تغيـــراتنا في بيت أهلـــي حق (( نفــــــااااسي ))

[الأميره أسماء]

السلام عليكم

بنات انا ان شاءالله ولادتي شهر 8 وبنغير اثاث الصاله والالوان وايضاً غرفة نومي الي في بيت اهلي حقي انا والبيبي للنفاس


وان شاءالله ناوين نغير الصاله قبل رمضان لا بـ رمضان ماكو وقت و ورا العيد بكون ثقيل وتعبانه مو صوب شي فـ حابه اغير ع شهر 6 ان شاءالله

حابه انكم تساعدوني باللوان

يعني صالتتا الحين الالوان والاثاث درجات الاخضر الفاتح مع الزيتي الغامج شحلاتها تهبل ذوق ماما

بس انا حاطه في بالي هالمره ابي ابيض ساده ونقشات بنفسجيه نااااعمه وطوفة التلفزويون ورق جدران بنفسجي منقش والقنفات بنفسجي درجات انا شايفتها من قبل

فاهمين قصدي بنات يعني الصاله كلها ابيض ساده بس مجرد نقشات ناااعمه بالون البنفسجي تكون متفرقه و قليله لان القنفات والبرده بتكون درجات البنفسجي وعشان يكون في شي ملحوض الطوفه الي فيها التلفزيون بتكون ورق جدران

الغرفه الي بكون فيها انا والبيبي حابه انها تكون اوف وايت والديكور درجات البيج

شرااااايكم عفيه ساعدوني ابي صور ابي افكار عادي حتى لو مو نفس الواني الي ابيها اقدر اخذ واغير

بس ساعدوني عفيه

 

[sunshine22]

اممم

مادري انا اهلي تو مغيرين صالتنا شارين اثاث جاهز من الشويخ
بس غالي الطقم الواحد على 3 الالاف من نوبلز وذي كاسل

وكونسولنا ما غيرناه لانه كان طلبيه من ايطاليا ومطلي بماء الذهب يعني اثري وخرج صالات فعلاااا

طوفه الصاله الرئيسيه ما حطيناها ورق جدران
كان عباره عن سيراميك ابيض خاص للصالات من حسن ابل الطوفه بروحها بالف دينار بس غالي حيل سيراميكه

بس لانه من سنين ما غيرناها قطينا هالمبالغ



غرفتي النفاس انا صبغتها رمادي

وشريت اثاث من ايكيا كله لونه احمررررر ساعه + طاوله + سله ملابس + اباجوره ))
وحطيت تلفزيون بلازما
صار شكلها نااااايس وفنكي
وسريري ماغيرته لانه طبي

 

[ام فواازي]

مادري الوانج مو حلوه ومو عمليه بنفسجي وابيض بسرعه بتتوصخ و شكلها مااعتقد بيكون حلو
هذا راي انا اهلي توهم مغيرين الصاله لنفاستي و مختارين البيج بالزيتي المايل عالبيج مع اسود بسيط صاير شحلاته و الطوفه الصوب اللي مكشوف ورق جدران والباقي اللي ورى الغنفات صبغ بيج ساده غرفة الاستقبال حلاتها من غير تلفزيون
وبالنسبه لغرفتي ماطرى علي اغيرها خوو ليش محد بيدخلها هذا رايي

 

[راقيه وجذابه]

ام فوازي انا صالة اهلي بنفسجي بسلفر روووووعه والله كل من جانا سأل عن القنفات واكسسوارات الطوف

انا اشوف ان البنفسجي رسمي وحلو وبالنسبه لغرفة نومج انتي والبيبي حلوه الالوان الهاديه مثل الاوف وايت البيج البني الفاتح مع درجه افتح

وعسى الله يقومج بالسلامه

 

[ام اغلى الناس]

انا احب البنفسجي
بس احسن تفرين بالضجيج على محلات ورق الجدرران
او حولي

 

[انسام الكويت]

بالعكس الالوان اللي اخترتيها لصاله حلوووه والبنفسجي حلو يعجبني دايمن اشوف بالمجلات صبغ البنفجسي وورق الجدران حلوووو ويهبل واتوقع بيطلع حلو اذا كان الاختيار صح والاخت اللي تقول موحلو يتوصخ الابيض هاذي صالة لضيوف مو لليهال عشان اتوصخ بسرعه ...

وبالنسبه لغرفتج حلو ذوقج انا احب درجات البيج الوانه هاديه وكل شي يلوق عليه وحق النفاس زين بروحه النفاس ضيقه وهالالوان تهدي احسن من الغوامج واهم شي لاتنسين التلفزيون لازم يكون موجود يونسج عن الملل والضيقه .*

 

[om_3azoz]

بالعكس حلو البنفسجي بالابيض

وحق غرفتج حلو بيج احسن احسن هاديه ولاتسوينها خبه


والله يقومج بالسلامه ويسهل عليج يارب

 

["*آآآنؤؤؤقهـ*"]

حلووو البنفسجي بس مع الابيض لااااا مانصحج

حطي مع البروونز الفااااتح خيااال ...


وغرفتج خليهاا لون بييييج اووو رماااادي فااتح ...

والله يهنيكم ويهون علييج

 

[أكذب عليك]

الله يقومج بالسلامه يارب
ماحبيت البنفسجي والابيض حق صاله صراحه
اصلا نصيحه دشي النت وبس شوفي ديكورات 2012 والالوان
وروحي ابيات وصفاة هوم وغيرهم من محلات الاثاث بيشيب راسج من الافكار والالوان
حتى اورق الجدران روعه
انا توني شايفه صاله رفيجتي الديكور ابيض الاكسسوارت ذهبيه تجنن الطوف ورق جدار شغل ناعم حيل ذهبي
الغنفات اطاراتهم ذهبيه ولونهم ابيض والكوشيات اللي عليها تركوز وذهبي واحمر وفضي
والفرشه ع لون وحده من الكوشيات والسيراميك كان في شغل ناااااااعم ذهبي شي بروفيشنال صراحه وراقي حيل
او ماشفته قتلهاا منو مصممها لكم وبعدين طلعت كذا فكرا ماخذينهااا من النت حيل عجبتني الله يهنيهم يارب

اما غرفتج انتي والبيبي البيجيات حلووه بس هم يبيلهااا افكار وتنسيق وترتيب

 

[ام الحلوااات]

اااااااااااااااااب

 

[امواج الكويت]

حلو البنفسجي بس لا تحطين ابيض حطي درجة الرمادي الفاتحه حيل اللي اغمج من الابيض بدرجات بسيطه

 

[Bloom]

وووووايد حلو البنفسجي والابيض والسلفر ودخلي جم قطعه اخضر فاقع يطلع واااااااو

بحمل الصور مو راضي يشتغل مال تحميل الصور

 

[الأميره أسماء]

بنات ساعدوني بعد

اب
اب

 

[دلال و غلا]

حلوين الاختيارات اللي حطيتيهم 

بس لو تزيدين ع البنفسجي السيلفر او البرونزي بتطلع احلا

و ربي يهنيكم يالغلا

 

[مشتطـه]

زوغه البنفسجييييييي


وحلوة حيل فكرتج وطريقتج