تـــجـــمع الحوامـــــل اللي عندهم قصـــر بعنـــق الرحم

[قـــمـــرهم]

هلا رنون


اي عادي يصير

الدكتوره لازم تشوف عنق الرحم عندج اذا قصير تسويلج ربط

انا صارلي اجهاض وعرفت بعدها انه عندي قصر



و العضوه روز ماري معانا اذا مو غلطانه مسويه ربط واول حمل لها
ماعندها اجهاض من قبل


الله يثبت حملها يارب

 

[gmar al-kuwait]

وانا اول حمل لي وسويت ربط الحمدلله

 

[حوريه ...]

يعتمد ع عنق الرحم عندج كم طوله


يكشف الدكتور بالاسبوع ١٣ بالسونار ويقولج اذا تحتاجين او لا

والفحص من بدري افضل

احنا مافكرنا بهالموضوع الا لما اجهضنا اول مره

يمكن جهل منا لانه الاول


وربي يتمم علينا جميعاً

 

[روزماري]

سيفرج

ألف مبرووك و الحمدلله على سلامه و الله يطمنج على ولدج



شخبآاركم بنات
قمرهم و حوريه و قمر الكويت و باتوتا و كل البنات طمنوني عليكم


قمر
الله يعينج على الإمساك أنا حاشني الإمساك ما نفع معاي شيء و كنت أرجع الملين اللي عطونياه
ما فآد معاي إلا السوائل الماي 24 ساعه اشربه و عصير البرتقال إلحمدلله ارتحت
روحي الطبيب و شوفي شيقولج

 

[روزماري]

بنات بخصوص اللي يسألون عن الربط

الربط يسوونه لأكثر من حاله :
اللي عندهم ولاده مبكره من قبل
و اللي عندهم قصر بعنق الرحم و هذا يبين بالفحص من الأسبوع 12 لي 15
و الحمل المتعدد التوأم


أنا مسويه ربط و أنا ما عندي أي مشكله و طول عنق الرحم عندي و طبيعي و ممتاز بعد
بس سويت للأمان لأني حامل بتوم و آخآف من الثقل و الضغط. و الحافظ الله سبحانه

حوريه تبين نصيحتي سوي ربط حتى لو قالولج ما تحتاجين
لاتنسين آنتي عندج ولاده مبكره
آتكلي على ربج و استخيري و سويها

ترى بسيطه و أنا الحين مرتاحه اطلع و آروح عادي بس طبعا بحذر يعني مو أمشي واجد و أتحرك واجد لا براحه يعني
بس مو نفس قبل آخآف أتحرك و آخآف أمشي أنا للحين آخآف بس أحسن من قبل

الله يسهل علينا جميعا

 

[حوريه ...]

روز ماري

حياتي انتي والله نصيحتج ع راسي

بس انا لي فتره احلام وكوابيس وصرت اقرا وارقي نفسي

فاذا طلع اللي فيني تابعه اخاف اربط
لان التابعه تذبح الجنين
اخاف اربط وتجيني ولاده مبكره وقتها بينفجر الرحم
انا بحاله مايعلم فيها الا رب العالمين

وودي اربط وااخاف
مو خايفه من الربط كثر خوفي من هالشي يصير فيني
وترا من قبل احمل وانا كل ماحلمت وتفسر ع انه احد نفسه فيني ويبيني
تعبت والله صايره منفسه وعصبيه وصداع وحالتي حاله
واحاول ادش تجمعنا مع البنات وانسى
بستخير وبشوف
لان بروح لمطوع وبروح اتاكد من عنق الرحم
وبشوف الاثنين
وبستخير وبتوكل ع رب العالمين وربج كريم هو الحافظ

ومشكوره مره ثانيه فديتج

 

[حوريه ...]

حتا زوجي يقول شفيج ماعاد تضحكين

وصايره كئيبه

اضحكي واستانسي واذا ربي كاتب له يعيش بيعيش بدون شي

واذا ربي مو كاتب والله لو تربطين وتسوين كل شي ماراح يعيش

توكلي ع ربج وارجعي حوريه الفرفوشه

 

[قـــمـــرهم]

حوريه ي قلبي


تعوذي من الشيطان وارقي نفسج وشغلي البقره دايما عندج ..

صج انا بعد اخاف لما يقولولي ينفجر الرحم وجذي صج اخااااف

بس انتي اذا ربطتي وجاج عوار ع طول روحي للطبيب لا تسكتين

واذا شافوا انه معاج طلق راح يفتحون الربط ع طول لا تحاتين هالنقطه ..


وسالفة انه تربطين ويموت الجنين عاد هالشي الله كاتبه اذا مات وانتي مسويه

ربط مااابيدج شي بس اهم شي انج سويتي اللي عليج وربطتي عشان اتفادين الولاده

المبكره ...



وحبيبتي لاتوسوين تابعه وما ادري شنو

انتي حصني نفسج اهم شي والله بيحفظج انتي واللي ابطنج ..


