكل شي اكله قليل أو خالي الدسم وكل يوم نص ساعه مشي و الحمد لله نزل وصار طبيعي والحين آخذ اوميغا 3 ومستمره على المشي بس مو كل يوم وجربي نظام دشتي بس شهر لأنه متعب وبس ينزل الكولسترول أكلي اللي تبينه بس بكميات قليله وركزي على المشي