تعلمت من امي ؟ وانتي امك شنو علمتك ؟

[.،:"$الـعـوبــــة$":،.]

كل عام وانتوا بخير ومبارك عليكم الشهر مقدما ،،




حبيت افتح هالتجمع وهي النصايح اللي علمونا اياها امهاتنا،



طبعا النصايح هي لطريقة تربية عيالنا وشفناهم يطبقونها باخوانا وخواتنا ،،و الشغلات اللي صادفتك بتربيه عيالك وعرفتي اتصرفين فيها من خلال الخبره واتمنى تفاعل الكل ،،

دام اقل شي باليوم نكون قاعدين عالنت من ساعتين لثلاث ،،

حلو لو كل مرة نتعلم شغله جديده نستفيد منها ،،:wqedqw:

انا عن نفسي ترا اكره الادويه ، وعودت نفسي وعيالي ان مانروح طبيب الا للشديد القوي ،

احب الشغلات الشعبيه حيييييييل واعتمد عليها بنسبة 80% بحياتي ،


الحين نبدا ،،



اسمحولي مااحب اتكلم باللغه العربيه الفصحى عشان مااخورها او اجيب العيد ! :eh_s(6):

فبتكلم كأني قاعده وياكم ونسولف مع بعض ،، :gathering:

الشغلات اللي تعلمتها من امي الله يرحمها ويغمد روحها الجنه ياربي ،،:yaaaaaarb:


اولا،،

فترة الاستحمام ،،




بعطيكم نبذه عن الشغلات اللي اتبعها مع عيالي ،

دايم حاولوا تشترون حوض يكون صغير ملموم ويكون فيه مثل الربل الناعم داخل،



ومااحب مالت سنتربوينت ومذركير حييييل كبيره ، الجاهل كل شوي يزلق من كبرها!



ومااحب الاسفنجه اللي تنحط بالسطل لأني احسها تجمع جراثيم ،،:080402ask_prv:



احب اشتري سطل عنونو بالذات من ناحيه العرض ،

وهذا سطل بنوتي الصغيره فديتها فد وفد ،



احسن فتره لسبوح الجاهل تكون الضحى ، والفترة المكروهه اللي هي المغرب!!

قبل تسبحينه بساعه تقريبا ،، جيبي زيت زيتون دافي بصحن صغير،



اخذي باطراف اصابعك وافركيه براحة ايدينك، ودهنيه من إلى ،
وبهدوووء نفس نظام المساج ،



وياليت تكون اظافرك مقصوصه ، او حاولي تكونين حذره بان التدليك يكون براحة الايد ،

وبنات ، تكفووون شوي شوي ، لاتمصعون الجاهل !:eh_s(16):

هالشغله تفيده من ثلاث نواحي ،

الأولى : انها تصير مثل التمارين لتقويه عظام وعضلات الجاهل ،:weight_lift:

الثانيه : انها تريح الجاهل واذا فيه غازات مضايقته راح تطلع ،

الثالثه : تنعم جلد الجاهل بالذات المواليد لما يبدى جسمهم يتقشر من الطبقه الخارجيه اللي تكون عليهم قبل الولاده ،

رابعا : بتكون فعلا لحظات ترابط وتقارب وحلوه لما تشوفينه يطالع فيك ويتبوسم لك وتضحكين له وتكلمينه ،:hjy5jewf:


بتقولون فيه زيت جونسن وفيه زيت سيباميد وفيه وفيه وفيه ،،

صح ، بس الزيت زيتون سبحان الله افيد حييييييييل مو شوي وهالشي معروف،،

بتحطون الزيوت الثانيه مو مشكله بس بعد ماتسبحينه كيفك ،،

وبعدها عطيه رضعته وشوفي شلون راح ياخذ نومه حلوه ،




​

 

[.،:"$الـعـوبــــة$":،.]

ثانيا ،،


فترة التسنين،،




طبعا الفتره هذي تكون حساسه من ناحية الطفل مؤلمه ومن ناحية للأم البكريه خصوصا او اللي ماعندها خلفيه وخبره من قبل متعبه!:0bee2e8d89:

لأنها فتره طويله ،

فيه ناس تحدد الفتره بانها من 4 ل 9 شهور ! بس انا بنتي الكبيره تمت 11 شهر وهي ماعندها ولا سن لا وتمشي بعد ! << تخرع !؟:eh_s(1): !

