تـــجـــمع الحوامـــــل اللي عندهم قصـــر بعنـــق الرحم

[روزماري]

بنات جم تكلفة العمليه
و تهقون نفس السعر كل المستشفيات بس فرق سعر الغرف صح

 

[قـــمـــرهم]

هلا روز ماري


لا تحاتين يا قلبي ولا تخافين ترا سهالات باذن الله

اتوقع يبيلج اسبوعين وتعطيج الخبر الاكيد عن

طول عنق الرحم صح؟

لانه انتي الحين مبين بالتوقيع انج بالاسبوع العاشر وجم يوم



والدم وين متجمع بالمشيمه ؟؟؟؟

انا كان معاي دم متجمع بالمشيمه بس كان وااااااجد وطاح كتله كبيره
بالحمام صارلي نزيف وطاحت كتله دم كبر كف ايدي متجمده

بس هالنزيف ماطول قعد يوم وعطوني ابر وبعدين وقف


ولما سويت سونار بعد ماطاحت هالكتله بين معاي كتله دم ثانيه كبيره وااااضحه حتا انا شفتها

بالسونار تحسين بقعه سودا مدوره كبيره داخل المشيمه

وقالتلي دكتورتي ارتاحي وانسدحي ع ظهرج لا اتحركين

و قالتلي هالدم اللي باجي يا انه يطيح يعني ينزل

مثل اللي قبل او يذووووب

وصج مع الراااحه والسدحه وما اتحرك

قعدت اراجعها اسبووووعيا وصج كل مراجعه قاعد يقل الدم

كان ٣ سنتي تقريبا لين صار ١ سنتي. كله ذاب الحمدلله

تقريبا قعدت ٣ اسابيع راحه وذاب

وعقب ال٣ اسابيع قالتلي ودي انطر لين يذوب الدم اللي باجي

واسوي العمليه بس ماكووو مجال لاني كنت بالاسبوع ال١٥

ولازم لازم تسويلي العمليه حدها متاخره وصج سوتها لي

ولما سوتها لقت عنق الرحم مفتوح ..

والحين توني رايحه مراجعتي امس وسالتها باجي دم ؟

قالتلي اي نفسه ماذاب بس انتي ارتاحي وان شاء الله يذوب

سالتها زين طبيعي هالشي ؟

قالت لا مو طبيعي بس ان شاء الله ما منه مضره لانه شوويه مو واجد


وانتي لاتحاتين اهم شي ارتااااااااااحي وانسدحي ع ظهرج

 

[قـــمـــرهم]

بنات جم تكلفة العمليه
و تهقون نفس السعر كل المستشفيات بس فرق سعر الغرف صح

انا عمليتي سويتها بالمواساة

والله ناسيه سعر العمليه بروحها جنه 370 دك

بس طلعت من المستشفى دفعت تقريبا 520 دك

بس انا حجزت غرفه عاديه عندهم ونمت ليله

غرفتهم كانت ب 60 دك الليله

وترا الدكتوره راح تقولج اطلعي بنفس اليوم

لانه عمليه الربط تعتبر من عمليات اليوم الواحد

بس انا تعبت وماقدرت اطلع ف حجزت غرفه عندهم ليله وحده



يعني العمليه مع الغرفه مع الادويه والابر طلع تقريبا 520 دك

والادويه عطوني وااجد بعد العمليه مضاد وابر وتحاميل

تقريبا طقوني ابرتين بعد العمليه




واي استفسار انا حاضره

 

[روزماري]

لا انا دم متجمع بالرحم مو المشيمه
و انا شفتها بالسونار صح بقعه سوده
و مكانها تحت الجنين يعني جاي تحت
هذا اللي طمن الدكتورة لانه لو فوق او يم جيس الحمل يمكن يحرك الجنين اذا نزل الدم لا سمح الله

و هذا انا مريحه على الاخر الله يعينا ان شاء الله

انا الحين بالاسبوع ١١ و عقب بأجر ادش الاسبوع ١٢
و الموعد الجاي بعد أسبوعين يعني وقتها بتتاكد اكثر


و مشكورة يا قلبي ما قصرتي الله يتمم عليج يارب

 

[قـــمـــرهم]

العفووووو و جزاج الله خير يارب


بسالج متى كان موعدج اللي فات ؟


تبين نصيحتي روحي لدكتورتج بالاسبوع ال١٣

لانه كل الدكاتره يقولون فحص عنق الرحم بالاسبوع

ال١٢ او ال ١٣


وبعد اسبوعين يكون لج ١٤ اسبوع بالضبط صح !!

لانه لو رحتي بالاسبوع ال١٤ وطلع عندج قصر !!

متى تسوين العمليه بالاسبوع ال١٥ !!!!

