تعرفون اني مو متزوجة

[وردة الدوحه]

انا متزوجه وما حب البس هالاشياء حتى زوجي ما يحبهم

يحب البجامات القطنيه والخفيفه !!

اريح للنفسيه

 

[لمى الهاجري]

لمى حبيبتي ماعليج منهم يتفلسفون

هالمتزوجات اللي ردوا عليج استذبحوا علشان يتزوجون ماظلت قيام ليل ولا ظل شيخ ماراحوله علشان يتزوجون وعقب ما تزوجوا قالوا وييييي ليش تتزوجون هم وغم الزواج

والله لو هم جان تطلقتي اشحقه قاعده مو تبين حياة العزوبيه !!!!!يعني وانتوا بنات شنو تفكيركم عن الزواج بالله!!!!!!

خلوا البنت تتحجى واطلع اللي في قلبها ليش تطنزون عليها

حبيبتي الله يرزقج اللي تلبسين له ويستاهلج

جزاج الله خير بس ما الوهم يبون مصلحتي انا حاليا تقريبا راحت من بالي فكرة الزواج بس في اشياء بخاطري مثل كل بنت

 

[لمى الهاجري]

انا متزوجه وما حب البس هالاشياء حتى زوجي ما يحبهم

يحب البجامات القطنيه والخفيفه !!

اريح للنفسيه

كل رجال يختلف عن الثاني وبصراحة اريح البجايم لووول

 

[aleen2012]

الله يززقك بالزوج الصالح امين

 

[ياسمينة الحلوين]

الله يرزقج كل خير وكل شيء تتمنين ان شاء الله يا الغالية

 

[granted]

لا يابنات لا تتهمونها انها صبي
لمى بنية مبين نعرفها ويانا من وقت واهي معترفة بيوزراتها ماانكرت يعني جم وحده فيكم كان عندها يوزر وتوقف شي طبيعي بتسجل بيوزر يديد
الدور والباجي على الي كل شوية يوزر وتفلم عبالها مو جاكينها loool


لمى فديتج مايصير تلبسين هالسوالف وانتي بنية الله يفرحج ويرزقج بالزوج الصالح

 

[BaiTotia]

يحليلج بدعتي الله يرزقج يارب

 

[فطوم 84]

حبيبتي لمي نصيحه
بطلي تتكلمين عن الزواج

والله العظيم انا مو متزوجه بس جد عيب كلامج شنو قمصان ومدري شنو

كا. انا بنت والبس بغرفتي بجايم وشورتات عادي البس اللي يعجبني وبجايم قطن وخفيفه واكشخ. مو شرط اتزوج علشان اسوي اللي بخاطري

كل مواضيعج ابي اتزوج حسستينا جنه مافي شي بالدنيا غير الزواج


ترا في. وظيفه دراسه بر والدين طلعات صديقات. زورات. عباده. صلوات. والله نصيحه. لا تخلين مواضيعج. كلها عن الزواج



والله يوفقج ويستر عليج

 

[لمى الهاجري]

انا بس حبيت اقولكم بالخاطري والزواج هالفترة ناسيته

 

[dalo0oa121]

انا بعد مثلج ابي اتزوج واكشخ لكن اخاف من الزواج واحس انه زواجي راح يتاخر

 

[فوق النخل]

الله يعينج على نفسج بسج تولولين على هالسالفه بكل موضوع ينفتح، وهذيك المره تقولين حق بنت تنصحينها تسوي اي شي يونسها واطنش باهلها شي بهالمعنى ،، صج صج حالتج صعبه مااقول هالشي شماته لا لأن كل البنات يتمنون الستر بس انتي عايشه حياتج وتفكيرج وعمرج كله حت اهلج 24 ساعه تتحلطمين عليهم عشان بس هالموضوع

 

[انا لها شمس]

وان شالله ماتتزوجين
لانج ملقووووووفه وراح تموتين ع الزواج ورازه روحج مع المتزوجات رزززز
والله يستر منج

 

[الجنه ي يمه]

