تفاصيل رحلتي لماليزيا وتايلند (( بالصـــــور ))

[جوريه]

السلالالالالالالالالالالالام عليكم قوه بنات
طبعا انا سافرت لماليزيا وتايلند في شهر 8 وكانت خووووووووووووش رحله صورت لكم صور وانشالله بنزل لكل منطقه وصورها وطبيعتها
اول محطه لنا كانت في مطار بانكوك وصلناها بعد طول رحله 8 ساعات ماشفت فيها النوم وانصدمنا انه طيارتنا لماليزيا تأجلت لعطل في الطائره وقعدنا 5 ساعات في مطار بانكوك التعيس لين وصلت موعد رحتنااااااا لبنانغ (جزيره في ماليزيا )
وصلنا الساعه 12 بليل لجزيره بينانغ طبعا الطريج من المطار للفندق ساعه اكتشفنا انه كل المناطق مطاراتهم تبعد ساعه عن قلب المدينه طبعا ردينا متين من التعب نمنا قعدنا ثاني يوم الصبح وانصدمنا من الجو بتشوفونه بالصوره هاذي صورتها اول ماقعدت على طوووووووووووول على الدريشه

طبعا لبسنا وسيده نزلنا تحت والجو غيم ومطر يونس بس خرب علينا خططنا للرحلات لان بالمطر عندهم كل شي يسكر هذا الفندق قولدن ساوندس

وهذا الفندق من بره والرصيف المجابله من الساعه 7 بليل و8 يفتح سوق الليلي بهالرصيف

 

[جوريه]

رد : تفاصيل رحلتي لماليزيا وتايلند (( بالصـــــور ))

نزلنا طقينا فره على الفندق وترقنا بمكانالبوفيه على البحر كان يشكله ايشوق من اليوع اكلنا كل شي عندهم واللي يريحك بماليزيا كل شي حلال عندهم
وقالولنا بهالمطر مالكم الا حديقه الفراشات والطيور اهي اللي فاتحين ومحميين من المطر ورحنا توكلنا على الله

وطلعنا اخذنا فره في الجزيره وشوارعها بالتاكسي وايد هاديه وحلوه منطقه جبليه بس تونس

 

[xxx]

رد : تفاصيل رحلتي لماليزيا وتايلند (( بالصـــــور ))

روعععععععععه الصور

شوقتينا نروح

 

[جوريه]

رد : تفاصيل رحلتي لماليزيا وتايلند (( بالصـــــور ))

ثاني يوم اتفقنا مع التاكسي نفسه يودينا حق pinang hill واهي قمه اعللا جبل عندهم تشوف الجزيره كلها وتصغد لها مثل القطار

اهني ناس عايشين ببيوت على الجبل شلون مادري

هاذي من قمه الجبل

 

[جوريه]

رد : تفاصيل رحلتي لماليزيا وتايلند (( بالصـــــور ))

وصلنا لثالث يوم والاهوو الاخير يعتبر لان اليوم اللي وراه نسوي جيك اوت ونطلع من بينانع
ثالث يوم خليناه للانشطه البحريه جت سكي والبراشووووووت لاحد يطوف متعه هالانشطه راح تلقونهم ععلى شاطئ الفندق يترجونك انك تركب عندهم وكاسرووهم ترا نصابين اهما رخاص بس يضربون على الخليجيين

اهني ريلي راكب بالبراشوت خخخخخخخخخ

طبعا بليل راح تقولين مافيه شي طبعا يوميا بالسوق الليلي بحكم قربه يم الفنق وعلى يومين نروح مجمعات بعيده شوي على الفندق تاخذ نص ساعه بالتاكسي بس تسواااااااااااا

والمحطه اليايه في كوالالمبور...

 

[جوريه]

رد : تفاصيل رحلتي لماليزيا وتايلند (( بالصـــــور ))

اول يوم وصلنا لكوالمبور كان عيد الوطني مالهم كوالالمبور زحمه وايد ومباني وايد تسمى مدينه الاضواء وكان يومها تعيس بصراحه لان الفندق مش ذاك الزود فضيق خللقي قعدنا يومين وكنسلنا حجزنا فيه ورحنا لماريوت هاذي صوره التوين تور في العيد الوطني كان عندهم العاب ناريه

ثاني يوم قعدنا رحنا رحله لداخل البرجين التوأم ماتاخذ عشر دقايق طبعا بس لازم تفزون من صباح الله خير حجزون لكم تذاكرهم مجانا
وهاذي الصور من فوق

