تفسير احلام الحوامل

[BaLLoNa]

رد: تفسير احلام الحوامل ((2))

يا حياتي والله ام وليد مشكورة وايد علتفسير وبصراحة يعطيج العافية علتعب الي قاعدة تبذلينه ويانا الله يوفقج انشالله وين ما رحتي

 

[متواضعة]

رد: تفسير احلام الحوامل ((2))

اذا انتي حامل معناه بنت ومعناه بعد يدل على مشاكلج اللي بحياتج بسبب مراة عدوه والله اعلم .

تسلمين يالغالية ان شاءالله بنت جزاج الله خير

 

[abs_30]

رد: تفسير احلام الحوامل ((2))

جزاك الله خير ام وليد .. تعبتي معانا .. جعله ربي بموازين اعمالك..
حلمت حلم غريب
حلمت اني احط خط كحل اسود على اصبع القدم الكبيره وهيا مقلمه .. مثل ما بكحل عيني من الداخل .. كذا سويت حطيت خط كحل اسود على اصبع قدمي الكبير الظفر مقلم عادي وانا فوق منه احط الكحل
ياريت اكون قدرت افهمك .. ومشكوره وااااااااااايد .. ربي يعطيك الف الف عافيه لك ولعيالك

 

[*امضاري*]

رد: تفسير احلام الحوامل ((2))

مرحبا اختي ابي منج تفسرين حلمي انا حلمت يومين ورى بعض بنفس الحلم وهو انام مع غير زوجي نومت ازواج مابي اوضح اكثر من جذيه انتي فهميها لاني مستحيه اوضح ***المهم اني لما اقوم من الحلم عادي عندي مو متأثره واحلامي دايم بالاولاد لاني اتمنى يكون عندي ولد ومع العلم مسويه سونار اكثر من مره وقالولي بنت وواضح وشاكره لج حبيبتي وناطره ردج على احر من الجمر وجزاج الله خير

 

[حلااي]

رد: تفسير احلام الحوامل ((2))

حبيبتي ام ولييد جزاج الله عنا الف خير ياا لطيبة الله يجعله في موازين حسناتج

حلمت انه كنا انا واهلي وزوجي في جاخور وفجاة دشوا علينا بيت عمي بنات عمي وحريم عيالهم وكانوا واجد وصرنا كنا في عرس بس بدون طق ورقص وقلت لامي وخواتي جابلوا الضيوف على ما اروح البس واتمكيج بس لقيت اهلي كلهم لاحقيني ودق على زوجي قالي شلون تروحون وتخلون الضيوف منو يجابلهم قلت الحين اجي واطالع نفسي بالمنظرة والقى شعري لونه اشقر وعلي قمة راسي كله شيب واجد وشوي خشن اقول بيني وبين نفسي اشلون اوخره

يعطيج الف عافية

 

[في بحرهم عذبوني]

رد: تفسير احلام الحوامل ((2))

باذن الله راح تيبين بنتين ورى بعض والله اعلم .

ياااااااااااا حيااااتي او وليد مشكوورة و يا حلات البنات عزوة
انشالله التفسير يكون بنت ياربي ياربي

و عسى الله يجزيج خير و يوفقج و يخلي لج عيالج و زوجج و اهلج يااااااارب

 

[ام منتظر]

رد: تفسير احلام الحوامل ((2))

ام وليد صج انا زعلت صارج مرتين ادخلين وتفسرين احلام كل البنات الا حلمي وسويتلة اقتباس وبعد ما فسرتي
على العموم مشكورة
:0bee2e8d89: :0bee2e8d89: :0bee2e8d89:

 

[virgo88]

رد: تفسير احلام الحوامل ((2))

يااا ام وليد حبيبتي هذا حلم ثااني انا داازته على الخاااص بليييييييييز شوووفيه الله يخليج

 

[جووود--]

رد: تفسير احلام الحوامل ((2))

السلام ام وليد كيف الحال فسري حلمي بس ترى انا مو مزوجه عاااااااادي فسري اطرح الحلم ولا لا

 

[um khaled]

رد: تفسير احلام الحوامل ((2))

حمل ببنت مع رزقه تنول ريلج والله اعلم .

