??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[اختكم نونا]

رد: تجمع مواليد (ديسمبر) و??(يناير)

المهاد لازم انا ساعات لي 10 شهور امهد حزه النوم طبعا

لانه الياهل يتفزز بالنومه بدون مهاد ويقعد يبجي بدون سبب يخاف من ايده ويتحرك فجاه يخترع وتعالي عابلي

اما اذا نظيف وشبعان وتريع ومهدتيه ينااااام ويطول

وانا احب مهاد اللزق اريح

 

[اختكم نونا]

رد: تجمع مواليد (ديسمبر) و??(يناير)

بنات تبون الصج لا كورسيه ولا مشد ولا غيره

اغلب البنات يسسون عمليه شد عضلات البطن

او يسوون علاج طبيعي حق عضلات البطن عشان ترد

محد فيهم يقول انا اسوي هالشي نحاسه

اذا لقيتي بطن مشدود معناته عمليه او علاج طبيعي والي تبي تتاكد من حالتها تروح حق دكتور علاج طبيعي ويحدد اذا يصير او عمليه

 

[.:lady bug :.]

رد: ?تجمع مواليد " مااايو " 2016 بإذن الله ?

اي الصبغ انا اخر شي كلعالده طبعا


التجهيز شوبه قمصان وبجايم ستان

من ماكس مفكره هذا اذت كان جايب شي سنع

وشويه نفانيف بس الي يكون حق الظهر والبيت عرفتي

مكياج جديد


تو شريت كريم من فير اند وايت يمدحونه للويه وبنفس الوقت يذمونه


احترت وايد



ف شرايكم شنو احسن شي للوجه


مارح اجيب رداده


بجيب الصينيات دام متعوده عليهم


ياربي اذا رمضان للحين مايا وانا اطلع اخره


الوقت يمشي بطيء


بنات يبيلي زفه مااكل عدل وايد مهمله

حتى عصيده مره كليتها


حدي مهمله اشفيني

 

[اختكم نونا]

رد: ?تجمع مواليد " مااايو " 2016 بإذن الله ?

ليدي انتي طالبه كورس نفاس من ام خالد ماشيه عليه ولا لا

عاد تدرين سمعت معلومه انه الردادات يردون الجسم مايخلي الجسم عريض وخصرج يرد

انا ماجربت صراحه بس راح اجرب بالنفاس الياي ان شاء الله

الصينيات عجيب تدليكهم بس مره يبت وحده وايد مادحينها بالمنتدى اسمها لولو تسوي كاسات هوا ب٤٥ دينار تقول ارد لج الحوض لانه متفجج عقب الولاده
سوت كاسات هوا على حوضي يعووور يذبح العوار جد ماقدرت اتحمل

تدرين ببنتي كان فيني عرج النسا لين ولدت وحملت بولدي


بس يوم يبت الصينيات الحمدلله راح

 

[اختكم نونا]

رد: ?تجمع مواليد " مااايو " 2016 بإذن الله ?

انا شعري راح فيها يطيح حيل من الحمال

بس ان شاء الله باخذ حبوب شعر بالنفاس وبصبغه وبقصه وبسوي بروتين بس ناويه على صبغه خطيره هههه مع اني حنطاويه مايلوق علي كل شي بس ببيعها

 

[اختكم نونا]

رد: تجمع مواليد (ديسمبر) و??(يناير)

بنات تره مذركير مسوي تنزيلات

 

[احبك ليش؟]

رد: مواليد شهر نوفمبر 2016

اليوم اول يوم صيفي بالجامعه صج تعب و الحر و الزحمه تذبح والله مفكره اسحبه بس اقول حرام كله شهر و شوي لان احتمال الكورس الاول اوقف قيدي لان راح اولد بنصه و مابي اتأخر بالتخرج محتاره والله اكمل ولا اسحب كل دقيقه راي

 

[اختكم نونا]

رد: مواليد شهر نوفمبر 2016

اليوم اول يوم صيفي بالجامعه صج تعب و الحر و الزحمه تذبح والله مفكره اسحبه بس اقول حرام كله شهر و شوي لان احتمال الكورس الاول اوقف قيدي لان راح اولد بنصه و مابي اتأخر بالتخرج محتاره والله اكمل ولا اسحب كل دقيقه راي

بالعكس الصيفي مايتطوف خاصه اذا مواد دسمه تفتكين منهم

واذا ولدتي بنص الكورس ليش توقفين قيدج؟ عادي داومي وخلي الياهل عنداحد لين تردين

او مثلا سجلي 3 مواد بس ويتصادفون يومين او 3 ايام بالاسبوع عرفتي انا سويت جذي كنت ماخذه مواد يومين بالاسبوع بس

 

[اختكم نونا]

رد: تجمع مواليـــد شهر ديـــسمبـــر 2016 (2016/12) ? ..