ترا حيييييل متاخر انا سويتها بالاسبوع ال١٥

ودكتورتي قالتلي حيل تاخرنا والرحم كان مفتوح




انا مابي اخرعج ولاااااا اتخرعين من كلامي

بس ابي انبهج لاني مريت بهالتجربه

وعرفت متى لازم يكون الفحص ومتى العمليه


والله ييسر امورج يارب

 

[Flower20]

شلون اعرف اذا احتاج ربط
انا اجهضت بالاسبوع 22 لان الرحم كان مفتوح
والياهل كان حي
يعني اما فيني قصر بعنق الرحم واحتاج ربط؟

 

[Flower20]

سؤال ثاني هل الجماع ممنوع بالربط

 

[قـــمـــرهم]

شلون اعرف اذا احتاج ربط
انا اجهضت بالاسبوع 22 لان الرحم كان مفتوح
والياهل كان حي
يعني اما فيني قصر بعنق الرحم واحتاج ربط؟

هلا ي قلبي فلور


هذا كان اول حمل لج ؟؟

واذا الرحم كان مفتوح يعني لازم تسوين فحص لعنق الرحم

والفحص يسوونه للحامل بالاسبوع ال12 عشان يتاكدون اذا

عندها قصر بعنق الرحم او لا


يعني انا صارلي اجهاض بالاسبوع ال18 وجاني طلع وانفتح

عندي الرحم والدكاتره ما عرفوا شالسبب ومن شنو صار الاجهاض؟

بس دكتور بعد الاجهاض سألني انتي سويتي فحص عنق الرحم قلتله لااا

قالي يمكن كان عندج قصر بالعنق

اذا حملتي سويه بالاسبوع ال12 وصج لما حملت سويت الفحص وطلع عندي قصر


وسويت الربط

 

[قـــمـــرهم]

سؤال ثاني هل الجماع ممنوع بالربط

ابقولج عن وضعي انا وكلام دكتورتي

انا لما سويت الربط كان عنق الرحم عندي مفتوح

يعني لو ناطره اكثر چان ممكن صار اجهاض

لانه عنق الرحم مفتوح يعني الحمدلله الحمدلله

لحقنا ع الحمل بآخر لحظه ..


ودكتورتي قالتلي جماع ممنوووووووع مشي ممنووووووع

اتشيلين اشيا ثقيله ودرج والسوق ممنوووووع


و قالتلي لو انه العنق كان مسكر وقت العمليه

جان قلتلج روحي وامشي وسوي اللي تبين عادي


بس وضعج شوي صعب



ان شاااء الله استفدتي من كلامي

 

[قـــمـــرهم]

اب
اب

 

[روعة خيال]

شلونج قمرهم؟ بشريني عن الربط ان شاءالله ماكو عوار؟

 

[قـــمـــرهم]

هلا روعه


انا بخير الحمدلله

انتي شلونج وشلون الحمال ؟؟


الحمدلله ما كو عوار

بس اليوم الفجر والعصر حسيت مثل شد او تقلصات قويه من تحت

شووي بس وراحت

اول شي خفت وقلت بروح الطبيب بس لما راحت عادي ولا رحت

حسيت فيها لحظات بس وان شاء الله ماكو الا العافيه


تدرين زهقت زهقت زهقققققت من السدحه ):

صج امشي واتحرك بالبيت

بس مو عايشه حياتي طبيعيه كل شي ممنووووع

حتا غرفتي بصعدلها فوق مووو قادره ممنوع الدرج ):

كل شي ممنوع !!



انا اخاف اذا حملت مرة ثانيه باذن الله يصير لي نفس الوضع هذا

ودي يكون حمالي طبيعي واعيش حياتي طبيعيه



اليوم كان ودي اطلع مشوار قريب وقلت لامي انا بسوق السياره

قالتي مجنونه انتي تسوقين ): ماكووووو

تبين تروحين امشي بس تقعدين بالسياره وماكو سواقه ):

الحمدلله الحمدلله الحمدلله على كل حال

 

[Flower20]

حبيبتي مشكووورة
اي كان اول حمل لي وكانت بنيه الله يجعلها شفيعه لي
انزين سؤال متى الوقت المناسب للحمل بعد التنظيف واجهاض بالخامس
صارلي شهر وجم يوم تقريبا وعلي الدورة ومترددة ابدا بحبوب منع الحمل ولا اخليها على الله مع العلم اني ماحملت بسرعه بعد زواجي

 

[Flower20]

تقولين تحسين بشد قمرهم؟
عطوج حبوب منع طلق او لا
انا صايرة وساوسية واخاف عليكم البنات الحوامل خصوصا الي نفس حالتي

 

[قـــمـــرهم]

هلا فلور

لا الحمدلله العوار اللي جاني مو طلق

بس مثل الشد ما ادري شلون صاير والبنات بتجمعنا

قالولي عادي لاني البيبي قاعد يكبر

تدرين عاد انا بعد قمت اوسوس اي عوار اقول يمكن طلق

بس باذن الله ماكو الا العافيه

شي طبيعي كل حامل لازم تحس بعوار ونغزااات

وحبوب تمنع الطلق اول شي ما اعرفها وثاني شي

قبل تقريبا شهر كان معاي عوار بسيط مو طلق بس

احس مثل الماغص وعطتني دكتورتي حبوب للتقلصات

والحمدلله رااحت مع الراحه طبعا



وترااا العوار اللي جاني مو طول اليوم لااااا

يعني جاني مره او مرتين بال٣ ايام اللي فاتت

واتوقع من عدم الراحه لاني صايره اتحرك واجد

واطول بالقعده ..


