تعليم كروشيه بالعربي من الصفر للمبتدئات<< متجـدد

[حبي غير]

رد: تعليم كروشيه بالعربي من الصفر للمبتدئات

آنا ودي أطبق بس أنطر أشتري العدة بإذن الله وبمشيئته %%%



الله يوفقج حبيبتي

حياج الله متي ما اشتريتي العده تعالي انضميلنا وسوي ويانا احلي شغل

 

[حبي غير]

رد: تعليم كروشيه بالعربي من الصفر للمبتدئات

حلو في دورات هني

انا الحمدلله تعديت المستوى الاول اعرف امسك الابره واسوي سلسله واسوي الحشوه والاعمده بس للحين ماسويت شغل

هلا فيج حبيبتي ماشالله عليج يعني بس باقي التطبيق
حياج الله بالدوره

 

[حبي غير]

رد: تعليم كروشيه بالعربي من الصفر للمبتدئات

الدرس الثاني

هذا الفيديو يوضح غرزة ال الحشو واسمها بالانجليزي single crochet واختصارها (sc)

http://www.youtube.com/v/8hwHtyJFMf0

وهذا شكل غرزة الحشو بالباترون

السهم الاخضر بالرسم يبين شكل الحشو (sc crochet ) ممكن ترسم في الباترون علي شكل +او علي شكل ضرب والسهم الاحمر يبين شكل الحشو ( sc crochet ) في الباترون (وفي الباترون مبين انه عمل سلاسل(ch’s) وبعدين عمل السطر الاول و ارتفع سلسله وعمل حشو باقي السطر)

 

[حبي غير]

رد: تعليم كروشيه بالعربي من الصفر للمبتدئات

تابع الدرس 2

الواجب:
1- نعمل 21 سلسله
2- حشو في ثاني سلسله - حشو في باقي السلاسل ( المجموع 20 حشو)
3- نرتفع سلسله - نعمل حشو بكل غرزة حشوسابقه (20 حشو )
4---->24 نكرر الخطوه 3

التفاصيل :
1- احنا اتكلمنا قبل عن تركيبة السلسله الوحده وهي عباره عن : خيط فوق واسمه الغرزه الخلفيه وبالانجليزي back loop والخيط اللي تحت واسمه الغرزه الاماميه وبالانجليزي front loop
شنو يعني كل هالكلام ساعات يقولي بالباترون اعملي حشو بالغرزه الخلفيه (bl اختصار back loop) في هالحاله ادخل الصناره تحت الغرزه الخلفيه بس واسوي حشو
فتلاحظون باليوتيوب انها سوت سلاسل وبعدين سوت بالغرزه الخلفيه (blo )حشو

2- وساعات يطلب مني الباترون اشتغل بالغرزه الاماميه (flo ) معناها اني احط الصناره تحت الغرزه الاماميه واسوي حشو

3- احنا شفنا انها بعد ما سوت السلاسل سوت حشو بالغرزه الخلفيه وبالسطر الثاني حطت الصناره تحت الغرزه الخلفيه وتحت الغرزه الاماميه (وهذي يسمونها( both stitch) يعني حطي الصناره تحت الاثنين الخلفيه والاماميه وسوت حشو واستمرت جذي لحد ما خلصت كل الاسطر

الخلاصه :
بعد ما نسوي السلاسل نسوي اول سطر حشو بالغرزه الخلفيه (هذا يسمونه الفونديشن foundation row ) يعني السطر الاساسي اللي راح نبني عليه باقي الاسطر
بعد سطر الفونديشن نبدي السطر اللي وراه ونسوي الحشو في الغرزه الخلفيه والاماميه مع بعض both stitch يعني نحط الصناره تحتهم ونسوي الحشو
يعني بهالدرس تعلمنا
1- غرزة الحشو
2- سطر الفونديشن اللي يجب ان يعمل بالغرزه الخلفيه (دايما سطر الفونديشن يعمل بالغرزه الخلفيه للحشو ولكل انواع الغرز)
3- وتعلمنا ال both stitch
4- يجب عند بداية اي سطر نرتفع سلسله لغرزة الحشو(نرتفع معناها نعمل سلسله عند بداية كل سطر (حفظ غرزة الحشو ارتفاعها سلسله وحده)
لييش ؟؟؟ علشان القطعه اللي نشتغلها ما تكش وتصير مثل الهرم وتصغر و السلسله اللي نرتفعها بداية كل سطرتخلي الاطراف مستقيمه




1- التدرب علي غرزة الحشو جيدا وقراءة الخلاصه جيدا وفهمها
2- حفظ الباترون المرسوم (وذلك لمعرفة فراءة الباترون المرسوم بالكروشيه طبعا عند الانتهاء من الغرز تكونين قادره علي قراءة الباترون المرسوم)

 

[c a t w o m a n]

رد: تعليم كروشيه بالعربي من الصفر للمبتدئات

اختي عندي اقتراح لج

والله يعطيج ألف عافية على هالمجهود بس التطبيق النظري صعب شوي خصوصا حق ايللي مستواهم تحت الصفر مثلي