ترا انا جذي قبل لا اتزوج يخطبوني ناس وماتتم وقالولي ناس نفسهم فيج

والحين تزوجت وحملت واجهضت وقالولي اقري ع نفسج ناس نفسهم فيج

وقمت اقرا ع نفسي واحاول ما انسى اذكار الصباح والمسا ورحت لوحده تقرا علي

طبعا الله الحافظ وكل شي ييد الله بس احنا لازم نبذل الاسباب ونتوكل على الله

ومانحط كل شي ع العين صج العين حق


بس احنا لازم نسوي اللي علينا والله الحافظ

 

[قـــمـــرهم]

روز ماري


انا بخير الحمدلله


انتي شلونج ؟



بناااااات


كل وحده تقولنا اهي بأي شهر الحين


انا الحين بنص السابع اللهم لك الحمد

وطبعا ماجهزت ولا شي هههههه


الله يتمم علينااااا يارب

 

[Potato]

السلام عليكم

شلونكم كروشات


سيفرج الف مبروك والحمدالله على سلامتج وسلامة البيبي

قمر الكويت مو زين تطولين بالحمام انا من دخلت نص الخامس لي نص السادس الحين وانا اكل ملين لان ما فاد معاي شي :/

اللي تسأل عن الربط انا عنق الرحم عندي طبيعي الحمدالله وحتى لما سويت العمليه سألت الدكتور فيه ضعف او شي قال طبيعي و ان شاء الله ما احتاجه بحمالاتي الجايه وانا سويته لان كان عندي اجهاض بالاسبوع ٢٠

حوريه حبيبتي عليج باذكار الصباح و المساء اقريها على بطنج و الحافظ الله لا تفكرين و تقولين تابعه ومادري شنو ربج اقوى من كل شي

 

[حوريه ...]

كلامكم يبرد القلب والله


وانا حاسبتكم مثل خواتي عشان كذا قاعده اقولكم كل شي يجي ببالي

ونعم بالله الحافظ الشافي المعافي

ويارب يارب يتمم لنا ع خير ان شاءالله

عاد سبحان الله مع ان احلام وكوابيس وانا الحمدالله ارقي نفسي واقرا قران

بنات متفائله بهالحمل اكثر من حملي اللي طاف

وكله اتخيل اني ولدت وقاعده اشوفه


ان شاءالله النفسيه تصير احسن من قبل


حنا نبذل الاسباب ونتوكل ع الحي القيوم وربج حبيبج هو الرازق سبحانه

 

[روزماري]

حوريه توني إشوف كلامج و البنات ما قصرو


صدقيني الكوابيس و الأحلام و اللي قالج تابعه و مآدري شنو هاذي كلها وسوسه من الشيطان
أنا جذي كنت أحلم و إذا فسرت قالولي عين و نفس و أنا طولت ما حملت مع أنه مآفيني شـي و لا زوجي
و مآاهتميت شلت هالسوالف من بالي و كنت أقرى الرقيه باستمرار

و الولاده المبكره صدقوني خيره لكم و آجر و أن شاء شفاعه لكم

دايم مسحو على بطنكم و قولو آستودعتك الله الذي لا تضيع عنده الودائع

 

[روزماري]

قمرهم أنا الحين بنص الخامس


و لا جهزت و لاشـي بنطر السادس أو السابع
بس ودي أجهز لاستقبالي لأني أحس هو الحوسه صج

 

[حوريه ...]

روز

الف الحمدالله

واكيد خيره دام ربج كاتبه ومقدره

وصدقيني مااكذب عليج زعلت وبكيت لما سقطت

بس رحت الحج وارتاحت نفسيتي ونسيت اللي صار

ورديت ادور الحمال ههههههه

النسيان نعمه من رب العالمين

والحمدالله والله يجعلها شفيعه لي ولابوها ان شاءالله



مع كل صلاه احط يدي ع بطني واقول
اللهم اني استودعتك مافي رحمي يامن لاتضيع ودائعه فاحفظه بعينك اللي لاتنام
والحمدالله مرتاحه وربي يتمم علينا يارب

 

[sverige]

بناااات
ابشركم بالمستشفى اكدولي انو النشله والكحه موهما سبب التبكير بالولاده ولامككن هالشي ابدا
والله اعلم بس اتصور انو كلام الدكاتره صحيح يعني لتخافون ؛)

 

[حوريه ...]

الحمدالله


ربي يتمم علينا وعليكم ان شاءالله

 

[sverige]

شكرا روز ماري وبوتاتو الله يبارك بيكم
وان شاء الله توقًمون بالسلامه انتوا واطفالكم يارب

 

[gmar al-kuwait]

شخباركم بنات
مالكم حس ولاخبر
الله يستر اليوم حيل بذلت مجهود

 

[حوريه ...]

بنات


طبعاً

رحت اليوم للدكتور وكشف سونار عادي قالي الرحم مسكر
بس لازم فحص داخلي

طبعاً سويت مناحه مااحب ولاعمري احد فحصني الا لما ولدت
وقعد يقنعني هالدكتور الله يجزاه الخير حيل حيل باله طويل وهو نفسه اللي ولدني
طبعاً متذكرني عدل مع اني ماعمري شفته الا يوم الد بس



وبعد جهد فحصني ويده خفيفه حيل حيل حيل
قالي عنق الرحم عندج فيه شوية رخاوه نصيحتي لازم تربطين
لان الرخو مايتحمل الجنين بالشهور الاخيره
وقالي عادي بعد الربط تمارسين حياتج طبيعي ولاتخافين





بسالكم احد منكم مثلي

والا كلكم قصر بعنق الرحم

لان انا قالي انه مسكر وعادي بس مشكلته فيه ليونه شوي

ومتا المفروض اسويها انا بالاسبوع ال ١٣
هو قالي باسرع وقت

 

[حوريه ...]

اي صح بسالكم


انا بسويها عند دكتوره ثانيه

لان الدكتور مستشفى حكومي وقالي انا اسويها بس الخيط نوعه مو كويس اللي بيجيبوه عندنا

لازم موعد وزحمه



والا عادي اجي ويفحصون واسوي كل هذا بنفس اليوم