تعيين جديد...............بقدم استقالتي

[جنى الجنتين888]

السلام عليكم,

خواتي أتمنى تردون علي لأن حالتي النفسية كل مالها للأسوء

أنا مدرسة تعيين جديد ومو قادرة أتحمل التدريس كلش وأبي أقدم استقالتي.


وأبي أعرف شلون الطريقة؟؟ و متى أقدر أقدم على مكان ثاني؟ واللي تعرف إذا بيت الزكاة يقبلني بسرعة إذا قدمت عليهم و إذا جبت واسطة(بعد رب العالمين)؟


بليز بنات لا تبخلون علي بمعلوماتكم​

 

[عصومي وليد]

حرام ليش استقالة على طول توج تعيين جديد، استغفري ربج وترى كلنا نمر بها الحالة اول مانتوظف بس بعدين يصير عندج عاادي

 

[جنى الجنتين888]

أنا أعرف نفسي ما أقدر أتحمل هالضغط لأنه راح يستمر على طول شغل في المدرسة وشغل في البيت
و مخج شغال معاج 24 ساعة, ما أقدر أتحمل أضغط على نفسي أكثر من جذيه

 

[Miss Cherry]

الله يعينج

صج التدريس ضغط مو الكل يقدر يتحمله بس انا اقول ال تستعجلين انطري شوي كلنا اول شي حسينا بتعب بعدين تتأقلمين مع الوقت .. بس انتي شنو تخصصج اي ماده تدرسين ؟

 

[ماكنتوشة***]

رد : تعيين جديد...............بقدم استقالتي

اب



اب

 

[جنى الجنتين888]

للأسف لغة انجليزية,,,,, كنت حابة اللغة وقلت خليني أعلمها لغيري ما دريت إن الغثى والظيم ناطرني
الحمد لله على كل حال بس لازم أطلع ولا بصير فيني شيء لأني عن جد ما أقدر أتحمل طلباتهم وتحضير للفجر ووسائل ووخطة اسبوعية وأنشطة وخرابيط وكل هذا ما يضمنلج تقدير امتياز, عيل ليش أتعب في التدريس و هم همهم الأكبر المظاهرو الفشخرة والورشات والمعارض ولا التدريس آخر اهتماماتهم,,,

 

[نـ(المطيري)ـازكـ]

رد : تعيين جديد...............بقدم استقالتي

شنو تخصصج ..؟

لان ماتدرين يمكن مطلوب في اماكن ثانية غير التدريس

 

[بحر الذكريات]

صلي استخاره ياقلبي ولا تتهورين وموفقه يارب

 

[همس الجــليــد]

رد : تعيين جديد...............بقدم استقالتي

الله يعينج
حبيبتي اذا الضعط من الناظره و المدرسه الاولي تشرط حاولي تجربين اول شئ تنتقلين مدرسه ثانيه يمكن تلقين راحتج اهناك وبعدين قرري

 

[نسمة هوا]

عادي حبيبتي قدمي استقالتج وبعدين قدمي بديوان الخدمة المدنية وإذا عندج واسطه يقبلونج ببيت الزكاة أنا كنت مدرسة وسويت جذيه
وبالتوفيق

 

[ليالى الحنين]

نصيحه انقلى مكان ثانى يمكن ترتاحين لاكن استقاله لاتستعجلين

 

[أليين]

اختى انا مدرسه انجليزى واستقلت
تبين الصج التدريس عذاااااااااااااااااااب نصيحه لويه الله اذا تقدرين استقيلى ودورى وظيفه ثانيه الحمدلله الرزق مو بيد العباد بيد رب العالمين اكثر شئ كرهنى بالتدريس اشتغل بالمدرسه والبيت والله شئ يييب الكآبه والغلقه خصووصا تدريس الانجليزى مايرحموووون التوجيه تعبان والنصاب وااايد عالى ويكسر الظهر

 

[أليين]

والله بنات التدريس يابلى الكدر والهم تخيلوا من الضغط النفسي ماكنت اقدر انام واى فعلا كابوس صج معاشهم قوى التربيه بس والله بنات من صحتج وعمرج كله كنت احس بموت وانا بالمدرسه بيردونى البيت على نقاله هههههه استغفر الله يننونى وكل ماكنتى شاطرة ووممتازة بالتدريس كل مازاااد عليج الحمل نفس حالتى

 

[sweeti]

بنات اللي جربوا شلون الطريقة يصير تستقيل من اول شي ولا النقل احسن , ويصير هالامور مع التعين اليديد اللي مامر عليهم سنه , بليز اللي تعرف لا تقصر

 

[أليين]

اذا تبين تنقلين خدماتج من التربيه لوزراة ثانيه افضل بس لازم تييبين كتاب من الوزارة الثانيه اللى تبين تنقلين لهم انهم يبونج بس السالفه جنها تطول الاستقاله اسهل بظرف اسبوعين اذا تراكضين باوراقج تخلصين وقدمى من يديد عالديوان والله كريم اختى نقلت من وزارة لوزارة تبهذلت غير الفلوس اللى خصموها عليها