تــعالو ســاعـدوني

[كنت و كنت]

السـلام عليكم
بنات شلونكم , شـخباركم
بنـات أنــا بـ فـترهـ حــرجــه جــدا جـدا و ابي مسـاعدتكم

أبــي كــل وحــده تـذكرلي فـى ايــام المــراهقــه
شنــو صــار فيـها و شنـو كانــت تحسس

علشــان فى وايــد أشيــاءء أحسس فيــها و خايفــه تداوم مـعاي طـول حـياتي و لاهي فتـره و تعــدي
بلييييييز تـفــاعلوا مــعاااي تـرانـي ضــايــعـه​

 

[الزين 85]

سؤال غريب؟؟؟؟؟

 

[عاشقة هواك]

النفسيه تكون مو شي

كله تحسين محد يحبج وتبجين لووووول

 

[فدوووو]

اسواء ايام حياتي ايام المراهقه

تصيرين عصبيه وتحسين انك ضاايعه بس فكري بدراستك وراح تستقرين يعني راح تهدى امور المراهقه
مددري كيف اشرحها لك

وخليك دايما تقرين بالدين لازم لازم تتثقفين بالدين ولاتنسين تشغلين نفسك باشياء حلووة زي انك تساعدين امك وخواتك

وحاولي ماتكونين حسااااااااااااسه

 

[عالمي انا غير]

بصراحة كنت اتخيل حيل واروح لعالم ثاني بخيالي هههههه نفس المجنونه بعدين اقعد واتضايق هشئ خيال ليش ما يصير صج

هم كنت حيل عصبيه ومااتحمل احد يقولي البسي هشكل احسلج كنت اتضايق بس يوم كبرت عرفت انه هشئ يعتبر من الاخلاق بصراحة كنت احب الموضه واحب اللبس نفس البنات السوريات اللي معانا جينز وتنانير قصيرة وملابس ضيقة بس هلي عندهم هل امور غلط كنت اعصب ودي مثل ماابي بس بعدين عرفت انه عيب وحرام شوي شوي مع اني مالبستها بس تمنيت البسها وبعدين كنت البس بعروس شنو ماابي هشئ كان ينسيني ضيقتي شوي هههههههههه وهم في موقف كنت اعصب ليش حنا غير عن الصبيان ليش مانطلع مثلهم ع راحتنا اذا محترمين نفسنا بس بعدين هم عرفت ليش ؟ وبديت اتفهم خوفهم وحرصهم علينا

بنات المراهقة مرحلة صعبة بس نصيحة شنو ماقالولكم اهلكم لا تقولون لا ترى يخافون عليكم ومعاهم حق الدنيا صارت تخوف لا تقولين صغيرة ع الحجاب والعباية لا والله مجرد ماتبلغين خلاص انتي كبيرة وهذي تجربتي واعرضها لخواتي الصغار واتمنى هل المرحلة ماتشغل بالكم لان بتمسكنا بمبدئنا واخلاقنا نصير احسن ناس

 

[خانها الحظ]

’،






فترهـ المراهقهـ شوي حساسه للبنت لانها فتره بلوغ


نصايح :


1: تقربي من ربك بالصلاه والاستغفار فان الصلاه تنهى عن الفحشاء والمنكر

2: طيعي والديك لانهم يعرفون مصلحتك

3: اهتمي بدراساتك لانها مستقبلك ولمن تكبرين بتعرفين

4: تثقفي بالاشياء العامه عشان لمن تكبرين تصير عندك خلفيه للاشياء


5 : ساعدي الناس واللي من حولك وخليك فرحه تلقين الدنيا حلوه وسهله






وانتي محظوظه عشان الكل يقدم لك نصايح

 

[FeShinGoOo]

ممكن توضحين عشان نقولج اذا هالشي بيكون ملازم لج او انه مجرد فتره وتعدي ..!!

في امور ماتكون فطريه تكون مكتسبه بهالمرحله وممكن تصير عاده وطبع صعب الخلاص منه ..وانتي فبالج انه عادي لانج تمرين بهالمرحله وهذا مايكون صحيح لازم احد يوجهج ويرشدج

الاضطرابات بالنفسيه والتفكير والاكل والخوف من المستقبل والمجهول والاحساس بالتشتت والضياع وانج مو عارفه شنو تسوين وشنو تقولين وشلون تتصرفين .. تصيرين حساسه من اي كلمه .. تحاولين تتحررين من قيود الاهل وترفضين الواقع الي انتي عايشه فيه .. تحاولين تفرضين رايح وشخصيتج وللاسف اغلب المراهقين يظنون ان هالشي يكون بطولة اللسان والمرادد


اتمنى اكون فدتج وياليت توضحين اكثر عشان نفهم وضعج ونقولج مرينا بهالشي ولا لا؟

 

[STILL G L A M ~]

لووووووووووول انا كنت اتخيل الكل يكرهني و افكر انحاش من البيت لوووووول حدي فلم هندي :\

ووايد اشياء وكنت معجبه بولد جيرانا وولد خالتي وولد عمي وولد عمي الثاني والله كنت مينونه بس كبرت ع 18 نقدت على نفسي حيل

نصيحه ضبطي نفسج ولاتعصبين وخلج مع اهلج وايد ..


