تــان BaNaNa BoaT

[زوجي نظر عيوني]

صباح الخير
انا قريت موضوع للعضوة احب الككاو وسالوها البنات عن التان اللي مسويته وقالت هذا من مصر واسمه
( BaNaNa Boat ) وانا دورت وحصلت 3 انواع منه فياريت اللي جربتهم تعطينا رايها او خبر عنه وانا بخاطري بشي من غير الشمس لا تقولون روحي البحر او قعدي تحت الشمس بصراحه صعبه بما اني متحجبه وشمسنا مثل النار
الحين بحطلكم الصور واللي مجربها بليز يقول وهل ينفع احطه على ويهي والالا

الأحمر

الأحمر هو التان المميز لدى بنانا بوت، يتميز بالصبغة الذهبية الداكنة مقتطف من خلاصة الجزر، وهو منتج يصعب الحصول عليه، وينوّه أنه بدون حماية من أشعة الشمس.



الأصفر

الأصفر التان صاحب الفعالية الكبيرة في صبغ البشرة باللون الداكن مع مرطب فعال للبشرة من خلاصة الصبار والجزر، مع حماية من أشعة الشمس بنسبة 4 SPF



البنفسجي

البنفسجي التان الأكثر ميزة ضمن التشكيلة، يتميز بالحماية الفعالة للبشرة من أشعة الشمس بنسبة 15 SPF
ويتضمن خلاصة الجزر وتركيز الصبار، مع مقاوم للمياة، فلا تأثر فيه، ويعطي البشرة لون داكن مميز.






وبس ياريت اللي يعرف يعطينا خبر
تحياتي لكم

 

[ناااني]

يشرفني اكون اول وحده ترد
حبيبتي هذا لازم تقعدين بالشمس ولووووووونه فضييع
انا استخدمت الاحمر اهو اكثر واحد يصبغ وهم الاصفر يصبغ بس مو نفس الاحمر
اما البنفسجي ما يصبغ لانه في حمايه وايد واهو معروف كل ما زادت الحمايه قل لون الصبغ
وبالنسبه لي بالشمس احسن من الصالونات عالاقل شي طبيعي مالج خلق لوويه قعدي بالسطح شوي
الصالون يسوونه زوين بس ريحته وييع وساعات يبقع الجسم مكان فاتح ومكان غامج من الغسيل وبأسبوع رايح اللون
وبالنسبه حق ويهج حطي الي في حمايه احسن اما جسمج عادي
انشالله اكون فدتج

 

[زوجي نظر عيوني]

تسلمين ياغلاتي ماقصرتي انزين يايبته من مصر والا موجود هني ؟

 

[زوجي نظر عيوني]

شدعوه 22 مشاهده ومحد راد الا وحده

 

[ناااني]

اهو من مصر انا شريته من وحده عندي بالبلاك بيري
اذا تبين بقولها او اعطيج رقمها

 

[ro7e t7bek]

هالتان كنت ادور عليه وماحصلته اهني قالولي مو موجود بالكويت ياريت اللي تعرف احد يبيعه تقولي بليييييييييييز

 

[nani_668]

رد : تــان BaNaNa BoaT

ما ادري

 

[ناااني]

ايي ماافي منه بالكوويت
انا شاريته من وحده تبون رقمها ؟؟

 

[noorq8]

اذا تبون أعرف واحد يبيعه بحاول اجيب رقمه .

 

[ناااني]

67678973
هذا رقم المرا الي تبيعه دزولها مسج وتوصلكم ومادري اذا تستقبل اتصالات ولالا
بس انا دايما اطرشلها مسج وترد علي بنفس الوقت

 

[$ النيره $]

,


آب



[ ]

 

[زوجي نظر عيوني]

مشكوره حبيبتي ماقصرتي بدق عليها بس جم سعره ؟

 

[ناااني]

انا كله اخذ 2 ب 12
في بنات يبيعون الواحد ب10 واثنين ب18 و3 ب25
هذي ارخص وحده حصلت عندها بهالسعر

 

[haya20]

انا ماخذه كميه من دبي ومن تايلند لان صج عجيب من اقول بسافر يوصوني عليه يعطي لون برونز حلو وانا خذيته بتايلند يطلع 3 دنانير او اقل وبالامارات اكثر يمكن 6 انا اخذ كميه فما اعرف السعر عدل

 

[haya20]

اي صح مره اخوي يابلي من شرم الشيخ بس كان غير ريحته غير و مو نفس المفعول اتوقع غاشينه فلا تاخذون من هناك

 

[زوجي نظر عيوني]

يعطيكم العافيه كل اللي ردو