 

[جوريه]

رد : تفاصيل رحلتي لماليزيا وتايلند (( بالصـــــور ))

وصلنا لليوم الثاني في كوالالمبور من بعد البرج رحنا تمشينا بالتاكسي في كوالالمبور مزدجمه وايد ومافيها من الطبيعه ذره عكس بينانغ وبليل تسوقنا باكبر مجنع في اسيا وهو مجمع سيريا تحت البرج التوأمين وفيه كل الماركات اللي تعور القلب

ثالث يوم سوينا جيك اوت ورحنا ( صن واي لاغون )

الطيج تقريبا ساعه وصن واي لاغون عباره عن فندق وفيه مدينه مائية مدينه ملاهي ومجمع كبير بس على الفاضي محلاته مو شي وفيه شاليهات بأحواض خاصه هاذي اللي كيفنا عليها واهي كانت افتتاحها بشهر 8 وقت روحتنا وكانوا مسوين على افتتاحهم عرض خصم طبعا احنا كان حجزنا غرفه عاديه بالفندق بس علباله معاريس وقالنا عن الشاليه وحجزنااااااا ليله فيه بس كان شي عجيييييييب ماينوصف جني كنت بحلم او اشوف احد الافلام بهالشاليه اخليكم مع الصور

هاذي اهي الشاليهات الخاصه من بره

 

[جوريه]

رد : تفاصيل رحلتي لماليزيا وتايلند (( بالصـــــور ))

 

[^^دموع الكويت^^]

رد : تفاصيل رحلتي لماليزيا وتايلند (( بالصـــــور ))

وناااااااااااااااااااسة


مشكورررررررررة جورية على الصور

 

[جوريه]

رد : تفاصيل رحلتي لماليزيا وتايلند (( بالصـــــور ))

بعد صن واي لاغون ردينا لكوالامبور بفندق ماريوت بالتحديد موقعه حلووو انه بشارع العرب والمقاهي والمجمعات كلها بشارع واحد بس طبعا في مجمعات بعيده اكتبهم لكم بالتفصيل بعد الصور

وصلنا ماريوم تقريبا الساعه 5 العصر ارتحنااا شوي ورتبت اغراضي ورحنا اخذنا فره بالمكان اللي احنا فيه
وثاني يوم كانت رحلتنا لحدايق كوالا لمبور ومتاحفها والشلالات وكهوف باتو طبا احنا كان كله بيوم واحدد فهلكنااااااااااااا نصيحه خلوا الشلالات يوم والحدايق يوم

راح احطلكم صور من هالرحله

هذي حديقه الفراشات كولالمبور

وهاذي كهوف باتو حدهااااااااااااا وصخه لانها معبد هندي ولووووووووووووووووووعه ريحة بخورهم وتماثيل البوذيين مكان مقرف بصراحه بس انا ملقوفه قل الا بمره لاني قاريه عنه

وبعدها رحنا الشلالات بس ماتسوا طريجا بعيد ومايها قليل كانوا يمدحون هناك شلالات لنجاوي وايد احلالالالالالالالالا

ومن بعدها رحنا لحديقه الاوركيد كبيره ايد بس كلها خضره ومرتبه مافيها شي زود غير يبيعون لج شتلالالات زرع غريبه

ومرينا المتاحف بطريجنا طبعا كل متحف عندهم لشي متحف التراث ومتحف الحيوانات ومتحف الذهب والاحجار ومتحف السياايير والسفن ومتحف الحربي ويقولون في متحف اسلامي بس للاسف مارحنا له


اهني تقريبا خلصت رحلتي لماليزيا وباجر انشالله راح نشوف تايلند وصورها اللي غطت على ماليزيا بجمالها

 

[FOZQ8]

رد : تفاصيل رحلتي لماليزيا وتايلند (( بالصـــــور ))

بصرااحه موضووعج اكثر من روعه والصور فظيعه
مشكوره وايد

 

[جوريه]

رد : تفاصيل رحلتي لماليزيا وتايلند (( بالصـــــور ))

حياج الله فوز نورتينا

دموع انتي اللي مشكوره للمساعده

 

[السفيرة عزيزة]

رد : تفاصيل رحلتي لماليزيا وتايلند (( بالصـــــور ))

مشكورة جوريه على الصور

ذكرتينا بالذي مضى

و الله ذكريات حلوة

انا سافرت قبلج بشهر

بس كانت رحله حلوة

 

