تغطيتي لمدينة عالم زين للاطفال ( خيمة زين )

[Bnt JaBer]

,, كانت لي زيارة بالامس الى مدينة عالم زين للاطفال او خيمة زين الموجودة بجانب مجمع 360 واستمتعت واايد بالانشطة المقدمة للكبار والصغار من مسابقات وجوائز كانت من تقديم تلفزيون دولة الكويت " برنامج سحوبات هلا فبراير " وبرعاية شركة زين والحلو بالموضوع ان الخيمة فيها اكثر من قسم خاص للاطفال يقدر الطفل يمارس هواياته من لعب او حتى رسم , في قسم خاص للعب والمسابقات وفي قسم خاص للرسم وبوجود شاشة تلفزيون كبيرة تعرض افلام كرتونية مثل بارني محبوب الاطفال , اللي شدني بالمكان وجود بوثات لمجموعات تطوعية كويتية شبابية , وكل مجموعة لها اهتمامات مختلفة , انا شغلت كاميرتي وجكجكت بجم صورة لكم​

اضغط ع الصورة لمشاهدتها بصورة اوضح ​


قروب " نشر المحبة " التطوعي كانوا حاضرين باخلاقهم وتواضعهم 


فريق اعداد برنامج " سحوبات هلا فبراير " ومثل ما تشوفون المذيع الخلوق عبد الرحمن الديين  



مجموعة " معاقون "وعجبتني انجازاتهم رغم اعاقتهم برااافو , هناك واايد ناس اصحاء لكن عايشين بلا هدف وعالة ع المجتمع للاسف  

مجموعة " المبرة الكويتية للتنمية الاسرية " وايد عجبتني هالمجموعة لانها تهتم بالمشاريع الاسرية واي اسرة عندها موهبة ان كانت طبخ او خياطة وحابة تسوي مشروع فهالمجموعة تدعمهم , وكانوا عارضين لنا حلويات من صنعهم كان واايد لذيذ هذا من غير بشاشة عضوتهم : رقية : الله يعطيها الف عافية على أطباق الحلو اللي مسويتها كانت واايد لذيذة​

​

حلو قهوة من ايد عضوة مجموعة " مبرة " التطوعية ( رقية ) تسلم ايدج يا رقية >^_^<​

​

وهذا حلو ثاني من ايدها وفي بعد ثالث بس للاسف ما صورته من الزحمة على المجموعة ​



فريق مركز الخرافي ويقدم الرعاية والانشطة الترفيهية للاطفال المعاقين 

فريق ( PK Jaguars ) وكان وااااااو , مبدع بمعنى الكلمة ماشاءالله عليهم شباب موهوب 

من الاطفال اللي كانوا موجودين طرت عشان اصورها وااااااي ياحلااتها مندمجة بمشاهدة بارني ههههههههه

بارني وربعه كان موجود لكن كفيلم كارتوني ممتع للاطفال 

هذا الركن اللي تكلمت عنه بالبداية فيه مسابقات للاطفال 

وهذا ركن اخر فيه يمارس الطفل هوايته من رسم 
 عرفتوه XD 
قناة العدالة تجري لقاء تلفزيوني مع مجموعة " عيالها وقدها " التطوعية ​

​

مقدم برنامج " سحوبات هلا فبراير" عبد الرحمن الديين ومسابقة مع الجمهور​

خيمة زين مكان جميل لقضاء وقت ممتع مع العايلة وخاصة في هذا الجو الجمييل اللي ما يتطوف , تقدرون اتييبون اكلكم وتقعدون على العشب الباااارد وتشوفون عيالكم يلعبون جدامكم بكل فرحة وامان ​

مكانهم بين مجمع 360 والنادي العلمي​

http://bntjaberq8.blogspot.com/2012/02/blog-post_17.html​

اذا عجبج الموضوع اتمنى تدعين بهذا الدعاء ولكي بالمثل ​

اللهم اغفر لها وعافها واعفو عنها ​

واذا ما اعجبج اتمنى الرفع وراح يعجب غيرج ان شاءالله ​

 

[اهذريبك~]

يعطيك الف عافيه على تغطيه ... مازق قصرتي حبوبه

 

[Bnt JaBer]

يعطيك الف عافيه على تغطيه ... ما قصرتي حبوبه

الله يعافيج شكرا لج

 

[دنيا ماتسوى تعاني]

يعطيييييييييييييييييييييج الف عاافيه
ياحلات الكب كييييييك شكله يشوووق *_^

 

[حجيه هيونه]

تسلم ايدج على هالتعب والتصوير والكتابهشكلها يونس بصراحه

 

[Angel_store]

يعطيج العافيه

 

[ام الدرر]

اللهم اغفر ل Bnt JaBer وعافها واعفو عنها​

 

[رموش النمــــلة]

يعطيــــــــــــــــــــــج الف عافية حبيبـــــــــــــــــــــــــــــــتي

 

[بنوته كوووول]

يعطييج الف عاافيه حبيبتي وتسلم ايدينج على هالطرح الراقي والي نابع من اخلاقج
انااا صج انصدمت من الفرق الي من شباب الكويت المتطوعيين مشاء الله عليهم الله يحفظهم