مالكم حس نايمين قومو صحصحو شصار وياكم

 

[اختكم نونا]

رد: تجمع مواليـــد شهر ديـــسمبـــر 2016 (2016/12) ? ..

مذهله متى موعد تاريخ ولادتج

 

[كويتاويه2009]

رد: تجمع مواليد (ديسمبر) و??(يناير)

والله المشد الاندونيسي اشوفه حلو اذا لفيتيه عدل وشديتي ظهرج وعقب الاربعين لازم تمارين للبطن وكورسيه الحراري

ع المهاد اهو صح ينوم البيبي بس عاد بهالعمر خطر لان اسم الله عليهم بدو يقلبون

 

[كويتاويه2009]

رد: ?تجمع مواليد " مااايو " 2016 بإذن الله ?

ليدي ابشررري انا اول وحده بتزفج

انتي من صجج ماتاكلين تبين تخربين!! وبعدين البيبي شلون بترضعينه حرام اكلي عشانج وعشانه ساعتها تقولين ياليتتي تنفست عدل واصلا اول فتره بذات هي المهمه وركزي ع الشوربات والاعشاب وابتعدي عن الخبز والمعجنات والعيش العصيده والمرقوق حلوين بس لاتكثرين اول الايام ركزي ع الشوربات عشان تنظفج عدل

نونا اسدحي رقم الصينيه ودي فيها عطامي مفججه للحين

 

[اختكم نونا]

رد: ?تجمع مواليد " مااايو " 2016 بإذن الله ?

كويتية هذا رقمها 66137303

الصينيه لولو قوليلها نفاس ترديد ولاده اذكره ب٤٥ دينار
تسوي نار على بطنج وتحط بأذنج عشان يطلع الهوا وتردلج الحوض

وانا جربت صينيات عاديين يسوون كاسات هوا بس ضيعت ارقامهم

 

[اختكم نونا]

رد: ?تجمع مواليد " مااايو " 2016 بإذن الله ?

الي تبي مساج ريلاكس عجيب فيه انواع من صالون بنكي بار
الساعه ب ٢٣ دينار
تايلندية

90066561

 

[.:lady bug :.]

رد: ?تجمع مواليد " مااايو " 2016 بإذن الله ?

نونا
الشعر اذا بلشتي حديد وفيتامينات يرد شعرج


اي ماشيه ع كورس ام خالد



كوكو شسوي
انا اكثر شي مشروبات دافيه


انا اييب الصينيات

 

[اختكم نونا]

رد: ?تجمع مواليد " مااايو " 2016 بإذن الله ?

ليدي عندنا طبخه لازم يسوونها حق الي تولد مفييده

ديايه او صدور دياي بالعظم فريش

طبعا تنظفينها بعدين تييبين بصله وتحمسينها وطماطه مفرومه وبهارات وتصبين ماي تخلينها تفوح نص ساعه بعدين تزيدين الخضره الي تبينها بطاط جزر كوسا قرع واذا تبين تحطين شعريه صغار مالت الشوربه

حيل مفيده تاكلين الدياي والخضره ومروق الدياي كله مفيد وماتاخذ وقت طبعا بدون خبز ولا عيش

تقدرين تسوينها بعد على لحم عربي بس يطول

 

[أحـلام * ورديـة]

رد: مواليد شهر نوفمبر 2016

عيل يا دكتورتج مو شاطره او فيج بنت

ان شاءالله يا رب يكون فيني بنت

 

[أحـلام * ورديـة]

رد: مواليد شهر نوفمبر 2016

اليوم اول يوم صيفي بالجامعه صج تعب و الحر و الزحمه تذبح والله مفكره اسحبه بس اقول حرام كله شهر و شوي لان احتمال الكورس الاول اوقف قيدي لان راح اولد بنصه و مابي اتأخر بالتخرج محتاره والله اكمل ولا اسحب كل دقيقه راي

من رايي لا تسحبين

بس الكورس الاول لا تداومين وقفي قيدج

اهو صج حر وتعب بس عشان تخف عليج المواد

وانتي بالاخير تقررين تقدرين ولا لا

 

[أحـلام * ورديـة]

رد: مواليد شهر نوفمبر 2016

وهم صح كلام نونا اخذي مواد خفيفه

 

[اختكم نونا]

رد: مواليد شهر نوفمبر 2016

ان شاءالله يا رب يكون فيني بنت

امين يارب الله يعطيج الي تتمنين بصحه وعافيه

عاد البنت غييير دلع دلع