تعرفين بسوالف ادوية النفاس؟؟ حياج موضوعي

[ScarletteO'Hara]

السلام عليكم
بنات انا باقيلي 8 ايام على ما اخلص شهري
و حدي غشيمة بسوالف النفاس و امي بعد كلش ما عندها خبرة بهالسوالف
عموما انا من نفسي رحت المطحنة و اشتريت:
-حسو
-لهوم
-حلبة
-فلفل ابيض
-دارسين
-مرة
-ينسون
و ناوية ان شاء الله بعد اشتري قشر القهوة
فسوؤالي اهو شلون اقدر استخدم هالادوية؟
مريت على خوش مواضيع بخصوص اكل النفاس
بس كلهم تفاصيل وايد و وايد ادوية و انا ناوية اركز على الي معاي بس ما ابي اكثر
و بودي اتنفس عدل عدل
فالي تعرف تقول لي شنو استخدام هالبهارات و راح اكون لها شاكرة
ما تقصرون مقدما
:eh_s(7):

 

[زينانه]

مرحبا
هذا رقم ام محمد 99356322
تبيع ادوية نفاس ممتازه ورخيصه ... وتعالج الحريم للحمل شاطره مشالله
تبيع لج مردود ودوا للتمره وشاي اعشاب وبخور للهوا

وفي بالنت خلظة الخمس فناجيل ... انا بحثت عنها وسويتها بنفسي وتلهمين منها ملعقه عالريج من اليوم ال 20 من النفاس
وبايام الدوره تلعمين منها من اليوم الثالث ....وهي عباره عن:
فنجان رشاد حب
فنجان كمون مطحون
فنجان محلب مطحون
فنجان مسمار مطحون
فنجان حبه سوده
وممكن تضيفين نص فنجان فلفل اسود وانا ضفته

طبعا لازم تشترين من العطار خواجوا وتسوينها بالبيت وتخلينها بعلبه
وتحطين منها عالخياط.. وطريقتها جدا سهله
اذا تبين قوليلي .

 

[زينانه]

اهم شي اكلج دافي مو بارد
يعني ابتعدي عن الماي البارد وشربي ماي وسط
وابتعدي عن المشروبات الغازيه والايسكريم
ابتعدي عن الكوسا والبطيخ والباميا والملوخيه
لان هالاكل يحتوي على ماي او لزج


شربي الصبح حليب بزنجبيل. او بحلبه
بس اخر 20 يوم وقفي الحلبه


عجني لج تمره برشاد حب مومطحون مع شوي سمن
واكلي منها مع قهوه مره بمسمار زايد

 

[مزاا_جية]

جربت اعشاب ام خالد الهاجري ماشالله نظيفة ومعاها التعليمات واكثر شي حبيته خلطة القهوة

 

[ScarletteO'Hara]

مشكورة زينانه حبيبتي ان شاء الله بطبق كلامج بخصوص طريقة الاكل
بس شكلكم ما فهمتوا موضوعي
انا ابي استخدام الادوية الي عندي مو محتاجة ادوية زيادة الحمدلله حصلتهم و شغلهم نظيف
انا مشكلتي ما اعرف استخدام اي شي من الي انا شاريتهم
و انا خلاص ما بقى على موعدي الا اسبوع خوفكم اولد و ما انفس روحي عدل

 

[ملوكـه]

الفلفل الابيض ويا الحليب رهييييييب

المره حطيها بكوب وحطي ماي حار عليها بعد الغدا شربيه

الدارسين مع اليانسون اطبخيه واذا شريتي قشر قهوه حطيه وحليه بسكر نبات واذا ماعندج السكر العادي

بس هذا اللي اعرفه
وان شاء الله كل شيء سهالات

 

[ScarletteO'Hara]

مشكورة ملوكة حبيبتي ما تقصرين على المساعدة

 

[ScarletteO'Hara]

فووووووووووووووووق

 

[iTaLiyA]

أنا معاها لأني بتنفس من نفس بهاراتها
أب

 

[Hello_kitty]

حبيبتي الله يسهل عليج وتقومين بالسلامه مع البيبي

بس كنت بنبهج لا تشربين المره تخلي طعم حليبج مر وما يستسيغه الياهل وتقدرين تتاكدين من

هالمعلومه بالنت ومن اي وحده تعرف بالنفاس

 

[iTaLiyA]

يلا يالخبيرات اين انتم؟؟