ودكتورتي قالتلي اذا جاج عوار قوي تعاليلي ع طول


الحمدلله الاوضاع بخير

 

[قـــمـــرهم]

حبيبتي مشكووورة
اي كان اول حمل لي وكانت بنيه الله يجعلها شفيعه لي
انزين سؤال متى الوقت المناسب للحمل بعد التنظيف واجهاض بالخامس
صارلي شهر وجم يوم تقريبا وعلي الدورة ومترددة ابدا بحبوب منع الحمل ولا اخليها على الله مع العلم اني ماحملت بسرعه بعد زواجي

حبيبتي الله يجعلها شغيعه لج ولابوها يااارب

انا كله اتخيل ولدي اللي مات طير من طيور الجنه

انتي بس تخيليها طير بالجنه والله تستانسين وكافي انها

بتشفعلكم ..

يارب يارب الله يعوضج عنها ب3 بنات و3 صبياااااان
عاجلا غير اجلا يااااكريم


انتي الحين بفترة نفاس صح ؟


شوفي انا بعد الاجهاض ماراجعت ولا دكتوره مع انه غلط

وكان عندي مليون سوال وسوال بس مارحت تكيسلت ومارحت

بس وقت الاجهاض بالمستشفى الدكتور قال ممنوع الجماع لمدة شهر

كاااامل وماقال شي عن الحمل وانا طلبت فحص للمشيمه والحمدلله

طلعت المشيمه سليمه وماكو مشاكل ..

وانا اسمع الكل يقول بعد الاجهاض ريحي 3 شهور ع الاقل

و عقبها احملي

وقالولي اكلي حبوب مانع بس انا خوااااافه خفت تسببلي عقم

وخليتها على الله قلت متى ماحملت حملت وصج قعدت 40 يوم نفاس

وعقبها قلت اللي الله كاتبه بيصير

وتقريبا عقب 3 دورات حملت اللهم لك الحمد

تدرين كان ودي احمل ع طول وبنفس الوقت ودي اقعد شهرين ع الاقل

يرتاح جسمي والحمدلله



والحين لما حملت وسويت ربط في ناس زفوني يقولون شفتي

قلنالج اكلي حبوب ماتسمعين الكلام لو ناطره جان ماسويتي ربط

وانا مووووو عارفه ليش سوولي ربط عشان الاجهاض والا شنو


بعدين فهمتني دكتورتي وعرفت سالفة قصر عنق الرحم..







انا ما اقدر انصحج اكلي حبوب او لا انتي روحي لدكتوره احسن لج

واستشيريها ..

بس نصيحه اكلي من الحين فوليك اسيد عشان يهيء الرحم للحمل

واذا قدرتي روحي عمره



منوووو دكتورتج اللي قبل ؟ وماقالتلج سوي فحص عنق رحم؟

 

[قـــمـــرهم]

ااب

 

[Flower20]

هلا حبيبتي
انا كانت دكتورتي اسيا بالولادة
اهي زينة بس ما كنت الاقيها على طول عليها زحمة
ومحد فحص عنق الرحم على اساس اني بجر وماعندي اسقاطات من قبل
مو مكتوبة لي الحمدالله على كل حال
الحين علي الدورة صارلها عشر ايام وصارت نزيف اسم الله عليج
خمس ايام خفيفة وصارلها ٤ ايام غزيرة احس دمي خلص
رحت الطبيب عطوني حبوب منع حمل عشان تنظما
مع العلم اني للحين بالاربعين طهرت ١٢ يوم ونزلت الدورة

والله كريم ان شاءالله
ودربااالج على نفسج وارتاحي كلها فترة وتعدي

 

[قـــمـــرهم]

حبيبتي فلور

الله ييسر امورج ويكتبلج الخير يا رب

اييي انا نفسج محد سوالي فحص على بو انه بچر

صج انه مكتوووب وراضيه باللي صار بس شنووو

كرهت دكتووووورتي اللي قبل كرهتها كرهتها

يعني شهريا اراجع عنها وتقولي كل شي تمام تمام

مايضرها اتچيك ع العنق!!! يعني ليش دافعه فلوس انا !!!


الحمدلله على كل حال ..


وانتي ديري باااااالج ع نفسج اهتمي بنفسج واكلي عدل وتدفي عدل

واشربي حااار ترا يقولون الاجهاض جنه نفاسين حيل حيل خطر

لازم الوحده تهتم بنفسهااااا عددددل



وان شاء الله بس تطلعين من الاربعين

ترتاحين جم شهر وتحملين بتووووم بنت ولد باذن الله

 

[قـــمـــرهم]

اب
اب