الســلآم عــليكم
شـلونكم يـآخواتي ان شاءلله بخير
بنات فديتكم انا عندي مشكله وان شاءلله تفــيدوني فيها
المـشكله مـب فيني بـآخـتي الـصغيره .. عمرها خـمس سنـين
والمفـروض هالـسنه بالروضه بس تخاااف وامي ماودتها المهم مب هذي مشكلتي
المشــكله بطرحها بــين يديكم وان شاءلله تردون علــي باللي يفيدني
فـي مره من المـرات وانا كنت فيها على الكمبيوتر اللي مكانه بالصاله واللي كانوا قاعدين فيها اختي الصغيره وامي يترفجون على التـلفزيون
الا اختي الـصغيره صارخت وقالت يــمه يــمه شــفتوا الــبزر
انا هنااا لفــيت على طول لها وقعدت اطالعها .. امي ماهتمت لانها بزر وماتاخذ على كلامها بس انااا ادري فيها مشاءلله عليها تفهم وماتقول شـي كذا الا صدق صاير
المهم مسكتها وقلت لها حبـيبتي وش شـفتي وقالت لـي بزر يركض المهم تـروعت شـوي وبعدها رآحت نــآمت عادي وتقول لــي عادي مايخوف اصلا راح انحاش
المهم انا هـنا خفت على اخــتي كثير ومره من المرات جـآيه متروعه لاختـي اللي اصغر مني وتقول يمه كان فـي احد يـفتح الـبآب
وكلما افاتح امي بالموضوع تقول بزر ويتخيل لهااا
واخر مره امس كانت رايحه الحمام الله يكرمكم وهي تخاف ماتسكر الباب المهم انا اسمعها من داخل الحمام تقوول لبيه وش تبين
ولما طلعت سالتها ليه تقولين كدا قالت لي انتي كله تناديني وانا رديت عليج
انا هنااا خفت اكثررر
بنات انا كل اللي يهمني سـؤال واحد بـس ...
الــرقيه الــشرعيه اقد اشــمل فــيها الاطفال اللي بهالــسن والا هم لهم الملآئـكه الخـآصه اللي اسمهم المـعقبآت
>> اكيد عندكم خلفيه عنهم اللـي تحمي الاطفال من الـشيآطين ومن العين وكل شـي بس مادري بالضبط سن كم
انا اقول يمكن بهالـسن لازم نـرقيهم ..؟؟
ياليت تـفيدوني تشــوفون انه خوفــي ماله داعي وانه مــآفــي واطمــن
وان كان عن الــقرآن فــآنا ان شاءلله بشـغله بالبيت
بس المشـكله انه هي الوحيده اللـي تشوف وهذا اللي شغل بالي
نــآطره ردودكم
اخــتكم
..