[جوريه]

رد : تفاصيل رحلتي لماليزيا وتايلند (( بالصـــــور ))

هلا فيج زوزو وين رحتي بالضبط وشرايج بكوالالمبوور عجبتج؟؟؟

 

[الشيف رقيقة]

رد : تفاصيل رحلتي لماليزيا وتايلند (( بالصـــــور ))

واي تهبل ، صج شوقتينا

 

[جوريه]

رد : تفاصيل رحلتي لماليزيا وتايلند (( بالصـــــور ))

رقيقه االله يكتب لج سفره لها انشالله

 

[جوريه]

رد : تفاصيل رحلتي لماليزيا وتايلند (( بالصـــــور ))

تايلند (بوكت)


سابع يوم توجهنا لبوكت الكل كان محذرني من وصاختها وقذارة تعاملهم لكن انا شفت العكس يمكن علشان الفندق كان وااااااااااااايد راقي لدرجه ماتصورتها ارقى من ماليزيانفسهاا لان الفندق كان بعيد شوي عن شارع بوكت بنتانغ اللي مشهور بالبارات والمراقص والمسخره يوم كنا بالمطار اسمع الكويتيين والخليجيين كلهم بيروحون للهولندي ان احنا وعائله سعوديه بس اللي في منتج لي ميرديان بصراحه ضاق لقي قلت اكيد مو شي فندقنا وبعيد عن هالشارع والصيحه واللويه كلها هناك لكن يوم شفت الشارع حمدت الله الف مره لان احنا بعاد عن هالمسخره هوليدي ان كان بوسط شارع بوكت بنتانغ مادري شلون الخليجيين وخاصه العوايل يرضون يقعدون اهلهم بهالمسخره

لي ميرديان يتميز بفخامته وهدوءة لا تستغربون اذا شفتوا مشاهير العالم فيه لان يعتبر اغلى فندق ومنتجع في بوكيت
https://www.lemeridien.com/index.shtml
شوفوا الصور

اهني صور الرحلات البحريه:

 

[جوريه]

رد : تفاصيل رحلتي لماليزيا وتايلند (( بالصـــــور ))

وبليل قالولنا لا تطوفون الفنتازيا اهو عرض مثل المسرح وفيه عروض وفيه مطعم كبير ومحل للاغراض التذكاريه

 

[جوريه]

رد : تفاصيل رحلتي لماليزيا وتايلند (( بالصـــــور ))

وبعد في رحله في بوكت تتسمى السنوكري اهي تلبسين النظارة وتغوصين بمايهم الشفاف وتشوفين مخلوقات ربج من سمج وشعب ونعطيهم خبزه يطقطقون بجسمج من كثرتهم

باجر انشالله احط لكم صور بانكوك ورحلاتها[/SIZE]

 

[**فلونه**]

رد : تفاصيل رحلتي لماليزيا وتايلند (( بالصـــــور ))

جوريه شوقتيني ارجع حق سن واي لاغون ..........عاد احنا قايلين اذا بنرجع ماليزيا بس حق سن واي لاغن لاغير ..........ولا ماليزيا ما عجبتني ........واحنا متعودين على تايلند اكثر و بوكت ما نطوفها بروحاتنا ...........وعاد احنا عكسج ببوكت ما احب اسكن غير بشارع باتونغ بيج احب التمشي في ومن الصبح لي الليل وحنا نتمشه فيه بعد ما نرجع من الركلات وبالرحلات احلى وحده عندي رحلت الكانو هذي روعه و طويله اودون الواحد اكثر من مكان ........المناظر روعه بس الجو لوعه حروره ورطوبه مو طبيعيه ما يبيلها شي تحت الهدوم ...........فندقنا ببكوت اخر شارع باتونغ واغلى واحد بهل شارع لانه الوحيد على البحر مباشره اما هوليدي ان بينه وبين البحر شارع و شكله مو ذاك الزود ..........بس مريديان رووووووووووعه عجيب حماتي كانت ساكنه في بس بعيد الحياة ......


بانكوك اهيا الرووووووووووعه بمجمعاتها اللي ما تخلص و كل مره الواحد يروح لها يكتشف مجمعات و اسواق يدد و فيها رحلات عجيبه


ترى الصور شوقتنا ...........وانا على طريف

يعطيج الف عافيه على المجهود ويالله ناطرين الباجي