بس انا من بعد 3 اطفال اقول انها تبدأ من 4 شهور وتنتهي مع ظهور الاسنان كلها ،

كل ام تختلف بتعاملها مع هالمرحلة عن الأم الثانيه ،،


فيه ناس تحط فكس !:eh_s(4):

ناس تقول لا اعطيه فجل ؟:eh_s(1):

ناس تقول لا الف ايدينه بشاش طبي واخليه ياكل فيها على كييفه ،



وناس بس تحط الجل الطبي وتكتفي فيه ،




انا اتبع اكثر من طريقه ،

الأولى واللي هي الاساسيه ،

أخذ شوي مرة وشوي محلب واطحنهم لين تصير ناااااااااعمه مثل الطحين ،

هذي صورة المره قبل الطحن، وفيه مثل يقول ( بيت الحره مايخلي من المره ) , من كثر اهميتها ،





وهذي صورة المحلب قبل الطحن ،،




واحطهم بعلبه بلاستيك صغيره ، واحطهم بجنطة الجاهل وتكون معاي وين مااروح ،

وهذي علبة بنوتي ،






طريقة استعمالها اني اخذ بطرف اصبعي ويكون طبعا نظيف اهم شي وافرك فيه اللثه من فوق وتحت ،

اسويها اذا ببخر البيت ، اذا بحط عطورات وخلطات قويه ، اذا بيزوروني ناس واكيد متعطرين ومتبخرين ،

او انا بزور ناس بيكونون مبخرين ومعطرين ،

وقبل ينام عشان يرتاح بنومته ،

الفايدة شغلتين ،،

الأولى عشان ماتلتهب اللثه وتستشم من العطورات القويه ،

اللثه الملتهبه تلقينها حمرااااا بزياده كأنها دم ، ومتنفخه بزياده بعد ،

اذا استمريتي تحطين له هالشغلات بتلقين اللثه ترجع حق لونها الطبيعي الوردي ،

وتلقين الجاهل مرتاح ونادرا مايقعد يفرك فمه ويعضض ايده والسعابيل تخف حييييل بس ما تختفي لأن مهما كان عاد جاهل !!

الثانيه المره تعتبر مضاد حيوي ، يعني لو حسيتي بالجاهل ريحة بلاعيم ، وحطيتي اللي طحنتيه او حتى كان جاهل كبير ونقعتي له المره وشربتيه بفترات مو الا يشرب كوب كامل !!

مجرد شربه وحده بكل مره كافيه بس استمري وراح تختفي الريحه ويختفي الاحتقان فالبلاعيم ،

روعه حتى للكبار بعد ،

والشغلات المساعده ، اللي هي العضاضات ،



انا افضل اللي داخلها جل ، لأني احطها بعلبه بلاستيك بعد مااغسلها واخليها بالثلاجه واطلعها للجاهل عشان تبرد عليه الم اللثه ،



بس اهم شي الاهتمام بنظافه الشغلات اللي راح يمسكها الجاهل لأنه على طول بيحطها بفمه،
​

 

[.،:"$الـعـوبــــة$":،.]

ثالثا ،،

الام البطن ،



طبعا هالشغله تعكر مزاج الجاهل حييييييييل وتلقينه دايم يبكي ويحن ياحياتي ،، << تأثرت !:eh_s(2):

فتبدين عاد تشمرين عن ذرعانك وتقومين بضناك بنفسك ،

لاتوصين الخدامه عشان ماتبدع بالجاهل ،،:bbbiu:

وكل وصفه اقولها لك ماتعتبر وجبه ، يعني مو تشربينه حليب وبعد ساعتين تعطينه اللي اقولك وتقولين هذي وجبته الثانيه لأ ،

هالشغلات تكون بين الوجبات ، ومو على طول لأن الجاهل بيكون شبعان وماراح يشرب شي سويتيه ،

فانطري ساعه تقريبا وبعدين عطيه ،

الام البطن تنقسم بين ثلاث اقسام ،

( الامساك - الاسهال - الغازات )

،،،،،،،،،،،،،،،،،،،،،،

نجي اول شي ( للأمساك )




اسبابه مختلفه ،

ممكن يكون من الحليب ،

ممكن يكون عيب خلقي وبهالحالة لازم تروحين الطبيب ،

وايا كان السبب هالوصفه باذن الله تخفف الامساك وتساعده وتفيده بعد ،

تاخذين من تمرتين لثلاث ، وتحطينهم بكوب قزاز ،



مااحب البلاستيك من كثر ماسمعت انها تفاعل وتسوي وتسوي !