فديت ام وليد والله
ان شاء الله يصدق تفسيرك

 

[Coffee-Girl]

رد: تفسير احلام الحوامل ((2))

السلام ام وليد افي بداية زواجي يعني كان صايرلي جم شهر متزوجه زوجي حلم ان تحت مخدته عقارب واااااااااااااااااااايد وقعد من النوم مخترع

 

[**لــــجيــــن**]

رد: تفسير احلام الحوامل ((2))

السلام عليكم ورحمة الله وبركاته

تحلمت اني دخلت محل ذهب وشفت عقد ذهب صاير مثل الكردان وداخله فص احمر شكله روعه ومعروض عالارض

وبعدين صاحب المحل شال العقد وقعد يورينياه انا عجبني بس سالت عن السعر وقالي ب 13 الف وقلت لااااا حيل غالي مابيه وبعدين صار المحل ذهب وعطور

وشفت داخل القزاز عطرين واحد كبير والثاني صغير ملفوفين بكرتونه وكان لون قزاز العطر اسود وقتله عطني هذول وكاني سامعه عن العطور هاذي عشان جذي شريتهم





والله يجزاج الف خير وللعلم انا حامل بالشهر الثاني

 

[الرها]

رد: تفسير احلام الحوامل ((2))

ام وليد
الخاص عندج ما يستقبل
هذا حلمي من شهرين تقريبا
حلمت هذا الحلم
حلمت أني اخذت بيضتين من الدجاج الموجود عندنا بالبيت
وقلت بعطيهم خالتي وحطيتهم عند بابي علشان اجيب علبه واحطهم داخله
ورجعت ما حصلتهم سألت عمي مين اخذ البيض قال انا اخذتهم واعطيتهم العمال في الشارع
انا عصبت عليه وصحيت من النوم

 

[farah-q8]

رد: تفسير احلام الحوامل ((2))

؟؟؟؟؟؟؟؟؟؟؟؟؟ شنو هذا حلم والا شنو ؟؟؟؟؟؟؟؟؟؟؟؟ظ مو فاهمه عليج

حلمانه اني بشتري ساعه ماركه معروفه مثلي ساعتي

 

[جنااوي]

رد: تفسير احلام الحوامل ((2))

ام وليد ما فسرتيلي حلمي

ام وليد مرتين ادشين وما تفسرين حلمي
وحطيته لج اقتباس بعد وهذي المرة الثالثة
وبعدين ااااازعل

 

[immortelbk]

رد: تفسير احلام الحوامل ((2))

السلام عليكم شلونج يالغاليه ام وليد شنو معنى الحلم بساعه ايد لونها فضي مربعه والمينا الي داخلها لونه كحلي ومشكوووووره ياعمري

 

[جنااوي]

رد: تفسير احلام الحوامل ((2))

يعطيج العافية ام وليد
انا توني حامل وقبل ماادري اني حامل بجم يوم حلمت ان عندي بنت عمرها تقريبا سنة تشبهني لما كنت صغيرة كانها شكلي بصورة عندي وانا ياهل وانا مستانسة انها تشبهني
شنو تفسيرة بليييييييييييييز لا طولين علي

هالمرة لاتطوفينه تكفى
ناااااااااااطرتج

 

[ام هزاز]

رد: تفسير احلام الحوامل ((2))

مرحباااااااااااااا ام وليد شلونج يا الغاليه
تحلمت ان زوجي شراء لي سياره لونها ابيض وحلمي الثاني تحلمت اني عطيت زوجي خاتم فضه

 

[هاديهـ&مطيعهـ]

رد: تفسير احلام الحوامل ((2))

يعطيج العافيه حبيبتي ببداية حملي حمت اني أمشي بصحرا ظلمة وابوي ماسك ايدي والسما كلها طيارات حربية وانا خايفة أطالع بأبوي وأبوي كان مبتسم ووجهه نووور وكان مرتاح وانا ارتحت لما شفته مبتسم وكملنا طريقنا وما اهتمينا للطيارات اللي فوقنا تكفين فسري لي حلمي بلييييييز

 

[الصعيريه]

رد: تفسير احلام الحوامل ((2))

ان شاء الله بيها اخت والا اخو والله اعلم .

تسلميين ياقلبي عالتفسير ...
وفعلا انا الحين حامل بولد...