- إنضم
- 28 سبتمبر 2011
- المشاركات
- 23
- مستوى التفاعل
- 0
- النقاط
- 0
السلام عليكم بنات
ما أعرف اذا هنا المكان المناسب لموضوعي أو لا ،،
من نكي طبعاً واضح إني من سلطنة عمان وأول مرة اكتب موضوع بالمنتدى عندكم
أنا عمري 25 وطبعا للحين ما تزوجت ،، كل ما تقدملي شخص تطلع مشكلة تافهة في النص وتخرب كل شي ،، مثلا في شخص قال ما أقدر لأنه أبوك يدخن وأبوي كان يدخن بذيك الفترة أما الحين قطع وقلنا ما عليه هذا مش جاد، والثاني كان يداوم معي نفس المكان وصارحني إنه يريد يتقدم وأنا كنت معجبة بأخلاقه صراحة وكنت أتمناه زوج وسبحان الله طلع إنه كان معجب فيني بس كان مستحي يصارحني، المهم قال إنه راح يكلم أهله وخبر أبوه وأهله بس رفضو كلهم لأنه قبيلتنا ما تناسب قبيلتهم ورضينا وقلنا يلا كله نصيب مع اني قلت خلاص هو هالشخص اللي راح أعيش معه باقي عمري لأنه فعلاً كان الرجل المثالي من أخلاق وأدب وغيره،، المهم جا الثالث وشافني وشفته واقتنعت فيه وقالو انه وافق بس ييجهز نفسه وأنا طبعاً فرحت بس ردو علينا بعد أسبوع انه استخار بس ما حس ولا شاف شي، استغربت كيف الشخص يستخير على حاجة ما يعرف عنها شي؟؟ أنا هالشخص لا أعرفه ولا يعرفني والمفروض انه يجي يتقدم واذا صار تيسير كملنا وإذا شي تعسر كل واحد يشوف طريقه بس هذا قال استخرت وما شفت شي ويعني خلاص ما أريد ،، بكيت بصراحة وانقهرت مع اني ما ناقصني شي ولله الحمد بس قدر الله وما شاء فعل. وأنا كنت قبل كذا رحت عند كم شيخ وخبروني انه عندي حسد وربط جان وعطوني ماي مقري عليه وعسل وزيت وغيره، الحين بعد هالمقدمة الطويلة بتسألوني طيب ايش المشكلة؟؟
مشكلتي إني عارفة انه عندي مشكلة وعارفة اني محسودة وعارفة انه نصيبي مربوط أو متوقف بس ما أسوي شي عشان أعالج نفسي ،، أبدى في العلاج اسبوع وبعدين خلاص أتعب وأمل على طول وأبدأ أقرأ سورة البقرة وأحط في بالي أقرأها 40 يوم بس بعد أمل وأتعب على طول، وأنا عارفة انه هذا من فعل الشيطان ما يريدني أستمر ،، وخبروني بعد انه عندي جني عاشق وانه هو رابطني ويصد عني الشباب :eh_s(11): ،، أنا تعبت ونفسي اتزوج وأشوف أولادي وأربيهم ويكون عندي بيت وأسرة ،، كبرنا والعمر يمضي ،، بس أريد حد يشجعني حد يقولي لا قومي سوي تراك ما صغيرة،، تعبت أشوف بنات أصغر مني يملكو ويتزوجو قهر صراحة.