فخلينا عالاكواب الزجاجيه اضمن ،

تاخذين ماي مفيوح ، وتصبينه عالتمر اللي بالكوب ، ونفس الشي غطيه تقريبا 5 دقايق وبعدين اخذي شوكه وحركيه لين تحسينه ذااااب ،

اشخليه وشيلي الطعام والبقايا الجامده وقطيها ، اخذي بس المشخول ،وحطيه في رضعة الطفل وخل يشربها ،

واذا تبون تحطون قفشه صغيره زيت زيتون وطبعا راح يخف معاه الامساك لأن التمر حيل راح يفيده من هالناحيه ،


نروح ( للغازات )



تحطين له بكوب قزاز قفشه صغيره وبكميات متساويه من ( كمون - ينسون - وورقة نعناع طازج ) ،

الكمون ،






الينسون،





والنعناع الطازج المعروف طبعا ،




ومايصير تفوحينهم بالماي لأ ، تصبين عليه الماي مفيوح وتغطينه لاااااااااازم لين يدفى بعدين تشخلينه برضعته وتشربينه بين الوجبات ، لأنه مايعتبر وجبه نهائيا ،

وحاولي دايم تخلين الطفل نايم على بطنه،،



بس طبعا بوجوووووودك !

لاتفكرين مجرد تفكير تحطينه بهالوضعيه وتهلين !
لأن هالوضعيه تساعده في حاله كان يعاني من الغازات ،


واخيرا (الاسهال ) ،



طبعا الاسهال لازم يكون من مرض معين ، نزله معويه ،،

يعني العلاج يفضل يكون من طبيب اطفال ،،

بس الشغلات الملاحظ تصاحب الاسهال ، هي الطفح الجلدي والحساسيه بمنطقه الحفاظ ،،



فشلون اتعامل مع هالشغله ،،

اذا كان الجاهل حيل صغير بالاشهر ، مااستخدم له المناديل المرطبه للتنظيف نهااااااائيا ،،



اخذه بنفسي واغسله بالمغسله ،

او اجيب علبه بلاستيك ماابيها ،،



واحط فيها ماي دافي ، واخذ القطن الدائري مو الكروي ،



وابلله بالماي وامسح ، والقطنه اللي تبللت خلاص مااردها للماي اللي بالعلبه اقطها تكرمون بزباله جنبي ،

لين انظفه بالكامل ،

قبل كنت اشتري علبه بورد جونسن الصغيره اصغر حجم تقريبا كبر الكف ،



واخلصها ، واحط فيها نشا ،، واستخدمها للجاهل ، لمنطقة الحفاظ ، وحييييييل حلوه ،

بس الحين طحت على كريم روعه ، بعد استخدامك مرة مرتين تبين النتيجه ،

وهذي صورته ،،



ومولازم يخلص الرضعه كلها لو يشرب منها رقمين ثلاثه نعمه ،

بس استمري باليوم مرتين ، كل يوم وترك تقريبا ، وهكذا ،،

راح تلاحظين بنفسك شلون يتغير مزاج الجاهل وشلون يرتاح ،



​

 

[.،:"$الـعـوبــــة$":،.]

وباذن الله لي رجعه مع معلومات جديده ،

وترا والله العظيم الموضوع من جهدي الشخصي مو منقووووول ،،

فكل اللي ابيه من اللي استفادت تدعيلي ،

وتشاركني لو بكلمة حلوة وياليت معلومه جديده ،

يالله بنات همتكم ،،

نبي الموضوع يكون مرجع خاص فينا كويتيات ،



​

 

[الأميرة جوري]

واااااااااااو موضوعج روعه ومفيدخصوصاللبجريات....لي عوده بنصايح امى

 

[B e r r y]

موضوعج روووعـة وشيق
والله يرحمها ويغمد روحها الجنة

والله يحفظلج عيالج ويحفظج لهم يارب

يسلمو قلبي ، نصايحج وايد مفيدة وحلوة
وفي أشياء عرفتها ماكنت أسويها من قبل ماقصرتي حبيّ

 

[رتبه دبلوماسيه]

حلوة افكارج

 

[ام الحوراء زينب]

مشكووورة العوبه والله يرحم امج يارب ويغمد روحها الجنه يارب

 

[ام الشوامس]

يزاج الله خير
و الله يرحم امج و يغمد روحها الجنه
فادتنا واهي بقبرها

ماقصرتي ؛)

 

[Om_Ksha]

الله يرحم اميمتج ويخليلج بناتج

 

[.،:"$الـعـوبــــة$":،.]

