تــبــريد الأسنان .. فيدوني يا بنات ..

[Kuwait_Girl]

السلام عليكم ..

بنات عفيه فيدوني .. انا حابه ابرد ضروسي بس مو وايد شووووويه بس عشان كلهم اساويهم ويه بعض بس حابه اسأل اللي عارف وفاهم هالشي له اضرار .. يعني زين ولا مو زين .. حابه اعرف كل شي وجزاكم الله خير : )

 

[^طيوبه^]

ممكن تصير اسنانج حساسه من عقب البرد

 

[مهناز]

ana ba3ad abeeee

 

[Kuwait_Girl]

مشكوره ام حسين والله هذا اللي خايفه منه وحابه اتأكد ..
لوول جني شيشتج مهناز

 

[ناتشوو]

اعتقد انه حرام
مابي افتي بس تاكدي

 

[Kuwait_Girl]

حرام :s اول مره اسمع بهالشي .. انا سألت اخوي اهو كان يعالج بالميدان مانصحه الدكتور مادري ليش مع ان بنت اخوي مسويه وحلوين .. بنات عفيه اللي يعرف يقولي زين ولا لأ .. وهم شوفولي هالشي حرام ولا لأ .. ويعطيكم العافيه

 

[مغيب الشمس]

انا سمعت انه حراااااااااااام

 

[جاي الضحى]

وعليكم السلام ورحمة الله وبركاته;

الضرس يتكون من طبقات:

طبقة المينا Enamel ( الطبقه الخارجيه) : طبقه قويه جداً من أقوى أجزاء الجسم. اهي الطبقه البيضة نوعاً ما شفافه.

طبقة الدنتن Dentin: ( الطبقه الوسطى): طبقه مهمة أقل قوه من المينا متصله بالاعصاب. لونها يميل إلى الاصفرار.

تبريد طبقة المينا بدون الوصول إلى طبقة الدنتن; ما يؤدي إلى أي ألم أو مخاطر. بس المشكله إن تبريد طبقة المينا فقط مو كافي إن يوصل إلى النتيجه المطلوبه في معظم الحالات. يعني احتمال كبير يتم الضرس لا الحين طويل وإذا بردتي طبقة المينا ووصلتي طبقة الدنتن ولازم تبردين الدنتن عشان توصلين حق النتيجه المطلوبه > اهني راح تحسين بالحساسية وممكن الشعور بألم إذا شربتي شي حار ولا بارد

هذي صوره توضح طبقات الضرس

عقب ما طبيب/طبيبة الأسنان يفحصون ضروسج يعطونج الجواب النهائي.
وتذكري الباب إلي ايي منا الريح سدى واستريح!
الله يوفقج في جميع الأحوال.
​

 

[شندوخه]

بنات اهيا تبي تبرد مو تسوي فلجه
الفلجه اهيا الحرام البرد ماسمعنا انه حرام
عموما اختي ليش ماتسالين دكتوره الاسنان اللي عندنا في المنتدى تفيدج ان شاءالله

 

[أمونه الأموره 2007]

انا سامعه إنه حرام
والله أعلم
سألي قبل لا اتسوينه وتتوهقين

 

[فطـــومه^_^]

حتى أنا كنت أبي اسوي وقالولي صديقاتي حراااااااام

يارب العوض

 

[Kuwait_Girl]

يعطيكم العافيه كلكم بنات صج ماقصرتوا .. ويعطيج العافيه اختي جاي الضحي عالمعلومات ماقصرتي .. والله انا مو سامعه ان حرام و اخوي كان رايح الميدان عنده موعد وسأل لي الدكتور قاله ما انصح .. ومشكورين هونت مافينه شي بس عيارة بنات

 

[LaDyA]

لا عادي اشدعواا انا مسوية تبريد من 3 سنين والحمدالله كل شي تمام

 

[نـور الكويت]

تبريد الاسنان حراااااااااااااااام

اللهم بلغت اللهم فاشهد