تعلمي التصوير بروحج (طريقتي في تعليم نفسي)

[Maneena Manaana]

السلام عليكم

شلوونكم مصورات ومبدعات q8yat .. وشلون التصوير معاكم؟


انا وحدة هااوية تصوير..يعني لا ماخذة كورسات ولا شي.. طريقتي اللي وصلتني الى اني اصور صور راضية عنها تمام الرضى هي كالأتي:

1.كنت أدش منتديات خاصة بالتصوير.. ياتني فترة أشاارك بعدين بديت بس أتطمش على الصور.. أنقد الصورة بيني وبين نفسي .. وبعدين أقرا رأي باجي المصورين المحترفين عالصورة نفسها.. الله يا انا استااانس اذا اتفقت مع أحد من الكبارية بالراي :dddds:

2. أركز على محور واحد لفترة من الزمن(يعني مثلا بصور سوائل.. اقعد فترة بس اصور سوائل) بحيث أقرا كل شي يتعلق فيه.. أشوف صور من النت عن هالشغلة... سواء صور محترفين أو مبتدئين من طقتي..وأقرا شلون صوروهم وشنو اعدادات الكامرة وافتح المانيوال مال الكامرة وأشوف شلون اضبط الكامرة على نفس الاعدادات..

3.أصور وأصور وأصور.. بعد ما أخذ فكرة عن الشغلة اللي بصورها.. اخذ الكامرة وأقعد أطبق.. أول شي أقلد الصور الي شفتهم وشوي شوي أبتكر أفكار يديدة .. لغاية ما أطلع بصورة حول نفس المحور بس بفكرتي الخاصة فيني.

4.لما أوصل للنتيجة اللي أبيها..عاد أقعد قعدة سنعة وأصور نفس الصورة ولا 100 صورة كل مرة من زاوية غير ... وطبعا مو كل هال 100 صور سنعة.. اللي الاضاءة فيها خرطي.. اللي الزاوية مو شي واللي اللي..

5.أنزلهم عالكمبيوتر.. وأبدي أصفي لين أبقى على 20 او 30 من أصل 100 تقريبا.. وأقعد أصفي وأصفي لين أقول لقييييتها

6.أخذ راي اختي خخخخخخ ذبحتها لأن اهي الوحيدة اللي ماتجااملني :tomato2:


هذي طريقتي في تدريب عمري...واللي وصلت من خلاالها بتصوير صور كنت احلم في يوم من الايام اني اصورها..

 

[miss_lavendar82]

ماشاء الله عليج حبوبه

ويعطيج الف عافيه

انتي مثلي الصراحه بس انا حدي 20 او 30 صوره بالاكثر واتعب وامل بعدي ماتعودت وايد والله

لاني اصور على حسب المزاج بس من شريت الكاميرا اليديده وانا احاول اتدرب اكثر واكثر

وفي جم نقطه ذكرتيهم اعجبوني وبطبقهم ان شاء الله

استفدت من معلوماتج النيره حبيبتي

ويشرفني اخوتج

^_^

حياج الله

 

[chupa chups]

مشكوووورة حبيبتي صج طريقتج واايد حلووة وبطبقها انشالله انا صج اتمني اصير وحدة مبدعة بالتصوير بس شنو السايتات إلي كنتي تدخيليهم عشان تتعلمين ا و طبقين؟؟

 

[ام كتكوت]

ماشالله انا شايفه تصويرج روعه

ومشكوره ع الموضوع

 

[supermarket]

تطبيقج حلو منينا وخاصة النقطة 2

2. أركز على محور واحد لفترة من الزمن(يعني مثلا بصور سوائل.. اقعد فترة بس اصور سوائل) بحيث أقرا كل شي يتعلق فيه.. أشوف صور من النت عن هالشغلة... سواء صور محترفين أو مبتدئين من طقتي..وأقرا شلون صوروهم وشنو اعدادات الكامرة وافتح المانيوال مال الكامرة وأشوف شلون اضبط الكامرة على نفس الاعدادات..

انا اللي شتتني ان باليوم اقرا 4 مواضيع غير وماكو شي يثبت بمخي

 

[حلا^الكويت]

نبي سايتات خاصه بالتدريب شنو اهما اختى ومشكوره والله يوفقج

 

[Eng.shosha]

الله يوفقج حبيبتي

 

[د.شريفة]

زين تسوين
انا ذاك اليوم بحاول اصور لقطة نقطة الماي واهي تطيح بالارض نص الليل وانا بالفراش مايمي ماي امممم مالي خلق اقووم يمي ممية بنتي فيها حليب قمت وانقط من المميه على السيراميك لما صار عندي بقعه وصورت وصورت لما وصل عدد الصور يمكن 40 صوره
بالنهاية ضبطت معاي وقمت مسحت المكان كله

 

[Stylist]

حلوه طريقتج
بليز حطي لنا صور من صنويرج الخاص
ابي اتعلم

 

[جاي وحليب]

عفيا عليج والله هذا اللي الكل المفروض يطبقه
هاذي نصايح ذهبيه المفروض تتبروز وتنحط بدخلة قسم التصوير

نصايح ممتازه والله لكل البنات.. وفعلا التصوير لازم تتفرغين له ماينع بسرعه بسرعه
ومواضيع وايد ونشتت عمرنا.. الموضوع لازم تحبينه وتستمتعين في كل خطوه تسوينها ومعلومه يديده تتعلمينها
لازم تعطين كل موضوع حقه كل مجال بالتصوير وقته وحقه....
والاهم الصبر على النتايج والاستمرار بالتدريب لين نطلع بالنتايج المطلوبه..
وكل شي يبدي خطوه خطوه.... والله يوفقكم كلكم ان شالله

اشكرج يالغاليه على الموضوع المناسب
قواج الله..

