تغليف

[هتان2009]

السلام عليكم
شلونكم بنات ؟

حبايبي انا ابي اغلف تجهيزي ومتوهقه بالقمصان خصوصا البيبي دول احس فشله احطهم بالكبت جذي يشوفهم ريلي ويمكن امه وخواته عاد سمعت ان البنات الحين يسكرونهم باكياس ويبين اذا احد بطلهم

تعرفون وحده تسكرها لي؟

فكرت اشتري الاله اللي تسكر الاكياس بس توهقت ما ادري شنو نوعيه الاكياس اللي استخدمها ووين احصلها يا ليت تفيدوني

 

[شوAشو]

حبيبتي روحي اشتريلج بوكسات وحطي فيها قمصانج وزينها بشرايط عشان تسكرينهم وما ينفتحون وحطي فوقها ورد بالصمغ الحراري
علشان تسكر عدل وجذي يكون شكلهم حلو ومحد يقدر يشوفهم واذا تبطلوا راح تعرفين
عموما حنا نسوي جذي علشان اهل المعرس فشله الشغل هذا معروض قدامهم اذا بطلوا الكبت
اما الرجال في منهم يفتحون لو انه مسكر وفي منهم ما يفتحون وعادي ما في مشكله
ان شاء الله افدتج وبالتوفيق

 

[هتان2009]

مشكوره اختي ع الفكره اذا ما حصلت هالاكياس بسويها ان شاء الله

 

[ضي الدنيا]

انا رايي جنطه قمصانچ تظل مصكره ويحطونها لج ورا الباب او بالكبت وباقي اغراضج يرتبونهم لچ



لانه مو حلوووه احد يشوووفهم .،


ورا العرس انتي فتحي الجنطه ورتبي شغلج



وعسسى الله يوووفقج ويسعدج ياااا غناااتي

 

[ابيك م ابي غيرك]

انا اقوول حطيهاا ببوكسااات احلااا

اهي والملابس الداخليه ..

 

[هتان2009]

مشكوريين حبايبي ع نصايحكم
خلاص بحطهم ببكسات ان شاء الله

 

[سنيوريتا الحب]

بوكس وغلفيه بنفسج وبشرايط عشان تعرفين اذا انفتح او لا

 

[متجر جنات عدن]

للررررررررررررررررررررررفع