فياليت والله لو تشرحيلنا بالصور اذا تقدرين تورينا تطبيق من تطبيقاتج يكون أفضل خصوصا آخر درس يبيله نشوف أفضل


ولا شرايكم بنات

 

[حبي غير]

رد: تعليم كروشيه بالعربي من الصفر للمبتدئات

اختي عندي اقتراح لج

والله يعطيج ألف عافية على هالمجهود بس التطبيق النظري صعب شوي خصوصا حق ايللي مستواهم تحت الصفر مثلي

فياليت والله لو تشرحيلنا بالصور اذا تقدرين تورينا تطبيق من تطبيقاتج يكون أفضل خصوصا آخر درس يبيله نشوف أفضل


ولا شرايكم بنات

مشكووره علي هالاقتراح ومعاج حق :eh_s(15):
راح احاول احط صور بكل ما يتعلق بالغرزه انشالله

 

[c a t w o m a n]

لي الحين لازم أبني هرم

مليت

 

[حبي غير]

تابع الدرس 2

شرح الدرس 2 بالصور

 

[حبي غير]

الحين تعاليلي يا cat women خلينا نحل مشكلة الهرم اللي عقدج

خليج وياي خطوه بخطوه
1- اعملي 21 سلسله
ملاحظه كل الحشو في السطر الثاني تعمل في الغرزه الخلفيه
2- حشو في ثاني سلسله ( ضعي جلاب (مشبك) في اول حشو سويتيها ) - حشو ال 18 سلسله التاليه- ( حشو في آخر سلسله (ضعي جلاب في آخر حشو )
ملاحظه نعمل الحشو في السطر الثالث وباقي الاسطر في الboth stitich (نضع الصناره تحت الغرزه الاماميه والغرزه الخلفيه مثل ماهو موضح بالصوره اللي بالمشاركه السابقه)
3- نرتفع سلسله ونلف - نسوي حشو بالحشو اللي حطينا فيها جلاب - حشو بكل حشو لحد ما نوصل للحشو اللي فيه جلاب ونسوي فيه حشو

4------>20 نكرر الخطوه 3
ملاحظه في كل سطر جديد نعلم بالجلاب اول حشو نسويها وآخر حشو نسويها
علشان نحافظ علي استقامة الشغل من الاطراف وما يصير هرم (طبعا لاتنسين سلسلة الارتفاع هذي مهمه جدا) وعلشان نعرف وين اول حشو عندنا وين آخر حشو
نحط الجلاب مثل هالصوره



اتمني هالمره يكون سهل

 

[عادت ذكرياتي]

واصلي حبيبتي متابعة ^_^

 

[عادت ذكرياتي]

طبقت اول درس ^_^ لوووووووووووووووووووول الحمدلله وباجر بإذن الله بنزل تطبيقي بس أصوره %%%


بس شوي يبيلي أتعود أكثر على مسكة الخيط %%

 

[c a t w o m a n]

يمال العافية فهمت عليج

جاري التطبيق

 

[c a t w o m a n]

وع وع لاعت جبدي هالدرس مو راضي يضبط


رحت بركات من حرتي خذيتلي فرة

 

[حبي غير]

وع وع لاعت جبدي هالدرس مو راضي يضبط


رحت بركات من حرتي خذيتلي فرة

لاتحرين نفسج ولا شئ حبيبتي
خليه علي صوب شوي اهم شئ ان تكونين عرفتي غرزة الحشو

انا اقول ننتقل للدرس اللي وراه ونطبق وبعد مده نردله

الدرس القادم غرزة المنزلقه slip stitch وغرزة النصف عمود half dublle crochet (hdc )

 

[حبي غير]

catwomen اذا الغلط ان القطعه تلف وياج بالبدايه تري هذا موغلط انتي لما تكملين باقي الاسطر اهي تتساوي وياج

 

[c a t w o m a n]

ما زلت أبني هرم

مراح أكمل بهالدرس اعذريني راح أزنط نفسي اذا بعد مرة حاولت و طلع معاي هرم

 

[حبي غير]

الدرس الثالث
غرزة نصف عمود
بالانجليزيhalf double crochet واختصارها (hd)​

يجب ان نرتفع عند بداية كل سطر 2سلسله



هذا الفيديو يوضح طريقة عمل غرزة نصف العمود

http://www.youtube.com/v/dz86_EM_Zks&feature=player_embedded

 

[حبي غير]

تابع الدرس الثالث ​

الواجب :

1- نعمل 22 سلسله نشتغل في الغرزه الخلفيه back loop

2- نعمل نصف عمود في ثالث سلسله - نصف عمود في ال20 سلسله التاليه - نلف الشغل
الشغل راح يكون في الboth

3- نرتفع 2 سلسله - نصف عمود في 20 غرزه التاليه - نلف الشغل

4----> 17 تكرر الخطوه 3

 

[c a t w o m a n]

جاري التطبيق

 

[مريم #1]

) ": السلام عليكم .. شخباركم ..؟
انا توني يديدة بالمنتدى وعجبني موضوعكم
وحابة اشارك معاكم .. بس انتو طفتو ب 3 دروس
ممكن اكون معاكم ولا ؟؟! راح ااحاول الحق عليكم