??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[نـعـومـه]

رد: تجمع مواليد (ديسمبر) و??(يناير)

شلونكم




حلوه طريقتج مرمر بس يعتمد إذا تنامون مبجر مثلا 10 11 هنيه اوكي لاتاكلون عقب 6 بس اذا مثلا تنامون 2 3 هنيه صعبه بتيوعون

هم إذا كنتو ترضعون تيوعون أسرع ومجهود رضاعه وماكو اكل كلش !

حاولو عقب 6 ادخلون فواكه خضره جذي وقبل نوم بساعتين هنيه ولاشي تاكلون واحس اهم شي الحركه

 

[سكوووون]

رد: ?تجمع مواليد " مااايو " 2016 بإذن الله ?

ليدي احس الوزن كبير بهالوقت بس على حسب انتي جم وزن عيالج بالعاده
وفي حريم مايزيد وزن الجاهل حيل بالتاسع وفي العكس وانا منهم
بالثامن مايزيد البيبي لكن من ادخل التاسع يفرق الوزن حيل

ومع هذا اهتمي بالاكل الصحي وشيلي الوزن من بالج لان موشرط صح والله انا ولامرا ضبطت سالفة الوزن معاي دايما يعطوني وزن واجيب اقل

 

[شيهانه شماليه]

رد: مواليد شهر نوفمبر 2016

اهلين روزلين كان عندي ظرف بالبيت الجمدلله على كل حال

منو يراجع عند دكتوره فوزيه ؟؟
المراجعه اللي طافت دكتوره كانت موموجوده دخلت على دكتوره ثانيه ان شاالله هالمراجعه تكون موجوده

هلا موجه ماتشوفين شر ونورتي القروب من جديد ?


مادري عن دكتوره فوزيه بس اسمع عنها مدح الله بوفقج

 

[شيهانه شماليه]

رد: مواليد شهر نوفمبر 2016

بنات شلون المراجعه كل شهر ولاشنو نظامكم

روزلين اي كل شهر اذا حددتي العياده اللي تراجعين فيها اهي بعد كل مراجعه تعطيج موعد



انا مراجعتي الاسبوع الجاي باذن الله

 

[خوخه89]

رد: ?تجمع مواليد " مااايو " 2016 بإذن الله ?

مرحبا بنات اخباركم

شدني موضوع الوزن

ترى السونار مايعطي الوزن صح يعطي تقريبي

والاغلب يكون غلط والياهل يطلع انزل من وزنه فالسونار

 

[خوخه89]

رد: تجمع مواليييد شهر يوليووو (7) حياكم الله

ليااال اخبارج وشمسويه ؟؟

لج وحشه والله

عرفتي شفيج بنت او ولد ؟؟؟

 

[bnoota_]

رد: تجمع مواليد (ديسمبر) و??(يناير)

نعومه هاذي المشكلة إذا البيبي يسهرج وماتنامين للفجر
ماتقدرين تتحملين
بجذي لازم نأخر العشا لي 8 أو 9
وسناك أخير فاكهه أو خضرة
وصاجة اللي ترضع تحتاج الأكل
الله يعين

 

[شيهانه شماليه]

رد: مواليد شهر نوفمبر 2016

مادري اشصار على نود الجنوب


يارب تكون بخير وتطمنا

 

[موجة ~ بحر]

رد: مواليد شهر نوفمبر 2016

الشر ماييكم حبايبي

منور القروب بوجودكم

 

[! فيهـآ دلـع !]

رد: ?تـجـمـع مـوالـيـد أكــــ2016ــتـوبــر ?

صبااح الخير ,,

اشلونكم بنااات شخباركم ..؟

يالله شدو حيلكم خلون ا نفتح اي موضوع خلوو التجمع ينتعش اشووي

متى ناوين تجهزون واشلون طبيعة الاستقبال الي ناوين عليه ؟

 

[! فيهـآ دلـع !]

رد: ?تـجـمـع مـوالـيـد أكــــ2016ــتـوبــر ?

سلطانة رووحه اشلوونج ؟ وشخبار بنوتج ؟

الثقل والله تو الناس عليه اللوعه الله يعينج تكدر الواحد

وبخصوص الجنس الله يرزقج بالي تتمنينه واهم شي الصحه والعافيه

 

[tota77]

رد: ?تجمع مواليد " مااايو " 2016 بإذن الله ?

