مشكووره حبيبتي حلوه سبيشل انج رديتي علي*
التفاصيل : سويت العمليه عند الدكتور منذر العجمي يوم 13/ 12 / 2011 كلفتني 1300 مستشفى الهادي دفعت 1000 بالعياده و300 مستشفى قعدت لي الساعه 9 بالليل وطلعت عمليتي بدت الساعه 2
التحاليل سويتها ب 33 والصور 18 عند فوتيكينا بدن مكياج اهم شي
سبحان الله سالفتي سهالات و مارحت الاعند هالدكتور وارتحت وباسبوع كنت خالصه كل شي تحاليل وتصوير وخذيت موعد يعني خييره لي اني سويتها عنده والنتيجه*
ليلحين منفوخ من فوق صوب العظم بس وهو منفوخ شحلاته مادري ليلحسن مومبين بس القصه*
حلوه حتى اول مره لما فكيت الجبيرة الدكتور قال رووعه ماشاء الله بس يبيله وقت*
اول 4 ايام ازعاااااج مو عوار كلش مافي عوار بس الخشم مسكر والتنفس من الحلج ومافي احساس*
بطعم الاكل بس من فكيت الجبيره الثانيه بديت احس بالطعم*
*بس في شيئين حيييييل ضايقوني المستشفى عند الدخول كانج بحراج ومافي غرف تخيلي المفروض عمليتي*
الساعه 1 وتاخرت علشان مافي غرف مع اني رايحه مبجر وهواش وصراخ ووافدين يعني مستشفى اكسسسسسسسسس كبييير اروح مستشفى حكومه ولا اطب الهادي بعد توووبه*
ثاني شغله وقت العمليه ماحطولي بربيش بول عزكم الله حطولي قطعه بلاستك ومااااااااقالولي عقب مافكيت الجبيره الاولى ثامن يوم طاحت مني واختررررعت حتى ماكنت اعرفها اختي قالت لي انها سداده علشان عمليتج قصيره بس المصيبه ماقالولي 8 ايام وهالبلاستك موجود وانا ما ادري عنه لما طاح بروحه ومادري متى حطوه
رجااااااااءً بنات انتبهووو انا مادري منو اللي حطها فيني يمكن ممرض رجال خوو انا مخدره ما ادري عن عمري*
وبس هذي تجربتي وان شاء الله احاول انزل صور لان صورت قبل العمليه وكل يوم قاعده اصور*
*:d