مشكلتي الثانية إني اتكاسل عن الصلاة كثييير ،، وطبعا أمور الانسان وتصلح وتتعدل إذ صلحت صلاته، وأحياناً أصلي بس في حاجة تخبرني إنه في شي خطأ بصلاتي وانها مش مقبولة عند ربنا، أوقات تشوفوني أصلي كل صلاة بوقتها وأوقات الشيطان يلعب براسي ويقول ما عليه صلي بكرة والله أندم وأتعب نفسياً،، نفسي ألتزم بصلاتي وأواظب عليها واستغفر ربي بس ما أعرف ايش يصير فيني
بنات بليز أريد تشجيعكم ،، أريد حد يوقف جنبي وياخذ بيدي وينصحني
شكرا :eh_s(7):
ما أعرف اذا هنا المكان المناسب لموضوعي أو لا ،،
من نكي طبعاً واضح إني من سلطنة عمان وأول مرة اكتب موضوع بالمنتدى عندكم
أنا عمري 25 وطبعا للحين ما تزوجت ،، كل ما تقدملي شخص تطلع مشكلة تافهة في النص وتخرب كل شي ،، مثلا في شخص قال ما أقدر لأنه أبوك يدخن وأبوي كان يدخن بذيك الفترة أما الحين قطع وقلنا ما عليه هذا مش جاد، والثاني كان يداوم معي نفس المكان وصارحني إنه يريد يتقدم وأنا كنت معجبة بأخلاقه صراحة وكنت أتمناه زوج وسبحان الله طلع إنه كان معجب فيني بس كان مستحي يصارحني، المهم قال إنه راح يكلم أهله وخبر أبوه وأهله بس رفضو كلهم لأنه قبيلتنا ما تناسب قبيلتهم ورضينا وقلنا يلا كله نصيب مع اني قلت خلاص هو هالشخص اللي راح أعيش معه باقي عمري لأنه فعلاً كان الرجل المثالي من أخلاق وأدب وغيره،، المهم جا الثالث وشافني وشفته واقتنعت فيه وقالو انه وافق بس ييجهز نفسه وأنا طبعاً فرحت بس ردو علينا بعد أسبوع انه استخار بس ما حس ولا شاف شي، استغربت كيف الشخص يستخير على حاجة ما يعرف عنها شي؟؟ أنا هالشخص لا أعرفه ولا يعرفني والمفروض انه يجي يتقدم واذا صار تيسير كملنا وإذا شي تعسر كل واحد يشوف طريقه بس هذا قال استخرت وما شفت شي ويعني خلاص ما أريد ،، بكيت بصراحة وانقهرت مع اني ما ناقصني شي ولله الحمد بس قدر الله وما شاء فعل. وأنا كنت قبل كذا رحت عند كم شيخ وخبروني انه عندي حسد وربط جان وعطوني ماي مقري عليه وعسل وزيت وغيره، الحين بعد هالمقدمة الطويلة بتسألوني طيب ايش المشكلة؟؟
مشكلتي إني عارفة انه عندي مشكلة وعارفة اني محسودة وعارفة انه نصيبي مربوط أو متوقف بس ما أسوي شي عشان أعالج نفسي ،، أبدى في العلاج اسبوع وبعدين خلاص أتعب وأمل على طول وأبدأ أقرأ سورة البقرة وأحط في بالي أقرأها 40 يوم بس بعد أمل وأتعب على طول، وأنا عارفة انه هذا من فعل الشيطان ما يريدني أستمر ،، وخبروني بعد انه عندي جني عاشق وانه هو رابطني ويصد عني الشباب :eh_s(11): ،، أنا تعبت ونفسي اتزوج وأشوف أولادي وأربيهم ويكون عندي بيت وأسرة ،، كبرنا والعمر يمضي ،، بس أريد حد يشجعني حد يقولي لا قومي سوي تراك ما صغيرة،، تعبت أشوف بنات أصغر مني يملكو ويتزوجو قهر صراحة.
مشكلتي الثانية إني اتكاسل عن الصلاة كثييير ،، وطبعا أمور الانسان وتصلح وتتعدل إذ صلحت صلاته، وأحياناً أصلي بس في حاجة تخبرني إنه في شي خطأ بصلاتي وانها مش مقبولة عند ربنا، أوقات تشوفوني أصلي كل صلاة بوقتها وأوقات الشيطان يلعب براسي ويقول ما عليه صلي بكرة والله أندم وأتعب نفسياً،، نفسي ألتزم بصلاتي وأواظب عليها واستغفر ربي بس ما أعرف ايش يصير فيني
بنات بليز أريد تشجيعكم ،، أريد حد يوقف جنبي وياخذ بيدي وينصحني
شكرا :eh_s(7):