صباح الخير ..


لاتحاتون الوزن .. انا ببجري قالتلي قريب الـ 4 كيلو وولدت اخر يوم بشهري وطلع 3و100

بس بالثاني دكتورتي شاطره يابت الوزن بالضبط بس فرق 100 او 200 جرام مو اكثر ..



..

وانا مراجعتي كانت قبل اسبوعين وزنه كان كيلوين .. وباجر مراجعتي بعد خشوف جم صار


ماباقي شي وانا للحين ماخلصت شغل الحلو والموالح حدي ثقلانه


امس وانا طالعه من الدوام يطني متحجر حسيت اني بولد بالزحمه .. واول مارديت انسدحت ارتاح والكحه ذابحتني


بعدها رحت اجيل البيت وصرت بيب بيب بالجمعيه بخلص بسرعه لان حسيت بعوار وهم بطني تحجر

 

[tota77]

رد: ?تجمع مواليد " مااايو " 2016 بإذن الله ?

والله ادعي ادعي ان الله يسهل علينا ويقر عيونا


وابي اولد قبل تاريخ 15 من الثقل والتعب الي انا فيه .. اول مره اتحلطم على حملتي جذي

 

[! فيهـآ دلـع !]

رد: ?تـجـمـع مـوالـيـد أكــــ2016ــتـوبــر ?

صج نسيت اقولكم عندي اسعار دار الشفاء

لي رديت البيت او اليوم بليل أصور لكم

 

[اختكم نونا]

رد: ?تجمع مواليد " مااايو " 2016 بإذن الله ?

وايد مبجر نطري لي الرابع وبلشي مراجعات


اول مراجعه 40 وتالي تشوفج مره بالششهر ب 20

واذا طوفتي بالاشهر ترد تاخذ 40

ابي اسمع نبض الجنين وانا عندي هبوط بالرحم ابي اتاكد من وضعي

جنج تدرين اني اطوف اشهر ههههه

 

[اختكم نونا]

رد: ?تـجـمـع مـوالـيـد أكــــ2016ــتـوبــر ?

فيها دلع عفيه صوريلي ولاده اذا دكتوره من بره

 

[اختكم نونا]

رد: ?تـجـمـع مـوالـيـد أكــــ2016ــتـوبــر ?

بناااات منو شاف القرار اليديد

تخفيف ساعات عمل حق الحامل من الشهر السادس؟؟

 

[ليال_الجنان]

رد: تجمع مواليييد شهر يوليووو (7) حياكم الله

هلا اخت خالتهم وخوخه شخباركم وقروب الواتس اب .. تعالو هني يصير نفس ما كنا بدايه التجمع اكثر قروب تسولف

شلونج خالتو اي انا احب حسبه الاسابيع مضبوطه بس لما الناس تسال انتي اي شهر اتوهق اقول مادري يمكن بالخامس او السادس لووول.. بديتي تجهيز؟ طبعا مادري عنكم والقروب شسموي تعالو هني لا تخونون للولاده

خوخه حبي شلونج شخبارج

انا حالتي حاله من هالحمال .. ما شالله فيني توام بنات .. كان ودي اولاد بما عندي بنتين بس الحمدلله على عطايا ربي
بس وضعي كلش تعب تعب تعب تعب مو طبيعي وكل يوم تحت بطني عوااار الله لا يوريج

الله يعين على باجي الاشهر.. احس نفسي بالتاسع

 

[صيتة الحربي]

رد: ?تجمع مواليد " مااايو " 2016 بإذن الله ?

سكوووون ـــــ 4مايو


كتكوتة حبيبي ـــــ5مايوم



قطريةـــــ5مايو


الحلا محتويني ــــ6مايو


صيتة الحربي ـــــ11مايو



راحيل ـــــ 16مايو




lady bug ـــــ 27مايو




Meme11 ـــــ 18مايو

بدوية ـــــ20مايو

انتيكاـــــ21مايو

totaـــــ21مايو

Catـــــ 27 مايو

حساوية ـــــ29مايو

ست الحسن ــــ29مايو



الله يسهل ويسر امر الجميع

 

[أحـلام * ورديـة]

رد: مواليد شهر نوفمبر 2016

بنات شلون المراجعه كل شهر ولاشنو نظامكم

اي روزلين المراجعه كل شهر

بس انا رحت اكثر من مره عشان الدم اللي كان ينزل