تغارين من حريم الحمى ، حياج عندي

[درة الشاميه]

ليش دايما تصير عداءات أو نسبه من الغيرة لحريم الحموان؟؟

والتنافس على أفى من يشيل

ومن يكشخ أكثر و يسوي أكثر و ياكل الجو أكثر


ووايد يتحيلقوووون للحموات و لمن يجي دورج بتسولفين معاها ماتعطيج وجهه و ترد عليج بكلمه ورد غطاها جنها شامه ريحه خايسه!!

أنا بالنسبة لي لقيت الحل للموضووووع

اول شي المنافسة الشريفه حلوه بس موبشي دنيوي سوت شي أحلى من شغلي ، البست لبس أحلى من لبسي و لا اعطيها وجه ومن حركات الجهال هذي !!

واذا سوت شي حلو و عجبني ليش ما امدح وأونسها و اعاملها حالها حال الحموات أعطيها كلام حلو ( اي عاد فلانه شغلها حلو ، ذوقها حلو) عن مرت حماج وجدام حمولتج منها انج واثقه من نفسج ومنها انها بتستانس وأخذيها من باب ادخال سرور الى قلب مسلم!!


كشخي ، لبسي ، تعطري بين الحريم ، حبي نفسج صدقيني الناس بتطالعج حلوه حيل وبتقلدج لان ذوقج حلووو حتن لو موعاجبج جسمج :eh_s(21):


دايما أحسني النيه ولاتفكرين بأي شي ثاني يغثج صدقيني اذا أحسنتي النيه ربي سبحانه بينصرج و بيخليها تحس جنه انت تقصدين وانت ماتقصدين ولا شي وتحسين كأنه في أحد يدافع عنج !!! وانت نيتج جدا صافيه !!



من سوالف غيرة حريم الحموان قالت لي وحدة من البنات الله يذكرها بالخير ويهديها من كثر ماهي تغار من مرت حماها تطرش خدامتها شقة مرت حماها عشان تشوف شنو من كريمات تستخدم :krkrkr::krkrkr::krkrkr:


الحمدلله الذي عافانا ممن ابتلاه فيه الصراحه شي يفطس من الضحك صج شر البلية مايضحك ههههههههه.



يالله اتحفونه بقصص حريم الحمى وغيرتهم خلونه نضحك :krkrkr::krkrkr:

 

[انصاريه قمره]

ما تغار الا اللي فيها نقص

 

[الراقيه 81]

انا عن نفسي والله ما اغار بالعكس اذا شفته وحده منهم كاشخه امدحها وامدح ذوقها واذا سوت سويت وعجبني امدحه واطلب طريقته يعني ما اذمه عشان اخليها تستخف ههههه حرام الحق ينقال الا وحده اووووف لو نطلع اعيونها لي ما امدحها ولا اذمها هههه كره متبادل سبحان الله

وعلى طاري المواقف اعرف وحده اتقول ادز بنتها وولدها يلقطون اخبار حريم عمامهم هههه استغفر الله الله لا يبلانا

 

[brettey]

وييي لو تشوفين حريم اخوان رفيجتي اهي خوانها 5 ثلاث منهم كبار تزوجوا واحد قبل الغزو بسنه واثنين عقب الغزو بسنتين وثلاث زوجوا عيالهم توه وهم جذي في غيرة كانت بينهم بس يحبون بعض ويطلعون مع بعض بس عاد الاثنين الصغار تزوجوا بحروة 2004 والثاني 2005 وهم عندهم عيال وتعالي شوفي حريم هالاثنين الصغار واستعراضهم باالاكل والحلو الي يسوونه بالزواره و الاضيم بالانستجرام وحدة تحر الثانية هذه راحت مطعم حطت انها طالعة مع زوجها الثانيه تحط اني يوم نفسها انها طالعة مع زوجها هذه راحت مع ريلها وسافرت الثانيه عقبها يا بسنه او مرات عقبها بجم شهر تسافر ولازم نفس الديرة هذه حطت ان زوجها ياب لها ورد ولا هديه الثانيه تحط بثاني يوم ولا عاد لما يستعرضون بعيد زواجهم هذا غير توبكات الواتس اب يا وحدة تنغز الثانيه يا كل وحدة فيهم تحط كلام رومانسي عن زوجها والثانيه تقلدها يعني بيحرون بعض لا والحين سناب جات وزادوا بالاستعراض بعد ضييم ورفيجتي وخواتها يضحكون عليهم مقزرينها عليهم

 

[الراقيه 81]

الموضوع يونس

اب

 

[white ro0oz]

ههههههههههههههههههههه
والله الموضوع يونس صج حريم الحموى فللللللم
حريم حمويني يروحون للمدرسة باجتماع اولياء الامور مو عشان يسالون عن عيالهم لاااا عشان كل وحده تسال عن العيال الثانيه خاف تكون مرت حماها مجذبة عليها تقوم تفضح الجذب جدام حمولتهن
الله لا يشغلنا الا بطاعته

 

[سور المدينه]

انا عندي مرت حمى واحد وعلاقتي معاها محدودة بحكم انها مو ساكنه في نفس المنطقه وانا لاخظت انها تغار بداية زواجنا
لانه يوم الزواج لجة المصورة حقتي حطي عازل بيدخل زوجها حتى المصورة جات اشتكت منها قلت عطيها جوها يعني اكيد ماراح ارضى حتى انا يدخل زوجها وانا بكشختي
وثالث يوم زواجنا شالت اغراضها وراحت بيت اهلها وسوت مشكله كبيره عريضه تبي تطلع بروحها وخلاص منها سكنوا بره وماشوفها الا نادرا

 

[بنوته كيكه]

بنسبه لي لا والله ماغير بس قول ماشاءالله و وتحمد الله علي ان اللي فيه
صدق بعض البنات تقول الناس تغير مني والناس لا تغير ولا شي وفيه ناس تغير حتي من كل شي حتي تغير اذا شافوها تهتهم في زوجها
وناس تغير علي عيشة ناس مع انهم اهم احسن من عيشتهم
الحمدالله علي مل حال
موضوع حلووو

 

[ماكنتوش 1988]

صح والله ماتغار الى الى ماعندها ثقه بنفسها

او تكون شخصيتها ضعيفه مهزوزوة

كل وحده ولها شخصيتها واسلوبها فى الكشخه فليش ا

المقارنه والغيرة