تعيين خريجات الصيفي كلية التربية والأساسية

[يارب اشرح صدري]

السلام عليكم ، الف مبروك التخرج وان شالله ابارك لكم على التعيين بنات بسألكم وين رحتوا وشلون سجلتوا ومتي تنزل الاسماء بالجريده ، ومتي تتوقعون التعيين بالضبط ونبي نسوي تجمع :eh_s(9):وحياكم انا دقيت علي الديوان ودخلت رقمي المدني وطرشوا لي مسج تم تسجيلك // ومادري بعدين شلون علي الفحص الطبي والأجراءات الباقيه شسويتوا وش ماسويتوا ؟ انا اخت صاحبة النك ( يارب اشرح صدري ) ادعوا لي بالتوفيق واشوف الخير علي الوظيفة الجديده والله يسهلها علينا كلنا ادعوا امييييين :eh_s(2):*

 

[Miss independent]

انا نفسج
بس ماقدمت ع الديوان مادري شناطرة

 

[يارب اشرح صدري]

الله يوقفك الحين دقي بالتلفون صج شناطره *

 

[Miss independent]

التسجيل مو بالنت؟

 

[حبي الرسم]

السلام شلونكم بنات انا خريجه صيفي واليوم ابستلم شهادتي همن موعارفه شسوي وما قدمت عالديوان حدي ضايعه مادري شسوي

 

[Tsunade]

والله ما دريت عن الشهادة ولا شسالفة ههههههههههه
ألحين شنو طلباتهم حق الشهادة ؟
الصور وشهادة الميلاد وألخ ؟؟؟؟؟
وأخلاء الطرف ؟
يعني اليوم شنو أخذ معاي بالضبط ؟
والتقديم بالنت ولا أتصل تلفون ولا شنو ترى حدي ضايعه ما ادري شالسالفة :d​

 

[Miss independent]

تسوناد
انتي من وين متخرجة؟

 

[حبي الرسم]

انا استلمت شهادتي روحو استلموها وختموها من العديليه مبنى 3 وبس بعدين عاد مادري يليت الي تعرف تفيدني انا حبيت افيدكم بالي سويته مادري عالتقديم شلون نبي تفاعل تجاوبو معاي عشان الكل يستفيد مبروك عالجميع التخرج وبالتوفيق

 

[Tsunade]

تسوناد
انتي من وين متخرجة؟

كلية التربية الأساسية
والله امي من الصبح تصارخ بوجهي يوم قلت لها الناس أستلمت شهادتها تقول يالفاهية انتي من يومك خبلة الناس توظفت وانتي للحين حتى ما جبتي شهادتج :krkrkr:

عبالي مع دوام الكلية تاخذين الشهادة شدراني




​

 

[Miss independent]

انا بالجامعه ماعندي خبر عنكم
روحي استلميها
والحين وانتي بالنت دخلي موقع الديوان وحطي رقمج المدني وتلفونج
وقدمي ع التربيه
وبس

 

[^^ام الزين^^]

بما اني تعيين جديد حبيت افيدكم وادعولي الله يقومني بالسلامه واجيب احلى زيونه
انا بعد ما استلمت شهادتي من الكليه وختمتها من العديليه سجلت بالديوان عن طريق النت وحطيت الرغبات طبعا وزارة التربيه فقط لاني متخرجه من التربيه
بعدها بنفس اليوم رحت المنطقه التعليميه التابعه لي ورحت قسم التعيينات وقدمت اوراقي اللي اهما شهاداتج اللي استلمتيهم من الكليه 4 صور بطاقه مدنيه و4 صور جنسيه و4 ميلاديه وصورة عقد الزواج اذا متزوجه و4 صور شخصيه انشااله ما اكون ناسيه شي جهزو هذي الاوراق وطيرو عالمنطقه بعد ما تسجلون بالديوان اما عن طريق النت او عن طريق التلفون
راح تفتحلج الموظفه ملف لج وراح تعطيج اوراق الفحص الطبي اذا قدرتي تروحين بنفس اليوم للفحوصات روحي المجلس الطبي اللي بالصباح لأنهم ماراح يسوونلج فحوصات بنفس اليوم راح يعطونج اوراق فحوصات تسوينها بالمستشفى التابع لمنطقتج اشعة صدر وتحليل دم وبول وانتو بكرامه بعد ما تخلصين من هذول الفحصين وتاخذين النتيجه تردين للمجلس الطبي بالصباح وتعطينهم اوراق الفحوصات اللي سويتيها راح يسوولج تحاليل ثانيه وفحص سريري وفحص نظر ويقولونلج اسبوع وتعالي اخذي النتيجه طبعا انا ما نطرت اسبوع 3 ايام ورحتلهم لقيتهم خالصين ورديت المنطقه وعطيتهم نتيجه الفحوصات وعطوني مباشرة عمل بنفس اليوم وحددولي المدرسه ورحت على طول للمدرسه وعطيتهم ورقة مباشرة العمل ومن ثاني يوم داومت
انشالله يكون الشرح وافي وبالتوفيق للجميع

 

[Miss independent]

ام الزين حبيبتي تولدين بالسلامة
يعني انتي مانطرتي اسمج يطلع بالجريده؟
على طول رحتي؟
وشنو الفحوصات الي ماتسويها الحامل؟

 

[^^ام الزين^^]

لا ما نطرت على طول خلصت اوراقي وكل شي وتعينت وخلصت عقب نزل اسمي بالجريده
والحامل ما يسوونلها اشعة الصدر على ما اعتقد يعطونج ورقه يقولونلج بعد ما تولدين تسوينها وتودينه لهم

 

[Miss independent]

مشكورة ماقصرتي

 

[^^ام الزين^^]

العفو

 

[يارب اشرح صدري]

مشكوريين حبيباتي علي التفاعل @@مشكوره ام الزين حبيبتي الله يقومج بالسلامه

 

[طالبة1990]

رفيجاتي ثنتين خريجات صيفي الجامعة

سجلوا بالديوان ودزوا لهم قبل يومين مسج بقبولهم بوزارة التربية

واختي همن خريجة صيفي تربية الجامعة

وسجلت بالديوان بس مانزل ترشيحها الى الان

 

[طالبة1990]

ام الزين انتي اي منطقة تعليمية

لان في مناطق ماتفتح لج ملف الا اذا نزل اسمج بالتربية

يعني بعد مايوصلج مسج منهم

وفي مناطق لا عادي من تسجلين بالديوان يسوون لج ملف وتبدين باجراءات الفحوصات مثل منطقة الجهراء التعليمية

 

[Miss independent]

بنات شصار عليكم؟

انا توني سجلت وطالعلي
أنت مسجل حالياً ومؤهل للترشيح

وقاعده انطر مسج منهم

 

[حبي الرسم]

السلام متى تتوقعون نداوم انا همن نفس حالتكم