حياكم الله والله استانست من دعاويكم لأمي ،



زين وينكم ؟؟


معقوله مافيه معلومات عندكم ؟؟:080402ask_prv:

فيدونا !!!:hjy5jewf:​

 

[ديانا سبنسر]

يازين موضوعج مفيد ومطروح بشكل بسيط سلس تسلمين تعلمت من امي
ان لاجيت ابي اسير على ناس لازم افرك خشوم عيالي بمرة علشان مايستروحون (يعني يشمون ريح قوي مثل المسك ) خصوصا لي كانو صغار بالاشهر

 

[bsk0ta]

الله يرحم اميمتج موضوعج روعه
كملي متابعه

 

[*ريما*]

مشكورة ع الموضوع المفيد

 

[ريوومة 1982]

انا بقولج نصيحة تعلمىتها من جارتنا مو من امي لان امي حيييييل تخاف علا الجاهل بهالعمر


و هي انج تسبحينه كل يوم و ترك الضحى و قبلها تدهنينه بزيت زيتون ربع ساعه



و اذا صار عمر الجاهل شهر اعطيه ماء و تمر عجيييييب


و احط بالمطارة قفشه شاي حلبه

 

[* الجليلة *]

جزاج الله خير عالموضوع المفيد
والله يرحم الوالدة ويغفر لها

امي علمتني:

اذا البيبي معاه بو صفار
حطيله عصفر شوي بماي حار وسكر نبات وخليه يرضعه
وطلعيه بالشمس الصبح مبجر

وللبلغم والكحة
علج المر

وسلامتكم

 

[لاتكابر غلطتي]

يستاهل التثبيت
ربي يرحم اميّتج
وخليلج عييّلج

 

[ملاك الروح 1]

الله يرحمها ويحفظ لج عيالج ان شاء الله تسلمين ع الموضوع الروووووووعه

موفقه حبووووووبه

 

[ANON AL-A]

جزاك الله خير دايما مميزه الله يسعدك

 

[.،:"$الـعـوبــــة$":،.]

موضوعج روووعـة وشيق
والله يرحمها ويغمد روحها الجنة

والله يحفظلج عيالج ويحفظج لهم يارب

يسلمو قلبي ، نصايحج وايد مفيدة وحلوة
وفي أشياء عرفتها ماكنت أسويها من قبل ماقصرتي حبيّ

حياك الله ، والله يجزاك كل خير على هالدعاوي الحلوة ياذوق ،:eh_s(22)::eh_s(17):
​

حلوة افكارج

تسلمين ،:eh_s(17):
​

مشكووورة العوبه والله يرحم امج يارب ويغمد روحها الجنه يارب

العفو الله يجزك خير ياربي ،:eh_s(17):​

يزاج الله خير
و الله يرحم امج و يغمد روحها الجنه
فادتنا واهي بقبرها

ماقصرتي ؛)

وياك يارب ، تسلمين يالغاليه ،:eh_s(17):
​

الله يرحم اميمتج موضوعج روعه
كملي متابعه

ابشري ، وحياك الله ،:eh_s(17):

مشكورة ع الموضوع المفيد

العفو ،:eh_s(17):
​

انا بقولج نصيحة تعلمىتها من جارتنا مو من امي لان امي حيييييل تخاف علا الجاهل بهالعمر


و هي انج تسبحينه كل يوم و ترك الضحى و قبلها تدهنينه بزيت زيتون ربع ساعه



و اذا صار عمر الجاهل شهر اعطيه ماء و تمر عجيييييب


و احط بالمطارة قفشه شاي حلبه

صح ، اذكر امي تقول السبوح يكبر الجاهل ،
ويقوي مناعته ،/
الحين يقولون لا امراض ومدري شنو ؟
والله قبل شحلات صحتنا !
الحين اعرف حريم مايسبحون عيالهم الا كل شهر مرة والله العظيم !
وعذرها عشان مايمرض !
زين والنظافه ؟ تقول امسحه بكلينكس معطر بعدين ماي بعدين ابودره والبسه !
احس اوكي بس هالحركة للجاهل لصغير ! مو كبار ؟!

يعطيك العافيه ،:eh_s(17):​