ضروري بهالمرحله يكون عندج هوااااااااااااايه + طموح ... علشان تبنين شخصيتج


والصلاه سبحان الله تسهل عليج كل شي ..

 

[موج-البحر]

أهم التبدلات النفسية التي تعاني منها غالبية الفتيات في سن المراهقة :

1. قلق وارتباك وتبدل في المزاج .
2. عدم الشعور بالاطمئنان وعدم الاستقرار .
3. التغير السريع في المزاج .
4. الشعور باليأس والاكتئاب والانعزال .
5. نوبات من التصرفات المتسمة بالرعونة والخشونة والعنف تعقبها نوبات معاكسة من الكسل والانزواء .
6. تصاب بعض الفتيات بخجل وحياء شديدين إلى حد التلعثم بالحديث واحمرار الوجه الشديد .
7. العناد وعدم الاستماع إلى نصح من هم أكبر منها سنا مثل الأب والأخ والأخت، مما يؤدي إلى احتكاكات وصدامات معهم . فعلى الأم، في مثل هذه الحالة، ألا تستعمل الشدة إطلاقا مع البنت طالما أن العناد لم يصل إلى درجة تؤدي إلى الانحراف . وأنصح الأم بأن تجعل مراقبتها تصرف ابنتها تأخذ منحي الرعاية المكللة بالحنان بدلا من استخدام الخشونة والتوبيخ وكأنها تلعب دور الشرطي في البيت والأستاذ في المدرسة .
8. الخوف من أمور تافهة مثل الظلام والحيوانات كالقطط والكلاب وتصور أشباح . . . فلا داعي لنهرها وإجبارها على عدم الخوف منها لأن هذه المخاوف سرعان ما تزول تدريجيا.
9. اتساع مجال الخيال مما يجعلها في كثير من الأحوال لا ترضى بالظروف المعيشية التي تعيشها . . . وهذا أمر يجب على الأهل تفهمه . فالفتاة في هذه الفترة خيالية، حالمة، كثيرا ما تستسلم لأحلام اليقظة .

_ الصراعات الداخلية التي تعانيها المراهقة

تمر بعض الفتيات، في فترة المراهقة، بنوع من الصراعات الداخلية هذه أهمها :
1_ الرغبة في الاستقلال المادي والعاطفي

فهي في الوقت الذي ترغب في الاستقلال والاعتماد على النفس والتحرر المادي بكل معنى الكلمة، نجدها في مجتمعنا محتاجة إلى الاعتماد على الأبوين للحصول على الأمان المعنوي والسند العاطفي والماديات التي يوفرها الوالدان والمحيطون بها في أقارب .
2_ صراع البحث عن الذات

وفي هذه المرحلة تمر المراهقة بصراع البحث عن الذات، أو تحديد " الهوية " فهي تخاف من أن تكون لا شيء، وفي الوقت نفسه تخاف من تقليل صورة شخص آخر، وهي لذلك تنطلق لمواجهة العالم لتخوض بنفسها التجربة، ولكنها تجد نفسها مقيدة بالتقاليد والعادات والأعراف الأسرية العميقة تحيط بها كما يحيط بها البرج العالي بأمير الأحلام .
3_ تضارب القيم بين ما تعلمته في الطفولة وآمنت به من تعاليم ومبادئ في المدرسة ومن الأسرة

وبين ما يمارسه الكبار في المجتمع والحياة اليومية من شواذات، يؤدي إلى وقوعها في حيرة من أمرها، فيدخل الشك في نفسها وتصبح عاجزة عن التفرقة بين ما هو صواب وما هو خطأ في الحياة .

ان شاءالله افدتج بشي وترى كل اللي مكتوب عانينا منهم اغلبية البنات جذي

 

[أنسأنة غير]

والله المراهقه صعععععععععععععععععععععععععععععععععععععععبة تصير اشياء صعبة

 

[ام ميميتو]

وايد شغلات بس انا الي صج كنت اخاف منه ان احد يتحرش فيني او يسوي فيني شي حتى الحين بعد ما تزوجت وصار عندي ولد نفس الشي احس اني صرت معقده هههههههههههه بس ماقول حق احد فشله

 

[مجروحه واكابر]

آنا ماازلت بفترة المراهقه ههههههه
تقبلي مرورري

 

[كنت و كنت]

مششـكـورين بنــات
الـصـراحــه أستــفدت وايد و يــزاكم الله كــل خـير

و مـن هالاشيــاء اللي احسس فيهم
تحـرك العاطفه
الشعور بالنقص و عدم الثقه بالنفس
الضياع النفسي
و الاكتئاب
و الضيقه المفاجئه
و ششكرا ​

 

[فلسفة جرح]

المراهقه تحسين انه محد يحبج وتصيرين عصبيه بس لا تهتمين بشي غير طاعة ربج ودراستج