ذكرتيني في نفسي قبل الزواج كان غرامي هالسوالف وكنت اصرف عليها وماخلي شي بخاطري ،عاد انتي لبسي حزه النومه وانتي بدارج ولا تخلين شي بخاطرج

 

[عسل سل]

اقووول بناات الي ردوووو مو عاجبكم الموضووع ليش تدشووون !!
بصراحه انا بعد مو متزوجه واشووف ان لبس المتزوجااات حلو كشكل وهذا هي الي تقصده وانتوووو تفكييركم ضاااارب استغفر الله هي قصدها ودها تلبسه بس عاجبها شكله عاادي

 

[عويتقة]

الله يستر على الجميع

 

[فطوم 84]

انا. لها. شمس. حرام عليج. انج تدعين عليها

الله يرزق كل بنت بالستر. الستر. شي الوحده تتمناه لغيرها لانه يحصن البنت عن المعاصي

كلامج. احسه قوي وجارح. مهما يكون. ردودنا محاسبين فيها امام الله

انتبهوا خواتي لايصير عليج ذنووب. ذنب كلام جارح وذنب اللي تقراه تاخذين. هم ذنب. لانج غلطتي ودعيتي عليها. والله حبا وخوفا عليج قلت هالكلام




وانا هم نصحت لمي لاتتطرقين لمواضيع الزواج. كافي لانه. اغلب البنات هني مو متزوجات وانا وحده منهم. ومتوظفات ونطلع ونستانس وبارين باهلنا. الحياه مو كلها زواج وتفكير بالزواج


لا لا غلطانه. عيشي حياتج والله كاتب. لج يوم بتزوجين فيه


الله يستر عليج

 

[ليتني مـآ كبرت]

ياقلبي ألبسي اللي يريحج لاتخلين شي بخاطرج

انا احيانا ألبس واتكشخ واتعطر واتبخر
واشب شموع واحط راسي وأنام !


اللبس والترتيب مو حكر على المتزوجة !!!


مع العلم اني مو متزوجة بس بداري ألبس اللي يريحني لا هو عيب ولاحرام
وإذا طلعت برا البيت الحمدلله كلي أسود باسود ماتشوفين ألا عيوني



حتى الملابس الداخلية ما ألبس الا متناسق وذرب


تعودي تدلعين نفسج وتلبسين لنفسج


لاتنطرين زوج يمكن مايجي عشان تلبسيله



وبالتوفيق أختي

 

[ليتني مـآ كبرت]

الاخت انا لها شمس :





أححححححّ ليش جذي اسلوبج دفش !

حرام ليش تدعين عليها

لا أن شاءاللَّه راح تتزوج وتنستر وتستانس بحياتها


يمكن أنتي اللي راح تنقلب حياتج عقب هالرد القاسي اللي كتبتيه

شوفي ألحين جم وحدة دشت الموضوع وقرت ردج ودعت عليج


ماتسوى وَاللّـهْ ! وألحين احنا بوقت استجابة



بعدين شفيها الوحدة إذا تمنت الزواج

لاهو شي حرام ولا كارثة

اصلا هالشي بالفطرة البشرية حتى الحيوانات عزكم الله تتزاوج

بس انتوا المتزوجات اغلبكم رافعين خشومكم مادري على شنو
الحمدلله والشكر ..



لاتتعبين اناملج الذهبية وتردين علي لأني مادش مواضيع رديت عليها

 

[لمى الهاجري]

مشكورين حبايبي

 

[el.mlkaa]

وان شالله ماتتزوجين
لانج ملقووووووفه وراح تموتين ع الزواج ورازه روحج مع المتزوجات رزززز
والله يستر منج

ششدعووووووه عليييج ؟؟؟ أخاف سآبتججججج ؟

وبعديييين ليش ليش الله يستر منها ماقالت بروح اتفصخ جدام واحد ؟؟؟؟؟ قالت ودي البسس كيفها ختلبسس لمى لبسسي الي تلبسسينه محد يدخللللللللل فييييج والله حاله !!!!! :eh_s(4):