تعرفيين سداده المخاط اللي تنزل قبل الولاده ؟؟ دشي

[غير كل الملآ]

السلااام عليكم ورحمه الله وبركاته
















بنات اكيد اذا والدات تعرفون سداده المخاط اللي تنزل قبل الولاده بيوم او يومين ...

انا نزل علي مثلها قبل ثلاث ايام واليوم هم بعد نزل بس بدون دم .. مادري هل الشي هذا عادي ولا خطر ولا شنو بضبط هل احد صارلها نفسي انا موعدي بعد 11 يوم عند دكتورتي هل انطر الموعد ولا اروح الطوارئ اشوف شفيني تكفون اللي صار لها مثلي تقول وعلى فكره يجيني عوار خفيف برحمي وبظهري يجي ويروح بس خفيف نسيت اقولكم اني بشهر الرابع

 

[كويتيه ومن قدي]

احتياط روحي الطواري بس لاتستعجلين عالدخول اذا الرحم مسكر

 

[أم متعب]

ديري بالج لا يفحصونج

وبعدين يمكن مو سدادة المخاط هاذي

يمكن التهاب او من الزوج وانتي فاهمه


الله يقومج بالسلامه

 

[غير كل الملآ]

اي فاهمتج بس انا اعرف سداده المخاط نزلت على بولادتي بس معاها دم وهذي بدون دم واول مره تجيني

 

[دلع حياتي]

نصيحه راجعي دكتورتك وتطمني على نفسك والله يثبت حملك وتفرحين بشوفتا

 

[اللهم الجنة]

يعنى شنو سدادة المخاط

 

[~ الــــزيــــن ~]

بنات شنو سدادة المخاط شلون صايره ؟

 

[ديمـة]

أتوقع إلتهاب فيروسي .. مو أكثر ..

وللتأكيد روحي للمستشفى وتطمني وإن شاء الله خير

 

[جـــواهر]

انا نزلت علي ف بجري ماده لونه اخضر وواااااجد رحت الدكتوره قالت هذي سدادة الرحم
واكيد ان الرحم انفتح سانتي لمن فحصتني ولا مفتوح 2 سانتي

 

[آهات الليل]

نطري ليما ايلج الطلق احسن لاتروحين الحين لان يمكن مفتوح بس سانتي او2
لما ايلج الطلق روحي

 

[coco honey]

نطري احسن
اناقبل ولادتي باسبوع كانت تنزل من غير دم 3 مرات
بس الرابعه نزلت وكلها دم بعدها ياني الطلق ونزل الماي رحت المستشفى كنت 1سم بس سوولي دخول لان الماي نازل

 

[روان_الكويت]

حبيبتي انتي بالشهر الرابع مو اشلون هاذي تجي بالتاسع اذا بتولدين مو اول الاشهر
روحي تطمني علا نفسج بسرعه لا تنطرين انتي توج

انا والده 3 مرات ولا مره شفتها مع اني اروح مفتوح 3 سانتي هم ما شفتها

 

[كات 511]

الله العالم التهابات وهذا شي طبيعي مع الحامل انا بصراحه اول مره اسمع بسدادة المخاط بس روحي الدكتور لانه بكل حال لازم يشوفج لان الالتهابات موزين تسكتين عنها مو زين للجنين ممكن تنتقل له
ماتشوفين شر طمنينا عليج

 

[غنوة ستايل]

يمكن التهاب انتي باي شهر ؟

 

[ام ساري الحلوة]

رد : تعرفيين سداده المخاط اللي تنزل قبل الولاده ؟؟ دشي

اتوقع التهاب

انصحج تروحين لدكتوره

ان شاء الله خير

 

[H_R_S]

سدادة المخاط إذا نزلت تكون دم مو إفرازات عاديه أتوقع اللي فيج التهاب لأن السداده إذا نزلت ما تقدرين تنطرين معناتها ولاده وانتي تو الناس عليج

 

[امواج الكويت]

حياتي انصحج راجعي الطبيب الله لا يقوله واسمله عليج انا نزلت علي وبعدها بيوم نزل الجاهل بالشهر الخامس فانصحج راجعي

 

[غير كل الملآ]

حياتي انصحج راجعي الطبيب الله لا يقوله واسمله عليج انا نزلت علي وبعدها بيوم نزل الجاهل بالشهر الخامس فانصحج راجعي

انتي نزلت عليج مع دم ولا بدون دم بس سداده مخاطيه ؟؟

 

[غير كل الملآ]

ياااا بنات انا برابع وبدش الخامس ... وهذي السداده تكون مثل الجلي تنزل قبل موعد الولاده تكون ساده عنق الرحم اذا نزلت ولاده او بوادر ولاده بس انا خايفه لن تو الناس علي ؟؟