&&& تـخـفـيـضـات المـاجد للـعود ( مشتريـاتي ) &&&

[جولينار]

صباحكم ,,, عطر


ومساكم ,,, دخوون





اليوم كنت بالمول وفجأة شفت الماجد للعود وعندهم

تخفيضات 50%

دخلت وقلت بس بشوف والحاصل اخذت شغلات خفيفة

وماقدرت اقاوم الاسعار




معمول الماجد للاستخدام اليومي للبيت مرره نايس

وسعره 25 ريال سعودي





مبخرة صغنونه وحلوه بكشخ فيها برمضان

وسعرها 15 ريال سعودي




فواحة ريما مااذكر بكم بس بنص سعرها اكيد ورخيصه







وصراحة حطيت الماجد ببالي بروح له بعد كم يوم شغلاتهم

ماتتفوت


ابي كل وحده تسدح الأغراض اللي استفادت منها وطلعت


حلوه من المااجد


عشان الكل يستفيد .,.




عن نفسي


عطر ريما والعاذرية وخلطة 7 روووعه


ومعمول العروس اللي ب20 ريال الحبة بعد حلو على

فكرة صاير ب 10 الحبة


بس ماحبه لان اضطر اقصصه اجزاء وحوسه



وانتم بنات وش المنتجات اللي تعجبكم وجربتوها ؟؟

 

[ޢޢޢإيمانޢޢޢะۣۨ>]

رد: &&& تـخـفـيـضـات المـاجد للـعود ( مشتريـاتي ) &&&

عليج بالعافية حبيبتي
تتهنين فيهم
ما أدري إذا عندنا الماجد بالكويت ؟
​

 

[وافرر]

رد: &&& تـخـفـيـضـات المـاجد للـعود ( مشتريـاتي ) &&&

عليك بالعافية قلبوو

 

[جولينار]

رد: &&& تـخـفـيـضـات المـاجد للـعود ( مشتريـاتي ) &&&

يعافيكم صبايا


انتظر تجاربكم



اممم والله ماادري بس اتوقع فيه الماجد بالكويت

 

[فدوووو]

رد: &&& تـخـفـيـضـات المـاجد للـعود ( مشتريـاتي ) &&&

عطر العاذريه كلن يمدحه

وودي والله خيتوو اروح واقش عشرين شغله لرمضاان وللعيد

طيب سؤال الى متى هالعرض؟؟

 

[جولينار]

رد: &&& تـخـفـيـضـات المـاجد للـعود ( مشتريـاتي ) &&&


اتوقع قبل رمضان ينتهي


يعني الحقي نفسك هالاسبوع

 

[الدلـــع كله]

رد: &&& تـخـفـيـضـات المـاجد للـعود ( مشتريـاتي ) &&&

عليج بألف عافيه حبيبتي ..
والماجد رووووعه ماعليه كلام

 

[زوجة عزيز]

رد: &&& تـخـفـيـضـات المـاجد للـعود ( مشتريـاتي ) &&&

عليج بستين الف عافيه حبيبتي

 

[جولينار]

رد: &&& تـخـفـيـضـات المـاجد للـعود ( مشتريـاتي ) &&&


تسلمون صبايا


بس ماقلتو وش تشترون من الماجد اشياء مجربه وحلوه


لاني ودي اروح بعد يومين واخذ لي شغلات منهم بحكم التخفضيات

 

[ام ساره 4]

رد: &&& تـخـفـيـضـات المـاجد للـعود ( مشتريـاتي ) &&&

والله ما عندي فكره ما اعتقد عندنا عطورات الماجد بالكويت بس قبل فتره وحده نزلت موضوع ان ريحة بيتها أسطوريه والكل يسألها عن ريحة بيتها والسر فواحة العادريه من عطورات الماجد ...... عليج بالعافيه حبيبتي

 

[جولينار]

رد: &&& تـخـفـيـضـات المـاجد للـعود ( مشتريـاتي ) &&&


يعافيك ياقلبي


ايه اذكر هالموضوع تبع فواحة العاذرية


نورتو

 

[فديت حبوبي]

رد: &&& تـخـفـيـضـات المـاجد للـعود ( مشتريـاتي ) &&&

عليج بالعافيه تتهنين فيهم انشالله

 

[لهفة عشق]

رد: &&& تـخـفـيـضـات المـاجد للـعود ( مشتريـاتي ) &&&

عليج بالعافية قلبي

بس بسألج في اي مجمع عطورات الماجد
انا من الشرقية و على كثر روحاتي المجمعات مااذكر اني شفته؟؟ و نفسي حيل بفواحة العاذرية البنات شوقوني عليها

 

[جولينار]

رد: &&& تـخـفـيـضـات المـاجد للـعود ( مشتريـاتي ) &&&


نورتو بنات



لهفة الشوق انا مو من الشرقية


بس شفت لك فروعهم ع الكيس


الدمام

مارينا مول




الخبر

فينيسيا مول




الاحساء

العثيم مول

 

[noona90]

رد: &&& تـخـفـيـضـات المـاجد للـعود ( مشتريـاتي ) &&&

عليك بالعافيه ياعسل

 

[أم فهد ..~]

رد: &&& تـخـفـيـضـات المـاجد للـعود ( مشتريـاتي ) &&&

إيييه آلمآجد
مو طبيييييييييعي
خيال ف خيال
احلى عطوره مميز
وخلطاتهم تهبل
مو موجود بالكويت للاسف
موجود بالسعوديه
بالرياض وجده والدمام وحفر الباطن
خصوماتهم تبدأ
من 25 شعبان لين العيد

وامي ما تشتري الا منه
والكل يسالنا عن عطوراتنا وبخورنا الي نجيبه منهم

 

[جولينار]

رد: &&& تـخـفـيـضـات المـاجد للـعود ( مشتريـاتي ) &&&

ام فهد نورتي

ياليت تذكرين المنتجات اللي تشترونها من الماجد

 

[أم فهد ..~]

رد: &&& تـخـفـيـضـات المـاجد للـعود ( مشتريـاتي ) &&&

انا بنت ام فهد
إن شاء الله اصورهم لج الحين

 

[أم فهد ..~]

رد: &&& تـخـفـيـضـات المـاجد للـعود ( مشتريـاتي ) &&&

التصوير عَ السريع

عطر مميز شبه خالص < مدمنه عليه
صج صج صج خيال
وفيه بعد خلطة المعاريس للفرش تهبل
للاسف خالصه وموصين ناس من السعوديه يجيبونها لنا
وامي " ام فهد " الاصليه
تقول مجمع مترو الي بالفروانية تحت يبيعون كذا منتج من منتجات الماجد
تقريبا نفس السعر

 

[أم فهد ..~]

رد: &&& تـخـفـيـضـات المـاجد للـعود ( مشتريـاتي ) &&&

العلبة الكبيره الي ورى
اسمها دخون الشيوخ
مبثوث مع ملعقه
كلمة روعة قليلة بحقها
بالاضافه الى مميزه
وريما و العاذرية
وعود الماجد
وككثير اشياء عند امي من الماجد
بس هذيلا الي قدرت اصورهم