 

[Maneena Manaana]

miss_lavendar82

حياج الله حبووبة.. وانا ماكتبت هالموضوع الا عشان افيدكم.. وترا التصوير يبيله بال رااايئ.. ووحده فاااضية.. يلاا طبقي ونزلي تطبيقاتج ,, ننطر ابداعاتج


kro0osha

ان شاء الله اتصيرين مبدعة زماانج بالتصوير ...واذا على السايتاات.. ماكو شي معين.. اي شي ايطق برااسي أكتبه بقووقل وادخل السايتس اللي تطلعلي...بس كل شغلي بمواقع انجليزيه (مادري ليش اثق فيهم أكثر ) بس في منتدى عربي اللي صج استفدت منه وااايد.. بحط اللنك أهني للفاايدة لأنه منتدى مختص بالتصوير الفوتوغرافي وفيه مصورين محترفين

www.adigicam.com

وان شاء الله تستفيدون منه مثل ما فادني

ام كتكوت

العفو .. ومشكوورة عالمروور

supermarket
يلاا دام اعجبج التطبيق .. ناطرين الصور.. جني كلش ما اشوف لج صور.. مع انج تحبين التصوير!!

حلا^الكويت

اجميعن يا رب.. وشوفي ردي على kro0osha

ام عبد المحسن

الله يسلمج ويوفقج

د.شريفة

وين عاد هالصورة اللي ضبطت معاج؟؟ حطيها لنا خنشووف.. غراامي اشوف صور.. ياتني هبة السوائل قبل فترة.. قلت اجرب الحليب.. خصووصا انه كثاافته اكبر فالنقطه يصير لها هيبة هههههههههه والله طلعت بنتايج حلوة .. بس بعدين فكرت فيها.. حرام العب بالحليب عشان صورة!! جان أهون وارجع للماي..
وهذي صورة سريعة للحليب.




ستايل ماله مثيل

نطري علي شوية... بطلع الحين... وبس ارجع أحط لج رابط جم موضوع كتبتهم عن طريقة تصوير السوائل


جاي وحليب
فاقديينج مصورتنا .. عسى المانع خير
ومشكوورة عالمرور وعلى اضاافتج المفيدة

 

[нάγoηά cнεмίsтяγ]

ماشالله انشالله يارب تكتسبين الخبره أكثر بدون الحاجة للكورسـات وتورينـا ابدآعاتج الحلـوة اتيننننن صووووورة الحليـب حدها حركـات .. وين كنتي صابـته ؟

 

[pineapple]

مشكورة حبيبتي على هالنصايح

انا احب التصوير لكن مشكلتي الوقت عندي هوايات كثيرة ومو ملحقة على شي منهم والسبب مرة بالكويت ومرة مسافرين ومسئوليات الله يوفقج

 

[Maneena Manaana]

سمارة..الحليب صابته بقاعدة ماعون .. شوفي الصورة توضح لج أكثر

pineapple... بالضبط نفس مشكلتي..الوقت بسرعة يطيير

 

[ذكريات]

احب التصوير بس ما اقدر اشترك بدورات

شكلي بجرب طريقتج

انتي بديتي بكاميرا ديجتل و الا نوع ثاني ؟؟

 

[حبي كويتي]

مره روعه بنتعلم ان شاء الله

 

[مخروووشة]

والله خوووووش طريقة بجربها ان شاء الله

توني شارية كاميرة

تشكرااااات

 

[*^*مــــزيــــانــــا*^*]

مممممممممممم

انا بصراحه ماعندي خلفيه بالتصوير

بس احب التصوير

واحب الافكار الغريبه في صوره والاضاءه وهالسوالف


ممممممممم


بصراحه انا عندي كامرة ديجتال العاديه

مو البروفيشنال

وحاولت اني اصووور

وفي كذا صوره اعجبتني

بس اكيد يبيلها تضبيط

وحابه اتعلم اكثر واكثر


فشنو تنصحووووني :eh_s(8):

 

[Stylist]

miss_lavendar82




ستايل ماله مثيل

نطري علي شوية... بطلع الحين... وبس ارجع أحط لج رابط جم موضوع كتبتهم عن طريقة تصوير السوائل

واااااااو ماشاءالله عليج الصورة تهبل واحس صعببببببببه
شلون تاخذين اللقطه وهي سريعه بس بفهم متى تصورين بهالحالة اذا في شئ سريع حيل مثل جذي
وناااااااطره الصور بليز لاتتأخرين

 

[Maneena Manaana]

حياكم الله بنات

ذكريات
من زماان وانا اصور على ايام كامرات ام فليم
2002 قبل لا انيي كندا أخذت كانون كول بيكس كانت وقتها شي.. أخذت معاها عدساات لزوم السفر (كاهي مقطووطة قميضة عليها تصويرها من أروع مايمكن)
والحين عندي كانون 20دي

*^*مــــزيــــانــــا*^*
حطي صورج بالقسم وان شاء الله البنات مايقصرون...ملاحظه من اهني وملاحظه من هنااك مع زياادة التجاارب بتوصلين ان شاء الله ..
وطبعا الكامرة بعد تلعب دور ...بس نصيحتي لا تستعيلين وتشترين كامره لين تحسين نفسج مربووطه بالتصوير

لعبي شوي بالكامرة... يعني لا تحطينها عالأوتو وبس.. حطي على وضعية ال M وابدي حورفي فيها


ستايل ماله مثيل..

نطري دقاايق أنزلج روابط المواضيع بالشرح والصور